Click it and Unblock the Notifications
Just In
Don't Miss
-
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
എംഎല്‍എ വിന്‍സെന്റ് അഴിക്കുള്ളില്‍ത്തന്നെ!! ജാമ്യമില്ല...തള്ളാന്‍ കാരണം, കോടതി പറഞ്ഞത്
ജാമ്യം നല്‍കിയാല്‍ എംഎല്‍എയെ ഇരയെ സ്വാധീനിക്കാന്‍ ശ്രമിച്ചേക്കാമെന്ന് കോടതി
തിരുവനന്തപുരം: വീട്ടമ്മയെ പീഡിപ്പിച്ചുവെന്ന പരാതിയില്‍ റിമാന്‍ഡിലുള്ള എംഎല്‍എ എം വിന്‍സെന്റിന്റെ ജാമ്യാപേക്ഷ തള്ളി. തിരുവനന്തപുരം ജില്ലാ സെഷന്‍സ് കോടതിയാണ് അദ്ദേഹത്തിനു ജാമ്യം നിഷേധിച്ചത്. ഇരയുടെ രഹസ്യമൊഴി എടുക്കാത്തതിനാല്‍ വിന്‍സെന്റിന് ജാമ്യം നല്‍കാനാവില്ലെന്ന് കോടതി ചൂണ്ടിക്കാട്ടുകയായിരുന്നു. ജാമ്യം നല്‍കിയാല്‍ ഇരയെ വീണ്ടും ആക്രമിക്കാനും രഹസ്യമൊഴി എടുക്കാത്തതിനാല്‍ സ്വാധീനിക്കാനും സാധ്യതയുണ്ടെന്ന് കോടതി നിരീക്ഷിച്ചു.
വിന്‍സെന്റ് നല്‍കിയ ജാമ്യഹര്‍ജിയില്‍ ഈ മാസം രണ്ടിനു വാദം പൂര്‍ത്തിയായിരുന്നു. വിധി പറയുന്നത് കോടതി ഇന്നത്തേക്കു മാറ്റുകയായിരുന്നു. ജാമ്യാപേക്ഷ തള്ളിയതോടെ ഇനി ഹൈക്കോടതിയില്‍ അപേക്ഷ നല്‍കുമെന്ന് എംഎല്‍എയുടെ അഭിഭാഷകന്‍ അറിയിച്ചു. ഇപ്പോള്‍ നെയ്യാറ്റിന്‍കര സബ് ജയിലിലാണ് വിന്‍സെന്റ് റിമാന്‍ഡില്‍ കഴിയുന്നത്.
എംഎല്‍എയുടെ ജാമ്യാപേക്ഷയെ പ്രോസിക്യൂഷന്‍ ശക്തമായി എതിര്‍ത്തിരുന്നു. ജാമ്യം നല്‍കിയാല്‍ അത് അന്വേഷണത്തെ ബാധിക്കുമെന്നും ക്രമസമാധാന പ്രശ്‌നങ്ങള്‍ ഉണ്ടാക്കുമെന്നും പ്രോസിക്യൂഷന്‍ ചൂണ്ടിക്കാട്ടി. ജൂലൈ 22നാണ് വീട്ടമ്മയുടെ പരാതിയില്‍ എംഎല്‍എയെ അറസ്റ്റ് ചെയ്തത്. നെയ്യാറ്റിന്‍കര മജിസ്‌ട്രേറ്റ് കോടതിയില്‍ 26നു ജാമ്യാപേക്ഷ നല്‍കിയിരുന്നെങ്കിലും തള്ളപ്പെടുകയായിരുന്നു.
