അമിത് ഷായുടെ സഹകരണ മന്ത്രാലയം; എതിർപ്പുമായി കോൺഗ്രസും സിപിഎമ്മും, സർവകക്ഷി യോഗം വിളിക്കും

കേന്ദ്രത്തിന്‍റെ നീക്കത്തിനെതിരെ സംസ്ഥാന സർക്കാർ നിയമ നടപടി സ്വീകരിക്കണമെന്ന് മുൻ പ്രതിപക്ഷ നേതാവ് രമേശ് ചെന്നിത്തല ആവശ്യപ്പെട്ടു

Updated: Friday, July 9, 2021, 18:22 [IST]

തിരുവനന്തപുരം: രണ്ടാം മോദി മന്ത്രിസഭയുടെ പുനഃസംഘടനയ്ക്ക് തൊട്ടുമുൻപാണ് കേന്ദ്രത്തിൽ സഹകരണ വകുപ്പ് രൂപീകരിക്കപ്പെടുന്നത്. ആഭ്യന്തരമന്ത്രി അമിത് ഷായ്ക്കാണ് സഹകരണ വകുപ്പിന്റെയും ചുമതല. അതേസമയം സഹകരണ വകുപ്പിനെതിരെ പ്രതിപക്ഷ പാർട്ടികൾ പ്രതിഷേധം കടുപ്പിക്കുകയാണ്. സംസ്ഥാനങ്ങളുടെ അധികാരത്തിലേക്ക് കടന്നുകയറാനുള്ള കേന്ദ്രസർക്കാറിന്‍റെ നീക്കമാണിതെന്ന് കോൺഗ്രസും സിപിഎമ്മും ആരോപിക്കുന്നു.

സ്വപ്നങ്ങൾക്ക് അതിരുകളുണ്ടോ ? ആദിവാസി വിഭാഗത്തിലെ ആദ്യ ഐഎഎസുകാരി ശ്രീധന്യ സുരേഷ്- നേട്ടത്തിന്റെ കഥയറിയാം

കേന്ദ്രത്തിന്‍റെ നീക്കത്തിനെതിരെ സംസ്ഥാന സർക്കാർ നിയമ നടപടി സ്വീകരിക്കണമെന്ന് മുൻ പ്രതിപക്ഷ നേതാവ് രമേശ് ചെന്നിത്തല ആവശ്യപ്പെട്ടു. സംസ്ഥാനങ്ങളോട് ആലോചിക്കാതെ സഹകരണ മന്ത്രാലയം രൂപീകരിച്ചത് ഭരണഘടന വിരുദ്ധമെന്ന് കോണ്‍ഗ്രസ് നേതാവ് രമേശ് ചെന്നിത്തല കുറ്റപ്പെടുത്തി.

സംസ്ഥാനങ്ങളുടെ അധികാരപരിധിയിലേക്ക് കടന്നു കയറുക എന്ന ദുരുദ്യേശത്തോടെയുള്ള കേന്ദ്രത്തിന്‍റെ നീക്കമാണിതെന്ന് മന്ത്രാലയം പ്രഖ്യാപിച്ചപ്പോൾ തന്നെ വിമർശനമുയർന്നിരുന്നു. കേരളം, കര്‍ണാടകം, മഹാരാഷ്ട്ര ഉൾപ്പടെയുള്ള സംസ്ഥാനങ്ങളിൽ വിജയകരമായി തുടരുന്ന സഹകരണപ്രസ്ഥാനങ്ങളെ കൈപ്പിടിയിലൊതുക്കുകയാണ് കേന്ദ്രത്തിന്‍റെ ലക്ഷ്യമെന്ന ആരോപണമാണ് ഉയരുന്നത്. വിഷയത്തിൽ സർവകക്ഷി യോഗം ചേരുമെന്ന് മന്ത്രി വി.എൻ വാസവൻ അറിയിച്ചു.

ഭരണഘടനയുടെ ഏഴാം ഷെഡ്യൂള്‍ പ്രകാരം സഹകരണ സൊസൈറ്റികള്‍ സംസ്ഥാന വിഷയമാണെന്നിരിക്കെ സഹകരണ മന്ത്രാലയം രൂപീകരിച്ച കേന്ദ്രസര്‍ക്കാര്‍ നടപടി ഫെഡറലിസത്തിന് മേലുള്ള കടന്നുകയറ്റമാണെന്ന് സി പി ഐ എം ജനറല്‍ സെക്രട്ടറി സീതാറാം യെച്ചൂരി കുറ്റപ്പെടുത്തി.
കോര്‍പ്പറേറ്റുകള്‍ക്ക് വന്‍തുക ലോണ്‍ നല്‍കി പൊതുമേഖലാ ബാങ്കുകളെ കൊള്ളയടിച്ചതിന് പിന്നാലെ രാജ്യത്തെ സഹകരണ ബാങ്കുകളിലെ വന്‍ നിക്ഷേപവും കൊള്ളയടിക്കാനാണ് കേന്ദ്രസര്‍ക്കാര്‍ ലക്ഷ്യമിടുന്നതെന്നും അദ്ദേഹം ആരോപിച്ചു.

ഗ്ലാമറസ് ലുക്കിൽ കുടുംബവിളക്ക് താരം; ശരണ്യ ആനന്ദിന്റെ പുതിയ ചിത്രങ്ങൾ വൈറലാകുന്നു