Click it and Unblock the Notifications
Just In
Don't Miss
-
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
IPL 2024: ചാഹലിനെ ആര്സിബിയ്ക്ക് നഷ്ടപ്പെട്ടത് ആ മണ്ടത്തരം കാരണം; ലേലത്തില് നടന്നത് എന്ത്? വെളിപ്പെടുത്തല് -
69,999 രൂപയുടെ ഇലക്ട്രിക് സ്കൂട്ടർ ബുക്ക് ചെയ്തവരുണ്ടോ? വണ്ടി അടുത്തമാസം തരാമെന്ന് കമ്പനി -
വാങ്ങിയ ഉടൻ തന്നെ ഉപയോഗിക്കരുത്; പുത്തൻ ലാപ്ടോപ്പിൽ ഇക്കാര്യങ്ങൾ ആദ്യം ചെയ്യണം -
ശരീരത്തില് രക്തക്കുറവോ, തലചുറ്റല് സ്ഥിരമോ: ശീലമാക്കണം ഈ പാനീയങ്ങള് -
'ഇത്രയൊക്കെ പണം നയൻതാര മുടക്കാറുണ്ടോ... ലുക്കിൽ മാത്രമെ സിംപ്ലിസിറ്റിയുള്ളു'; ചർച്ചയായി നയൻതാരയുടെ വാച്ച്! -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
സംഘപരിവാറിന്‌ അധികകാലം പിടിച്ചുനിൽക്കാൻ കഴിയില്ല, ബീഹാർ ഫലത്തെക്കുറിച്ച് ഇപി ജയരാജൻ
തിരുവനന്തപുരം: രാഷ്‌ട്രീയമായി മാത്രമല്ല, സാമൂഹ്യമായും ചരിത്രപരമായും വലിയ പ്രാധാന്യമുള്ള വിജയമാണ് സിപിഎം ബിഹാറിൽ നേടിയതെന്ന് മന്ത്രി ഇപി ജയരാജൻ. ബീഹാറിൽ നിന്ന് ഉത്തരേന്ത്യൻ രാഷ്ട്രീയ രംഗത്തിനാകെ പുതിയ ദിശാബോധം നൽകുന്ന തലത്തിലേക്ക്‌ ഇടതുപക്ഷം കരുത്താർജ്ജിക്കുമെന്നും ഇപി ജയരാജൻ ഫേസ്ബുക്കിൽ കുറിച്ചു.
പ്രതികരണത്തിന്റെ പൂർണരൂപം: ബിഹാറിൽ മത്സരിച്ച 29 സീറ്റിൽ 16 ലും വിജയിച്ച ഇടതുപക്ഷത്തിന്റെ മുന്നേറ്റം വലിയൊരു മാറ്റത്തിന്റെ സൂചനയാണ്‌. 25 വർഷത്തിനു ശേഷമാണ്‌ ബിഹാർ നിയമസഭയിൽ ഇടതുപക്ഷത്തിന് 15 ൽ കൂടുതൽ പ്രതിനിധികൾ ഉണ്ടാകുന്നത്‌. സഭയിൽ സാധാരണക്കാരുടെ ശബ്‌ദം കൂടുതൽ ഉച്ചത്തിൽ മുഴങ്ങുമെന്ന്‌ ഇതോടെ ഉറപ്പായി. രാഷ്‌ട്രീയമായി മാത്രമല്ല, സാമൂഹ്യമായും ചരിത്രപരമായും വലിയ പ്രാധാന്യമുള്ള വിജയമാണിത്‌.
ഉത്തരേന്ത്യയിൽ വർഗീയ കാർഡിന്റെ ബലത്തിൽ സംഘപരിവാറിന്‌ അധികകാലം പിടിച്ചുനിൽക്കാൻ കഴിയില്ലെന്ന പ്രഖ്യാപനം കൂടിയാണ്‌ ഇടതുപക്ഷ മുന്നേറ്റം. സി പി ഐ എം വിജയിച്ച വിഭൂതിപൂരിലും മാഞ്ചിയിലും കാൽലക്ഷത്തിലധികമാണ്‌ ഭൂരിപക്ഷം എന്നത്‌ വിജയത്തിന്‌ മാറ്റുകൂട്ടുന്നു. വർഗീയ അജണ്ടയും ജാതി‐മത വേർതിരിവുകളും പ്രചാരണായുധമാക്കിയ സംഘപരിവാർ ശക്തികൾക്കെതിരെ മഹാഗഢ്‌ബന്ധന്‌ കൃത്യമായ ദിശാബോധം നൽകിയത്‌ ഇടതുപക്ഷത്തിന്റെ ക്രിയാത്മകമായ ഇടപെടലാണ്‌.
തൊഴിലില്ലായ്‌മ, കാർഷിക പ്രതിസന്ധി തുടങ്ങിയ ജനകീയ പ്രശ്‌നങ്ങൾ പ്രചാരണ വിഷയമായി ഉയർത്തിക്കൊണ്ടുവരാൻ ഇടതുപക്ഷത്തിന് സാധിച്ചു. ജാതി അടിസ്ഥാനത്തിലും മറ്റും വോട്ടുകൾ ഭിന്നിച്ചു പോകാതെ മുന്നണിയുടെ ഐക്യം ഉറപ്പാക്കുന്നതിൽ ഇടതുപക്ഷ നിലപാടുകൾ നിർണായകമായി. യുവ സ്ഥാനാർത്ഥികളെ ഇടതുപക്ഷം കൂടുതലായി അണിനിരത്തിയത്‌ വലിയ ഉണർവാണ്‌ സഖ്യത്തിനു പകർന്നു നൽകിയത്‌.
അടിസ്ഥാന ജനവിഭാഗങ്ങളെ മറക്കുന്നവർക്കുള്ള മുന്നറിയിപ്പാണ്‌ ബിഹാർ തെരഞ്ഞെടുപ്പ്‌ ഫലം. ബിഹാറിൽ വരും നാളുകളിൽ ഇടതുപക്ഷ സ്വാധീനം കൂടുതൽ വിപുലമാകും. ഉത്തരേന്ത്യൻ രാഷ്ട്രീയ രംഗത്തിനാകെ പുതിയ ദിശാബോധം നൽകുന്ന തലത്തിലേക്ക്‌ ഇടതുപക്ഷം കരുത്താർജ്ജിക്കും. അതിനുള്ള നല്ല തുടക്കമാണ്‌ ബിഹാർ. ബിഹാറിൽ ഇടതുപക്ഷ മുന്നേറ്റത്തിന്‌ നേതൃത്വം നൽകിയവർക്കും ഇടുതുപക്ഷത്തിൽ വിശ്വാസമർപ്പിച്ച ജനങ്ങൾക്കും അഭിവാദ്യങ്ങൾ''.
