കൊച്ചി:കാണാതായ പെണ്കുട്ടികള് ഹൂബ്ലിയില്
എറണാകുളം: കൊച്ചിയില് നിന്ന് കാണാതായ നാല് പെണ്കുട്ടികളെ കര്ണാടകയിലെ ഹൂബ്ലിയില് നിന്ന് കണ്ടെത്തി. മെയ് 28 നാണ് സഹപാഠികളായ പെണ്കുട്ടികളെ കാണാതായത്.
പത്താംക്ലാസ്സ് വിദ്യാര്ത്ഥിനികളെയാണ് കാണാതായത്. മാതാപിതാക്കളുടെ പരാതിയെത്തുടര്ന്ന് പോലീസ് നടത്തിയ അന്വേഷണത്തിലാണ് ഇവരെ കണ്ടെത്തിയത്.
മൊബൈല്ഫോണ് കേന്ദ്രീകരിച്ച് നടത്തിയ അന്വേഷണത്തിലാണ് പെണ്കുട്ടികള് ഹൂബ്ലിയില് ഉണ്ടെന്ന് തിരിച്ചറിഞ്ഞത്. പിന്നീട് ഇവര് ഹൂബ്ലി റെയില്വേ സ്റ്റേഷനില് ഉണ്ടെന്ന് വിവരം ലഭിച്ചു. റെയില്വേ പോലീസിന്റെ സഹായത്തോടെ കുട്ടികളെ കസ്റ്റഡിയില് എടുക്കുകയായിരുന്നു.
പെണ്കുട്ടികളില് ഒരാള് കാമുകന്റെ മൊബൈല് ഫോണിലേക്ക് വിളിച്ചതാണ് കേസില് നിര്ണായകമായത്. സൈബര് സെല്ലിന്റെ സഹായത്തോടെ ടവര് ലൊക്കേഷന് കണ്ടെത്തുകയായിരുന്നു.
പെണ്കുട്ടികള് വീടുവിട്ടിറങ്ങാന് കാരണമെന്താണെന്ന് ഇനിയും വ്യക്തമായിട്ടില്ല. അടുത്ത ബന്ധുക്കളില് നിന്ന് ഇവര് പണം വാങ്ങിയിരുന്നതായി തെളിഞ്ഞിട്ടുണ്ട്ഇവര് ട്രെയിന് വഴിയാണ് കേരളത്തില് നിന്ന് കടന്നതെന്ന് നേരത്തെ തന്നെ പോലീസിന് വിവരം ലഭിച്ചിരുന്നത്രെ. അതുകൊണ്ട് അയല്സംസ്ഥാനങ്ങളിലെ പോലീസ് വകുപ്പിന് വിവരം കൈമാറിയിരുന്നതായി പോലീസ് പറയുന്നു. പെണ്കുട്ടികളെ കേരളത്തില് നിന്നുള്ള പോലീസ് സംഘം തിരിച്ചുകൊണ്ടുവരും .