കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

പണം നഷ്ടപ്പെട്ട പരാതി അറിയിക്കാന്‍ സ്റ്റേഷനിലെത്തി..ജീവന്‍ രക്ഷപ്പെട്ടത് തലനാരിഴയ്ക്ക്..സംഭവിച്ചത് ?

ദേശീയപാതയ്ക്ക് സമീപമായിരുന്നുവെങ്കിലും റോഡില്‍ വാഹനങ്ങളോ യാത്രക്കാരോ ഇല്ലാത്തിനാല്‍ വന്‍അപകടം ഒഴിവായി.

  • By Nihara
Google Oneindia Malayalam News

കരുനാഗപ്പള്ളി : എടിഎം കാര്‍ഡ് നഷ്ടപ്പെട്ട പരാതിയുമായി സ്റ്റേഷനിലേക്കെത്തിയ മധ്യവയസ്കനു മുന്നില്‍ വന്‍മരം കടപുഴകി വീണു. കരുനാഗപ്പള്ളി പോലീസ് സ്റ്റേഷനിലായിരുന്നു സംഭവം. സ്റ്റേഷനു മുന്നില്‍ കാര്‍ പാര്‍ക്ക് ചെയ്ത് തങ്ങള്‍കുഞ്ഞും സംഘവും നടന്നു നീങ്ങുന്നതിനിടയിലാണ് മരം കടപുഴകിയത്.

കാറും പണവും നഷ്ടപ്പെട്ട വേദനയുണ്ടെങ്കിലും ജീവന്‍ തിരിച്ചു കിട്ടിയ ആശ്വാസവുമായാണ് തങ്ങള്‍കുഞ്ഞ് സ്റ്റേഷനില്‍ നിന്നും മടങ്ങിയത്. മകനും ബന്ധുക്കളും ഇദ്ദേഹത്തോടൊപ്പമുണ്ടായിരുന്നു. അപകട സാധ്യതയില്‍ നില്‍ക്കുന്ന മരത്തെക്കുറിച്ച് നാട്ടുകാര്‍ നിരവധി തവണ പരാതിപ്പെട്ടിരുന്നുവെങ്കിലും നടപടി സ്വീകരിച്ചിരുന്നു. ദേശീയപാതയില്‍ വാഹനങ്ങളും തിരക്കമില്ലാത്തതിനാല്‍ വന്‍ അപകടമാണ് ഒഴിവായത്.

എടിഎം കാര്‍ഡ് നഷ്ടപ്പെട്ടു

എടിഎം കാര്‍ഡ് നഷ്ടപ്പെട്ടു

എടിഎം കാര്‍ഡ് നഷ്ടപ്പെട്ട കാര്യത്തെക്കുറിച്ച് അറിയിക്കുന്നതിന് വേണ്ടിയാണ് തങ്ങള്‍കുഞ്ഞ് കരുനാഗപ്പള്ളി പോലീസ് സ്റ്റേഷനിലേക്ക് എത്തിയത്. കാര്‍ഡ് നഷ്ടപ്പെട്ടതിനോടൊപ്പം തന്നെ പണവും നഷ്ടമായിരുന്നു.

കവറില്‍ രേഖപ്പെടുത്തിയ പിന്‍നമ്പര്‍

കവറില്‍ രേഖപ്പെടുത്തിയ പിന്‍നമ്പര്‍

എടിഎം കാര്‍ഡിന്‍റെ കവറിനു പുറകിലായി പിന്‍നമ്പര്‍ രേഖപ്പെടുത്തിയിരുന്നു. കാര്‍ഡ് നഷ്ടപ്പെട്ടതിനു ശേഷം അക്കൗണ്ടില്‍ നിന്നും പണം നഷ്ടപ്പെട്ട കാര്യത്തെക്കുറിച്ച് അറിയിക്കാനായാണ് ഇദ്ദേഹം സ്റ്റേഷനിലേക്കെത്തിയത്.

പണം നഷ്ടപ്പെട്ടു

പണം നഷ്ടപ്പെട്ടു

എടിഎം ഉപയോഗിച്ച് ബാങ്കില്‍ നിന്നും 3,39,000 രൂപയാണ് പിന്‍വലിച്ചത്. കാര്‍ഡ് നഷ്ടപ്പെട്ടതിന് ശേഷം ഫോണിലേക്കെത്തിയ സന്ദേശം തങ്ങള്‍കുഞ്ഞ് വായിച്ചിരുന്നില്ല.

സ്റ്റേഷനിലെത്തിയപ്പോള്‍ സംഭവിച്ചത്

സ്റ്റേഷനിലെത്തിയപ്പോള്‍ സംഭവിച്ചത്

സ്‌റ്റേഷനു സമീപത്ത് പാര്‍ക്ക് ചെയ്ത കാറിനു മുകളിലേക്ക് സമീപത്തെ വലിയ മരം കടപുഴകി വീഴുകയായിരുന്നു. തങ്ങള്‍ കുഞ്ഞും മകനും ബന്ധുക്കളും കാറില്‍ നിന്നിറങ്ങി നടന്നു നീങ്ങുമ്പോഴാണ് പിറകില്‍ മരം വീണത്.

വന്‍അപകടം ഒഴിവായി

വന്‍അപകടം ഒഴിവായി

ദേശീയപാതയ്ക്ക് സമീപമായിരുന്നുവെങ്കിലും റോഡില്‍ വാഹനങ്ങളോ യാത്രക്കാരോ ഇല്ലാത്തിനാല്‍ വന്‍അപകടം ഒഴിവായി. മരം വീണതിനാല്‍ കുറച്ചു നേരത്തേക്ക് ഗതാഗത തടസ്സപ്പെട്ടു.

English summary
Miraculous escape from an accident.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X