തിരുവനന്തപുരത്ത് അമ്മയും കാമുകന്‍മാരും ചേര്‍ന്ന് പിഞ്ചുകുഞ്ഞിനെ മുക്കിക്കൊന്നു

കൊല്ലം: പിഞ്ചുകുഞ്ഞുങ്ങളോട് രക്ഷിതാക്കള്‍ കാണിയ്ക്കുന്ന ക്രൂരതയുടെ വാര്‍ത്തകള്‍ നാം എപ്പോഴും കേള്‍ക്കാറുണ്ട്. എന്നാല്‍ നമ്മുടെ നാട്ടില്‍ ഇത്തരം ക്രൂരതകള്‍ കുറവാണെന്നാണ് മലയാളികളുടെ ധാരണ. എന്നാല്‍ തിരുവനന്തപുരം കടയ്ക്കാവൂരില്‍ നിന്നുള്ള വാര്‍ത്ത ഞെട്ടിപ്പിയ്ക്കുന്നതാണ്.

വെറും എട്ട് മാസം മാത്രം പ്രായമുള്ള പെണ്‍കുഞ്ഞിനെയാണ് സ്വന്തം അമ്മ തന്നെ കൊന്നത്. സഹായിത്തിനുണ്ടായിരുന്നത് അമ്മയുടെ രണ്ട് കാമുകന്‍മാരും. അമ്മയേയും കാമുകന്‍മാരേയും പോലീസ് അറസ്റ്റ് ചെയ്തു.

കടയ്ക്കാവൂര്‍ സ്വദേശിനായ ചന്ദ്രപ്രഭയുടെ മകളാണ് മരിച്ചത്. കാമുകന്‍മാരായ അജേഷ്, സനല്‍ എന്നിവര്‍ക്കൊപ്പം മകളെ വാട്ടര്‍ ടാങ്കില്‍ മുക്കി കൊല്ലുകയായിരുന്നുവെന്ന് ചന്ദ്രപ്രഭ പോലീസിനോട് സമ്മതിച്ചു. മെയ് എട്ടിനാണ് കുഞ്ഞിനെ ഇവര്‍ കൊന്നത്.

തന്റെ അടുത്ത് കിടന്നിരുന്ന കുഞ്ഞിന് മുകളിലേയ്ക്ക് അറിയാതെ കയറിക്കിടന്നു പോയി എന്നും അങ്ങനെയാണ് കുഞ്ഞ് മരിച്ചത് എന്നും ആയിരുന്നു ചന്ദ്ര പ്രഭ പോലീസിനെ വിശ്വസിപ്പിച്ചിരുന്നത്. എന്നാലും പോലീസ് അസ്വാഭാവിക മരണത്തിന് കേസെടുത്തു. കുട്ടിയുടെ പോസ്റ്റ് മോര്‍ട്ടം റിപ്പോര്‍ട്ട് ലഭിച്ചപ്പോഴാണ് സംഭവം കൊലപാതകമാണെന്ന് തെളിഞ്ഞത്. ചോദ്യം ചെയ്യലില്‍ ചന്ദ്രപ്രഭ കുറ്റം സമ്മതിയ്ക്കുകയും ചെയ്തു .

English summary

Mother killed 8 month old baby with the help of Lovers at Kadakkavur, near Thiruvananthapuram. Police arrested mother and her lovers.