Click it and Unblock the Notifications
Just In
Don't Miss
-
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത് -
ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ -
ഇവനിങ്ങ് വന്നാൽ വിയർക്കുന്നത് ഹാരിയർ, ടെറിട്ടറി പിടിച്ചെടുക്കാൻ ഫോർഡിന്റെ ഈ എസ്യുവി -
ഞാന് വീണ്ടും വിവാഹിതയാവുകയാണ്, വരന് പോലീസ്! അദ്ദേഹത്തിന്റെയും രണ്ടാം വിവാഹമാണെന്ന് ദയ അച്ചു -
900 വര്ഷം പഴക്കമുള്ള മമ്മി, 1000 തൂണുകളുള്ള ഹാള്; അത്ഭുതം ഈ രംഗനാഥസ്വാമി ക്ഷേത്രം -
സ്വർണവില കേട്ട് തലകറങ്ങരുത്, ഉടൻ തന്നെ പവന്റെ വില 60,000 കടക്കും, ഇന്നത്തെ നിരക്കറിയാം -
അവധി ഇത്തവണ ഹൗറയിൽ... ബെംഗളുരുവിൽ നിന്ന് കൊൽക്കത്തയുടെ ഇരട്ട നഗരത്തിലേക്ക് പോകാം, സ്പെഷ്യൽ ട്രെയിൻ
മലപ്പുറത്ത് റോഡ് ഒലിച്ചുപോയി; മഴ തുടരുന്നു, നെടുമ്പാശേരി ലാന്റിങ് പുനരാരംഭിച്ചു
Recommended Video
മലപ്പുറം/കൊച്ചി: സംസ്ഥാനത്തെ വിവിധ ജില്ലകളില്‍ കനത്ത മഴ തുടരുന്നു. ചില പ്രദേശങ്ങളില്‍ തീവ്രത കുറഞ്ഞിട്ടുണ്ട്. 22 പേരാണ് വ്യാഴാഴ്ച മഴക്കെടുതിയില്‍ മരിച്ചത്. കൂടുതല്‍ പേര്‍ മരിച്ചത് ഇടുക്കിയിലും മലപ്പുറത്തുമാണ്. മലപ്പുറത്ത് ആളുകള്‍ നോക്കിനില്‍ക്കെ റോഡ് ഒലിച്ചുപോയി.
മലപ്പുറം വണ്ടൂരിലാണ് റോഡ് ഒലിച്ചുപോയത്. നടുവത്ത്-വെള്ളാമ്പുറം റോഡ് ഒലിച്ചുപോയതോടെ പ്രദേശം രണ്ടായി വേര്‍പ്പെട്ടു. നിരവധിയാളുകള്‍ നോക്കി നില്‍ക്കെയാണ് റോഡ് തകര്‍ന്നത്. തുടര്‍ന്ന് ഒരു കരയില്‍ നിന്ന് വെള്ളം മറ്റു ഭാഗത്തേക്ക് ഒഴുകി. ഇതിന്റെ വീഡിയോ പ്രചരിക്കുന്നുണ്ട്.
അതിനിടെ ഇടുക്കി അണക്കെട്ടിന്റെ ഷട്ടര്‍ തുറന്ന പശ്ചാത്തലത്തില്‍ മുന്‍കരുതലിന്റെ ഭാഗമായി നിര്‍ത്തിവച്ച കൊച്ചി വിമാനത്താവളത്തിലെ ലാന്റിങ് പുനരാരംഭിച്ചു. ഒരു മണിക്ക് തുടങ്ങിയ നിരോധനം മൂന്ന് മണിക്ക് പിന്‍വലിച്ചു. പ്രളയ സാധ്യത കുറഞ്ഞെന്ന വിലയിരുത്തലിന്റെ അടിസ്ഥാനത്തിലാണ് നിരോധനം നീക്കിയത്. പ്രവര്‍ത്തനം സാധാരണ നിലയിലായി.
മൂവാറ്റുപുഴയില്‍ രണ്ട് പ്ലസ് ടു വിദ്യാര്‍ഥികള്‍ ഒലിച്ചുപോയി. സംസ്ഥാനത്ത് വ്യാഴാഴ്ച 22 പേരാണ് മഴക്കെടുതിയില്‍ മരിച്ചത്. മഴ സംസ്ഥാനത്ത ഗുരുതുരമായ സാഹചര്യമാണുണ്ടാക്കിയിരിക്കുന്നതെന്ന് മുഖ്യമന്ത്രി പിണറായി വിജയന്‍ പറഞ്ഞു.. സംസ്ഥാനത്തെ 22 ഡാമുകള്‍ തുറക്കേണ്ടി വന്നുവെന്നും ആദ്യമായിട്ടാണ് ഇത്രയും ഡാമുകള്‍ തുറക്കുന്നതെന്നും പിണറായി വാര്‍ത്താസമ്മേളനത്തില്‍ പറഞ്ഞു. ഇടുക്കി അണക്കെട്ട് 26 വര്‍ഷങ്ങള്‍ക്ക് ശേഷം തുറക്കേണ്ട സാഹചര്യമുണ്ടായി.
വ്യാഴം, വെള്ളി ദിവസങ്ങളില്‍ വിവിധ ജില്ലകളില്‍ കാലാവസ്ഥാ കേന്ദ്രം റെഡ് അലര്‍ട്ട് പ്രഖ്യാപിച്ചിട്ടുണ്ട്. ഇടുക്കി, കണ്ണൂര്‍, വയനാട്, കോഴിക്കോട്, പാലക്കാട്, മലപ്പുറം എന്നീ ജില്ലകളില്‍ വ്യാഴാഴ്ചയാണ് റെഡ് അലര്‍ട്ട്. ഇടുക്കി, കണ്ണൂര്‍, വയനാട്, കോഴിക്കോട്, പാലക്കാട് ജില്ലകളില്‍ വെള്ളിയാഴ്ചയും റെഡ് അലര്‍ട്ടുണ്ടാകും.
