Click it and Unblock the Notifications
Just In
Don't Miss
-
കോടിക്കണക്കിന് രൂപയുടെ ആസ്തി... ആഡംബര കാറുകള് എന്നിട്ടും മക്കൾക്കൊപ്പം ഓട്ടോയിൽ സഞ്ചരിച്ച് നയൻതാര! -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്‍ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ഖജനാവില്‍ പണമില്ലെങ്കിലും മന്ത്രിക്ക് വിദേശ യാത്ര
തിരുവനന്തപുരം: സംസ്ഥാനം കടുത്ത സാമ്പത്തിക പ്രതിസന്ധി നേരിട്ടുകൊണ്ടിരിക്കുകയാണെന്നാണ് ധനമന്ത്രി കെഎം മാണി പറയുന്നത്. ചെലവുകള്‍ നന്നായി ചുരുക്കിയില്ലെങ്കില്‍ കാര്യങ്ങള്‍ അവതാളത്തില്‍ ആകും എന്ന സൂചനയും അദ്ദേഹം നല്‍കി കഴിഞ്ഞു. ഇത്തരമൊരു പ്രതിസന്ധി ഘട്ടത്തില്‍ മന്ത്രിമാര്‍ വിദേശ യാത്രകള്‍ പരമാവധി ഒഴിവാക്കണമെന്ന് ധനമന്ത്രി നിര്‍ദ്ദേശവും നല്‍കിയിട്ടുണ്ട്.
എന്നാല്‍ ഇതൊന്നും തനിക്ക് ബാധകമല്ലെന്ന മട്ടിലാണ് സാംസ്‌കാരിക വകുപ്പും, നോര്‍ക്ക വകുപ്പും ഭരിക്കുന്ന മന്ത്രി കെസി ജോസഫ്. വിദേശ യാത്ര നടത്തുന്നു എന്ന് മാത്രമല്ല സ്വന്തം ഭാര്യയേയും അദ്ദേഹം തൂടെ കൊണ്ടുപോയി. കൂടാതെ നോര്‍ക്ക വകുപ്പിലെ രണ്ട് ഉന്നത ഉദ്യോഗസ്ഥരും മന്ത്രിയെ അനുഗമിക്കുന്നുണ്ട്.
ഓസ്‌ട്രേലിയയിലെ സിഡ്‌നിയില്‍ നടക്കുന്ന മിനി പ്രവാസി ഭാരതീയ ദിനത്തില്‍ പങ്കെടുക്കാനാണ് മന്ത്രി കുടുംബത്തേയും ഉദ്യോഗസ്ഥരേയും കൊണ്ട് പറക്കുന്നത്. നവംബര്‍ 10 നാണ് പരിപാടി. എന്നാല്‍ മന്ത്രിയും ഭാര്യ സാറ ജോസഫും നവംബര്‍ 6 ന് തന്നെ അങ്ങോട്ട് തിരിച്ചു. നെടുമ്പാശ്ശേരിയില്‍ല്‍ നിന്ന് സിംഗപ്പൂര്‍ വഴിയാണ് യാത്ര.
മന്ത്രിക്ക് പിന്നാലെ നോര്‍ക്ക സെക്രട്ടറി റാണി ജോര്‍ജ്ജും ജോയിന്റ് സെക്രട്ടറി ആര്‍എസ് കണ്ണനും ഓസ്‌ട്രേലിയയിലേക്ക് പറക്കുന്നുണ്ട്. ഇതിനകം തന്നെ വിദേശ യാത്രകളുടെ പേരില്‍ ഏറെ പഴി കേള്‍ക്കേണ്ടി വന്ന ആളാണ് വകുപ്പ് സെക്രട്ടറി റാണി ജോര്‍ജ്ജ്.
നോര്‍ക്ക വകുപ്പ് തന്നെയാണ് ഈ യാത്രക്കുള്ള പണം മുഴുവനും ചെലവാക്കുന്നത്. യാത്രക്കായി 3.25 ലക്ഷം രൂപയാണ് നോര്‍ക്ക വകയിരുത്തിയിരിക്കുന്നതെന്ന് ജോയന്റ് സെക്രട്ടറി കണ്ണന്‍ പറഞ്ഞതായി ഇന്ത്യ വിഷന്‍ റിപ്പോര്‍ട്ട് ചെയ്യുന്നു. മന്ത്രി പത്‌നിയുടെ യാത്ര ചെലവ് വഹിക്കുന്നത് നോര്‍ക്ക അല്ലെന്നാണ് നല്‍കുന്ന വിശദീകരണം.
സൗദിയില്‍ നിന്ന് നിതാഖത് നിയമത്തെത്തുടര്‍ന്ന് ആയിരങ്ങള്‍ തൊഴിലില്ലാതെ മടങ്ങുന്ന സാഹചര്യത്തില്‍ നോര്‍ക്ക തന്നെ ഒരു വിദേശ യാത്രക്കായി ഇത്രയും പണം ചെലവാക്കേണ്ടതുണ്ടോ എന്ന് ഇപ്പോള്‍ തന്നെ ആക്ഷേപം ഉയര്‍ന്നുകഴിഞ്ഞിട്ടുണ്ട്. നവംബര്‍ 12 നാണ് മന്ത്രിയും സംഘവും നാട്ടില്‍ തിരിച്ചെത്തുക.
