ഇടുക്കിയില് പിഞ്ചു കുഞ്ഞിനെ അമ്മ കഴുത്ത് ഞെരിച്ചു കൊലപ്പെടുത്തി
തൊടുപുഴ: ഒന്നരവയസുള്ള മകനെ സ്വന്തം അമ്മ കഴുത്തു ഞെരിച്ച് കൊലപ്പെടുത്തി. അതിനുശേഷം കൈ ഞരമ്പ് മുറിച്ച് ആ മാതാവ് ആത്മഹത്യയ്ക്ക് ശ്രമിച്ചു. മനുഷ്യ മനഃസാക്ഷിയെ മുറിവേല്പ്പിക്കുന്ന സംഭവം നടന്നത് ഇടുക്കിയിലെ മൂലമറ്റത്താണ്. ആശ് എന്ന ഒന്നരവയസുള്ള മകനാണ് ദാരുണമായി കൊല്ലപ്പെട്ടത്.
ആശിന്റെ മാതാവ് ജെയ്സമ്മയെ ഗുരുതരാവസ്ഥയില് സ്വകാര്യ ആശുപത്രിയില് പ്രവേശിപ്പിച്ചിരിക്കുകയാണ്. ഒരാഴ്ച മുന്പ് അയല്വാസിയായ അന്നമ്മയെ ജെയ്സമ്മ തലക്കടിച്ച് പരിക്കേല്പ്പിച്ചിരുന്നു. അന്നമ്മയുടെ സ്വര്ണമാല മോഷണം പോയിരുന്നു. ഇതിനുപിന്നില് ജെയ്സമ്മയാണെന്ന് അന്നമ്മയും കുടുംബവും ആരോപിക്കുകയായിരുന്നു.
ഇവര് ജെയ്സമ്മയെ സംശയമുണ്ടെന്ന് കാണിച്ച് പോലീസില് പരാതി നല്കുകയായിരുന്നു. പോലീസ് ജെയ്സമ്മയെ ചോദ്യം ചെയ്യുകയും ചെയ്തിരുന്നു. അറസ്റ്റ് ചെയ്യാനിരിക്കെയാണ് ജെയ്സമ്മ ഈ ക്രൂരകൃത്യം ചെയ്യുകയും ആത്മഹത്യയ്ക്ക് ശ്രമിക്കുകയും ചെയ്തത്.
സംഭവത്തില് പോലീസ് അന്വേഷണം ആരംഭിച്ചിട്ടുണ്ട്. ഒരു യുവാവുമായി അടുത്തബന്ധമുണ്ടായിരുന്നു ജെയ്സമ്മ അയാള്ക്ക് വേണ്ടിയാണ് മാല മോഷ്ടിച്ചതെന്ന് പറയപ്പെടുന്നു. യുവാവിനെ ഗള്ഫിലേക്ക് അയയ്ക്കാനുള്ള പണത്തിനു വേണ്ടിയാണ് മോഷണം നടത്തിയതെന്നും സൂചനയുണ്ട്.
Click it and Unblock the Notifications
Sign in with Google