അമ്മയുടെ അവിഹിതം ചോദ്യം ചെയ്ത അച്ഛനെ കൊന്നു
ഇടുക്കി: ഇടുക്കി ചിന്നക്കനാലില് സെക്യൂരിറ്റി ജീവനക്കാരന് കൊല്ലപ്പെട്ട കേസില് മൂന്ന് പേര് അറസ്റ്റില്. സെക്യൂരിറ്റി ജീവനക്കാരനായ ഫ്രാന്സിസ് കൊല്ലപ്പെട്ട കേസിലാണ് ഫ്രാന്സിന്റെ മകന് മണി, ഭാര്യയുടെ കാമുകന് ദേവരാജ് സുഹൃത്ത് റസല് എന്നിവര് അറസ്റ്റിലായത്. ഭാര്യയുടെ അവിഹിതബന്ധം ഫ്രാന്സിസ് ചോദ്യം ചെയ്തതാണ് കൊലപാതകത്തിന് കാരണമെന്ന് കരുതുന്നു.
ചിന്നക്കനാല് വിലക്കിലുള്ള സര്ക്കാര് മദ്യശാലയ്ക്ക് സമീപം നിര്മാണത്തിലിരിയ്ക്കുന്ന റിസോര്ട്ടിന്റെ ഷെഡിലാണ് രാവിലെ മൃതദേഹം കണ്ടെത്തിയത്. ഇറരുമ്പ് കമ്പി, മൂര്ച്ചയുള്ള ആയുധം എന്നിവ ഉപയോഗിച്ചായിരുന്നു കൊലപാതകം. മര്ദ്ദനമേറ്റ പാടുകള് ഇയാളുടെ ശരീരത്തിലുണ്ടായിരുന്നു. തലച്ചോര് പുറത്തേയ്ക്ക് വന്ന നിലയിലായിരുന്നു മൃതദേഹം.
തെളിവുകള് നശിപ്പിയ്ക്കുന്നതിനായി മുളകുപൊടി വിതറിയിട്ടുണ്ടായിരുന്നു. പകല് റിസോര്ട്ടില് നിര്മ്മാണ തൊഴിലാളിയായും രാത്രി കാവല്ക്കാരനായും ഫ്രാന്സിസ് ജോലി ചെയ്തിരുന്നു. ഇയാളുടെ മകനും ഇവിടെ നിര്മ്മാണ തൊഴിലാളിയായിരുന്നു. പുലര്ച്ചെ ജോലിയ്ക്കെത്തിയ തൊഴിലാളികളാണ് മൃതദേഹം കണ്ടത്. രാത്രി ഒന്പത് മണിവരെ ഷെഡിന് സമീപം ഫ്രാന്സിസിനെ നൊട്ടുകാര് കണ്ടിരുന്നു.