ഉയര്ന്ന ലീഡില് നിന്ന് എംഐ ഷാനവാസ് താഴേയ്ക്ക്
കല്പ്പറ്റ: വോട്ടെണ്ണല് ആരംഭിച്ച അര മണിയ്ക്കൂറിനുള്ളില് മികച്ച ലീഡുമായി മുന്നേറിയ യുഡിഎഫ് സ്ഥാനാര്ത്ഥി എംഐ ഷാനവാസിന്റെ ലീഡ് കുറയുന്നു. വോട്ടെണ്ണലിന്റെ ആദ്യ മണിയ്ക്കൂറില് ഏഴായിരത്തിന് മുകളില് ലീഡ് നേടിയ എംഐ ഷാനവാസിന്റെ ലീഡ് രണ്ട് മണിയ്ക്കൂറിനോടടുത്തപ്പോള് 1000 ത്തോട് അടുത്തു. 30 ശതമാനം വോട്ടുകള് എണ്ണിയപ്പോഴാണ് ഷാനവാസിന്റെ ലീഡ് നിലയില് കുറവുണ്ടായത്.
കസ്തൂരിരംഗന് റിപ്പോര്ട്ടും അതിനെത്തുടര്ന്നുണ്ടായ പ്രശ്നങ്ങളും വയനാട്ടില് കോണ്ഗ്രസിന്റെ നില പരുങ്ങളിലാക്കി. എന്നാല് വോട്ടെണ്ണലിന്റെ ആദ്യ ഘട്ടത്തില് അപ്രതീക്ഷിതമായായാണ് യുഡിഎഫ് ലീഡ് വളരെയധികം ഉയര്ന്നത്. സിറ്റിംഗ് എംപി കൂടിയായ എംഐ ഷാനവാസിന് ഇത് അഭിമാനപ്പോരാട്ടം കൂടിയാണ്.
എന്നാല് മുപ്പത് ശതമാനം വോട്ടെണ്ണല് പൂര്ത്തിയാപ്പോള് യുഡിഎഫ് സ്ഥാര്ത്ഥിയുടെ ലീഡ് വളരെയധികം കുറയുന്ന സ്ഥിതിവിശേഷമാണ് വയനാട്ടില്. എല്ഡിഎഫ് സ്ഥാനാര്ത്ഥി സത്യന് മൊകേരിയും കടുത്ത വെല്ലുവിളി ഉയര്ന്നുണ്ട്. തിരഞ്ഞെടുപ്പ് പ്രചാരണത്തില് വെല്ലുവിളി ഉയര്ത്തിയ സ്വതന്ത്രസ്ഥാനാർഥി പിവി അന്വര് തിരഞ്ഞെടുപ്പ് ചിത്രത്തിലേ ഇല്ലാതായി.