സംസ്ഥാനത്ത് ശക്തമായ കാറ്റിന് സാധ്യത; 17 വരെ മഴ തുടരും

തിരുവനന്തപുരം: സംസ്ഥാനത്ത് മഴയുടെ ശക്തി കുറഞ്ഞെങ്കിലും 17 വരെ വ്യാപകമായ മഴയ്ക്ക് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം. കേരള ലക്ഷദ്വീപ് തീരങ്ങളിൽ അതിശക്തമായ കാറ്റിനും സാധ്യതയുണ്ട്. പടിഞ്ഞാറൻ ദിശയിൽ നിന്നും മണിക്കൂറിൽ 40 മുതൽ 45 കിലോമീറ്റർ വേഗത്തിൽ കാറ്റുവീശിയേക്കുമെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നൽകിയിട്ടുണ്ട്. മത്സ്യത്തൊഴിലാളികൾ കടലിൽ പോകരുതെന്ന് ജാഗ്രതാ നിർദ്ദേശം നൽകിയിട്ടുണ്ട്.

സംസ്ഥാനത്ത് ചില സ്ഥലങ്ങളിൽ ഞായറാഴ്ച ശക്തമായ മഴയ്ക്കും, 16, 17 തീയതികളിൽ ചിലയിടങ്ങളിൽ അതിശക്തമായ മഴയ്ക്കും സാധ്യതയുള്ളതായി കാലാവസ്ഥ നിരീക്ഷണ കേന്ദ്രം മുന്നറിയിപ്പ് നൽകിയിട്ടുണ്ട്.

മുംബൈയിലും കനത്ത മഴയ്ക്ക് നേരിയ ശമനമായിട്ടുണ്ട്. മഴയെ തുടർന്ന് താറുമാറായ ഗതാഗത സംവിധാനങ്ങൾ സാധാരണ നിലയിലേക്ക് തിരിച്ച് വരുന്നുണ്ട്. മുംബൈയിലെ ചില ഭാഗങ്ങൾ ഇപ്പോഴും വെള്ളത്തിനടിയിലാണ്. കനത്ത മഴയെ തുടർന്ന് ജനജീവിതം മന്ദഗതിയിലായി. മുൻവർഷങ്ങളെ അപേക്ഷിച്ച് അഞ്ച് ശതമാനം അധികം മഴയാണ് ഇതുവരെ മുംബൈയിൽ ലഭിച്ചത്.

English summary

monsoon-update-heavy-rain-in-kerala-till-17