Click it and Unblock the Notifications
Just In
-
-
-
Don't Miss
-
10,000 ശതമാനം ലാഭം നൽകിയ ഓഹരി, 1 ലക്ഷം രൂപ ഇന്ന് 1 കോടിയാണ്, മുന്നേറ്റം തുടരും, കൂടെക്കൂട്ടുന്നോ -
ഏതെങ്കിലും 'വേദനിക്കുന്ന' കോടീശ്വരൻ്റേതാവാനാണ് സാധ്യത! കോടികൾ വിലയുളള ബെൻ്റലി ഉപേക്ഷിക്കപ്പെട്ട നിലയിൽ -
രാത്രിയിലെ ഇടക്കിടെയുള്ള മൂത്രമൊഴിക്കല് ഒട്ടും നിസ്സാരമാക്കല്ലേ: ഗുരുതരാവസ്ഥ ശ്രദ്ധിക്കണം -
IPL 2024: ദൂബെ ലോകകപ്പ് കളിക്കും, ഗുണം ചെയ്ത് ആ തന്ത്രം; ചെന്നൈ താരത്തെ പുകഴ്ത്തി ഡിവില്യേഴ്സ് -
ഇപ്പോഴത്തെ പിള്ളേരുടെ ട്രെൻഡിന് ബെസ്റ്റാ! ഉത്സവപ്പറമ്പിലെ 'കളിപ്പാട്ടം' പോലെ ബോറിങ് ഫോൺ ദേ എത്തി -
'ജാസ്മിൻ ബാത്ത്റൂമിൽ ചെരുപ്പിടാതെ പോകുന്നു... സോഫയിൽ കാലുവെച്ച് ഇരിക്കുന്നു, ടിഷ്യു പേപ്പറുകൾ വലിച്ചിടുന്നു' -
മധുര, ശ്രീരംഗം, തഞ്ചാവൂർ; ഒറ്റദിവസ യാത്ര, ചെലവ് വെറും 1000 രൂപ! പോയാലോ
ഒരിക്കലെങ്കിലും കമ്യൂണിസ്റ്റുകാരനായിരുന്ന ഒരാൾക്ക് ബിജെപിയിലേക്ക് പോകാനാവില്ല- മകനെ കുറിച്ച് ലോറൻസ്
കൊച്ചി: മുതിര്‍ന്ന സിപിഎം നേതാവ് എംഎ ലോറന്‍സിന്റെ മകന്‍ ബിജെപിയില്‍ ചേരുന്നു എന്നാണ് വാര്‍ത്ത. ബിനീഷ് കോടിയേരി വിഷയത്തില്‍ സിപിഎമ്മിന്റെ നിലപാടില്‍ പ്രതിഷേധിച്ചാണ് പാര്‍ട്ടി അംഗത്വം രാജിവയ്ക്കുന്നത് എന്നാണ് അഡ്വ എബ്രഹാം ലോറന്‍സ് പറഞ്ഞത്.
മകന്റെ ബിജെപി പ്രവേശനത്തെ കുറിച്ച് എംഎം ലോറന്‍സ് തന്നെ ഇപ്പോള്‍ ഫേസ്ബുക്കിലൂടെ പ്രതികരിച്ചിരിക്കുകയാണ് . ഒരിക്കലെങ്കിലും കമ്യൂണിസ്റ്റുകാരനായിരുന്ന ഒരാള്‍ക്ക് ഒരിക്കലും ബിജെപി പോലെ ഒരു പാര്‍ട്ടിയിലേക്ക് പോകാന്‍ കഴിയില്ല എന്നാണ് എംഎം ലോറന്‍സ് എഴുതുന്നത് .
എടപ്പള്ളി പോലീസ് സ്‌റ്റേഷന്‍ ആക്രമണ കേസിലെ പ്രതിയായിരുന്ന എംഎം ലോറന്‍സ് പതിനെട്ടാം വയസ്സ് മുതല്‍ കമ്യൂണിസ്റ്റ് പാര്‍ട്ടി അംഗമാണ് . സിപിഎം കേന്ദ്ര കമ്മിറ്റി അംഗവും ഏറെക്കാലം എല്‍ഡിഎഫ് കണ്‍വീനറും ആയിരുന്നു . കേരളത്തിലെ മുതിര്‍ന്ന ട്രേഡ് യൂണിയന്‍ നേതാക്കളില്‍ ഒരാള്‍ കൂടിയാണ് ലോറന്‍സ് .
സേവ് സിപിഎം ഫോറവുമായി ബന്ധപ്പെട്ടുണ്ടായ വിവാദങ്ങള്‍ക്കൊടുവില്‍ എംഎം ലോറന്‍സിനെ ഏരിയ കമ്മിറ്റിയിലേക്ക് തരംതാഴ്ത്തിയിരുന്നു. അതിന് ശേഷവും അദ്ദേഹം പാര്‍ട്ടി പ്രവര്‍ത്തനം തുടരുകയും സിപിഎം സംസ്ഥാന സമിതിയില്‍ എത്തുകയും ചെയ്തിരുന്നു .
ഒരിക്കലെങ്കിലും കമ്മ്യൂണിസ്റ്റ്കാരനായിരുന്ന ഒരാൾക്ക് ഒരിക്കലും ബിജെപി പോലൊരു പാർട്ടിയിലേക്ക് പോകുവാൻ കഴിയില്ല.!
Posted by M M Lawrence on Saturday, October 31, 2020
എംഎം ലോറന്‍സിന്റെ കൊച്ചുമകന്‍ മുമ്പ് ബിജെപി പരിപാടിയില്‍ പങ്കെടുത്തതും വിവാദമായിരുന്നു . മകളുടെ മകന്‍ ആയിരുന്നു ബിജെപിയുടെ സമരപ്പന്തല്‍ സന്ദര്‍ശിച്ചത്.
ബിജെപിയുടെ ദേശീയത ആണ് തന്നെ ആകര്‍ഷിച്ചത് എന്നാണ് അഡ്വ എബ്രഹാം ലോറന്‍സ് പറയുന്നത്. ബിജെപി ദേശീയ അധ്യക്ഷന്‍ ജെപി നദ്ദയില്‍ നിന്ന് ഓണ്‍ലൈന്‍ ആയി അംഗത്വം സ്വീകരിക്കും എന്നും എബ്രഹാം ലോറന്‍സ് പ്രതികരിച്ചു.
എന്തായാലും മകന്റെ ബിജെപി ബന്ധത്തെ പൂര്‍ണമായും തള്ളിക്കളഞ്ഞിരിക്കുകയാണ് ഇപ്പോള്‍ എംഎം ലോറന്‍സ്. മകനെതിരെയുള്ള രൂക്ഷവിമര്‍ശനം എന്ന രീതിയില്‍ ആണ് അദ്ദേഹത്തിന്റെ ഫേസ്ബുക്ക് പോസ്റ്റും വിലയിരുത്തപ്പെടുന്നത്.
