വാക്സിനേഷൻ കുറവുള്ള ജില്ലകളിലെ ആരോഗ്യവകുപ്പ് ഉദ്യോഗസ്ഥരുമായി പ്രധാനമന്ത്രി ചര്ച്ച നടത്തും
ദില്ലി: വാക്സിനേഷൻ കുറവുള്ള ജില്ലകളിലെ ആരോഗ്യവകുപ്പ് ഉദ്യോഗസ്ഥരുമായി പ്രധാനമന്ത്രി നരേന്ദ്ര മോദി ചര്ച്ച നടത്തും. നവംബർ 3 ന് ഉച്ചയ്ക്ക് 12 മണിക്ക് വീഡിയോ കോൺഫറൻസിംഗ് വഴിയാവും അവലോകനം നടത്തുക. ജി 20 ഉച്ചകോടിയിലുംസി ഓ പി 26 ലും പങ്കെടുത്ത ശേഷം അദ്ദേഹം ഉടന് തന്നെ രാജ്യത്തേക്ക് മടങ്ങും. അതിന് ശേഷമുള്ള പ്രധാന പരിപാടികള് ഒന്നായിട്ടാണ് ഈ അവലോകന യോഗം നടത്തുന്നത്. ആദ്യ ഡോസിന്റെ 50 ശതമാനത്തിൽ താഴെ കവറേജും കോവിഡ് വാക്സിന്റെ രണ്ടാം ഡോസിന്റെ കവറേജും കുറഞ്ഞ ജില്ലകളെ യോഗത്തിൽ ഉൾപ്പെടുത്തും.
ജാർഖണ്ഡ്, മണിപ്പൂർ, നാഗാലാൻഡ്, അരുണാചൽ പ്രദേശ്, മഹാരാഷ്ട്ര, മേഘാലയ തുടങ്ങിയ സംസ്ഥാനങ്ങളിലെ 40-ലധികം ജില്ലകളിലെ ജില്ലാ മജിസ്ട്രേറ്റുമാരുമായി പ്രധാനമന്ത്രി ആശയവിനിമയം നടത്തും. ഈ സംസ്ഥാനങ്ങളിലെ മുഖ്യമന്ത്രിമാരും യോഗത്തിൽ പങ്കെടുക്കും.
അതേസമയം, കഴിഞ്ഞ 24 മണിക്കൂറിൽ 68 ,04 ,806 ഡോസ് വാക്സിനുകൾ നൽകിയതോടെ, ഇന്ന് രാവിലെ ഏഴ് മണി വരെയുള്ള താത്കാലിക കണക്ക് പ്രകാരം, രാജ്യത്തിതുവരെ നൽകിയ ആകെ വാക്സിനുകളുടെ എണ്ണം 106 .14 കോടി (1,06 ,14 ,40 ,335 ) പിന്നിട്ടു.1,06 ,01 ,975 സെഷനുകളിലൂടെയാണ് ഇത്രയും ഡോസ് വാക്സിൻ നൽകിയത്. കഴിഞ്ഞ 24 മണിക്കൂറിനുള്ളിൽ 14 ,667 പേർ സുഖം പ്രാപിച്ചതോടെ രാജ്യത്താകെ ഇതുവരെ കോവിഡ് മുക്തരായവരുടെ എണ്ണം 3,36,55 ,842 ആയി. ദേശീയ രോഗമുക്തി നിരക്ക് 98.20 % ആണ്.
കേന്ദ്ര-സംസ്ഥാന സർക്കാരുകളുടെയും കേന്ദ്ര ഭരണ പ്രദേശങ്ങളുടെയും കൂട്ടായ ശ്രമഫലമായി, തുടർച്ചയായി 126-ാം ദിവസവും പുതിയ പ്രതിദിന രോഗബാധിതരുടെ എണ്ണം 50,000-ത്തിൽ താഴെയാണ്. കഴിഞ്ഞ 24 മണിക്കൂറിൽ ഇന്ത്യയിൽ പുതുതായി രോഗം സ്ഥിരീകരിച്ചത് 12 ,830 പേർക്കാണ്. നിലവിൽ രാജ്യത്തു ചികിത്സയിലുള്ളത് 1,59 ,272 പേരാണ് . നിലവിൽ ചികിത്സയിലുള്ളത് രാജ്യത്തെ ആകെ രോഗബാധിതരുടെ 0.46 ശതമാനമാണ് - മാർച്ച് 2020 മുതലുള്ള ഏറ്റവും കുറഞ്ഞ കണക്കാണിത്.
കുഞ്ഞു നിളയോടൊപ്പം പേളി മാണിയുടെ യോഗ; വാവ എന്തൊരു ക്യൂട്ടാണെന്ന് ആരാധകര്
രാജ്യത്തെ പരിശോധനാ ശേഷി ഗണ്യമായി വർദ്ധിപ്പിച്ചതോടെ കഴിഞ്ഞ 24 മണിക്കൂറിനുള്ളിൽ 11 ,35 ,142 പരിശോധനകൾ നടത്തി. ആകെ 60.83 കോടിയിലേറെ (60,83 ,19 ,915 ) പരിശോധനകളാണ് ഇതുവരെ നടത്തിയത്. പരിശോധനകൾ വർധിപ്പിച്ചപ്പോൾ പ്രതിവാര രോഗസ്ഥിരീകരണ നിരക്ക് നിലവിൽ 1.18 ശതമാനമാണ് - 37 ദിവസമായി 2% ത്തിൽ താഴെയാണ്.
പ്രതിദിന രോഗസ്ഥിരീകരണ നിരക്ക് 1.13 ശതമാനമാണ്. കഴിഞ്ഞ 27 ദിവസമായി ഇത് 2 ശതമാനത്തിൽ താഴെയും, 6 ദിവസമായി 3 ശതമാനത്തിൽ താഴെയുമാണ്.
Click it and Unblock the Notifications
Sign in with Google