ബൈക്ക് യാത്രികനെ മര്ദിച്ച കേസില് എംഎല്എയുടെയും സിപിഎം ജില്ലാ സെക്രട്ടറിയുടെ മക്കള് അറസ്റ്റില്
പേരാമ്പ്രാ: ബൈക്ക് യാത്രികനെ മര്ദിച്ച കേസില് കെകെ ലതിക എംഎല്എയുടെ മകനടക്കം പത്ത് പേര് അറസറ്റില്. ആവടുക്ക പാറമ്മല് റഹീമും സഹോദരിയും ബൈക്കില് പോകുമ്പോഴാണ് സംഘം ജീപ്പില് എത്തി തടഞ്ഞ് നിര്ത്തി ആക്രമിക്കുന്നത്.
റഹീമിന്റെ പരാതിയില് പേരാമ്പ്ര എസ്.ഐ. ജീവന് ജോര്ജ് പ്രതികളെ അറസ്റ്റ് ചെയ്ത്തത്്. സിപിഎം ജില്ലാ സെക്രട്ടറി പി മോഹന്റെ മകന് വട്ടോളി പൂക്കോട്ട് ജൂലിയസ് മിര്ഷാദ്, കുണ്ടുതോട്ടെ എം.കെ. രമേശന്(21), കാവിലുംപാറ സ്വദേശികളായ മൊയിലോത്തറ മാവുള്ള മൊട്ടേമ്മല് ധര്മരാജ് (34), മൊയിലോത്തറ പാറയുള്ളപറമ്പില് സനീഷ് (28),കുണ്ടുതോട് കൊളത്തനാല് സജി(37), കുണ്ടുതോട് ഒറവങ്കുണ്ടില് നിധീഷ് (31), മൊയിലോത്തറ പൊയിലില് അഖിലേഷ് (28), കുണ്ടുതോട് ചാത്തങ്കേരില് അഖില് ദേവസി(21),കുണ്ടുതോട് പുത്തന് വീട്ടില് ജി. ബിജു(42), ഇടുപാറപ്പറമ്പില് ജികേഷ് (30) എന്നിവരാണ് അറസ്റ്റിലായത്.
സഹോദരിക്കൊപ്പം പേരാമ്പ്രയില് നിന്നും കടിയങ്ങാട്ടേക്ക് ബൈക്കില് വരുകയായിരുന്നു റഹീം. ജീപ്പിലെത്തിയ സംഘം റഹീംമുമായി വാക്ക് തര്ക്കമുണ്ടായതിനെ തുടര്ന്ന് ആക്രമിക്കുകയായിരുന്നു. റഹീമിനെയും സഹോദരിയെയും കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ചിരിക്കുകയാണ്.