മോദി പറഞ്ഞു; ലാലേട്ടന് അനുസരിക്കാതിരിക്കാനായില്ല, ഒടുവില്‍ അത് ചെയ്തു

തിരുവനന്തപുരം: പ്രധാനമന്ത്രി നരേന്ദ്രമോദിയുടെ ആഹ്വാനം അനുസരിച്ച് ഗാന്ധി ജയന്തി ദിനത്തില്‍ ചൂലെടുത്ത് നടന്‍ മോഹന്‍ലാലും. മാലിന്യ നിര്‍മാര്‍ജന പ്രവര്‍ത്തനങ്ങളില്‍ മോഹന്‍ലാല്‍ സജീവമായി പങ്കെടുത്തു.

ഐഎംഎയും കെജിഎംഒയും മോഹന്‍ലാല്‍ ഫാന്‍സ് അസോസിയേഷനും സംയുക്തമായി സംഘടിപ്പിച്ച ശുചീകരണ പ്രവര്‍ത്തനങ്ങളുടെ സംസ്ഥാനതല ഉദ്ഘാടനം മോഹന്‍ലാല്‍ നിര്‍വഹിച്ചു.

എല്ലാവരും ശുചീകരണ പ്രവര്‍ത്തനങ്ങളില്‍ പങ്കാളികളാകണമെന്ന് മോഹന്‍ലാല്‍ പറഞ്ഞു. ശുചിത്വം കാത്തു സൂക്ഷിക്കേണ്ടതിന്റെ ആവശ്യകതയെ കുറിച്ച് സംസാരിച്ച ലാല്‍ ശുചിത്വ പ്രവര്‍ത്തനങ്ങള്‍ ഒരു ദിവസം കൊണ്ട് അവസാനിപ്പിക്കരുതെന്നും ലാല്‍ പറഞ്ഞു.

തിരുവനന്തപുരം ഗാന്ധി ഭവനിലും മോഡല്‍ സ്‌കൂളിലും നടന്ന ശുചീകരണ പ്രവര്‍ത്തനങ്ങളിലും മോഹന്‍ലാല്‍ പങ്കെടുത്തു. ശുചിത്വ പരിപാടികളില്‍ പങ്കാളികളാകണമെന്നാവശ്യപ്പെട്ട് പ്രധാനമന്ത്രി നരേന്ദ്രമോദി മോഹന്‍ലാല്‍, മമ്മൂട്ടി എന്നിവര്‍ക്ക് കത്തെഴുതിയിരുന്നു. ഇതിന്റെ ഭാഗമായിട്ടാണ് ലാല്‍ ചൂലെടുത്തത്.

English summary

mohan lal participated in cleaning programme