• search

മോഹന്‍ലാലിന്റെ രണ്ടാമൂഴം മുടങ്ങും; എംടി പിന്‍മാറി!! തിരക്കഥ ആവശ്യപ്പെട്ട് കോടതിയില്‍

Subscribe to Oneindia Malayalam
For Quick Alerts
ALLOW NOTIFICATIONS
For Daily Alerts
    cmsvideo
      രണ്ടാമൂഴം യാഥാര്‍ഥ്യമാകുമെന്നു ശ്രീകുമാര്‍ മേനോന്‍ | Oneindia Malayalam

      കോഴിക്കോട്: മോഹന്‍ലാല്‍ നായകനാകുന്ന ബ്രഹ്മാണ്ഡ ചിത്രം രണ്ടാമൂഴം മുടങ്ങിയേക്കും. തിരക്കഥ തിരിച്ചുവാങ്ങാന്‍ ഒരുങ്ങി എംടി വാസുദേവന്‍ നായര്‍. കോഴിക്കോട് മുന്‍സിഫ് കോടതിയില്‍ എംടി ഹര്‍ജി നല്‍കി. ഇന്ത്യന്‍ സിനിമയില്‍ ചരിത്രമായേക്കാവുമെന്ന് കരുതിയ ചിത്രമാണ് രണ്ടാമൂഴം. പ്രധാന കഥാപാത്രമായ ഭീമന്റെ വേഷമാണ് മോഹന്‍ലാലിന് നിശ്ചയിച്ചിരുന്നത്.

      പല തടസങ്ങളും നേരത്തെ കേട്ടിരുന്നെങ്കിലും സംവിധായകന്‍ ശ്രീകുമാര്‍ മേനോനും നിര്‍മാതാവ് ബിആര്‍ ഷെട്ടിയും ചിത്രം പുറത്തിറങ്ങുമെന്ന് അറിയിച്ചിരുന്നു. ഇതോടെ ചിത്രീകരണത്തിലേക്ക് കടക്കാനിരിക്കവെയാണ് എംടി കോടതിയെ സമീപിച്ചിരിക്കുന്നത്. വിശദാംശങ്ങള്‍ ഇങ്ങനെ...

      നാല് വര്‍ഷം മുമ്പാണ്

      നാല് വര്‍ഷം മുമ്പാണ്

      നാല് വര്‍ഷം മുമ്പാണ് ശ്രീകുമാര്‍ മേനോന്‍ എംടിയുടെ തിരക്കഥ അടിസ്ഥാനമാക്കി രണ്ടാമൂഴം സിനിമയാക്കാന്‍ തീരുമാനിച്ചത്. വിശദമായ ചര്‍ച്ചകള്‍ക്ക് ശേഷം എംടി തിരക്കഥ തയ്യറാക്കി കൈമാറുകയും ചെയ്തു. എന്നാല്‍ കരാര്‍ പ്രകാരമുള്ള വ്യവസ്ഥകള്‍ പാലിച്ചില്ലെന്ന് എംടി ചൂണ്ടിക്കാട്ടുന്നു. ഈ പശ്ചാത്തലത്തിലാണ് പിന്‍മാറ്റം.

      കാലാവധി കഴിഞ്ഞു, നീട്ടി നല്‍കി

      കാലാവധി കഴിഞ്ഞു, നീട്ടി നല്‍കി

      മൂന്ന് വര്‍ഷത്തേക്കായിരുന്നു തിരക്കഥയുടെ കരാര്‍. മലയാളത്തിലും ഇംഗ്ലീഷിലുമുള്ള തിരക്കഥയാണ് എംടി കൈമാറിയിരുന്നത്. മൂന്ന് വര്‍ഷം കഴിഞ്ഞിട്ടും സിനിമയുമായി ബന്ധപ്പെട്ട നടപടികള്‍ ആരംഭിച്ചില്ല. പിന്നീട് ഒരു വര്‍ഷം കൂടി കരാര്‍ നീട്ടിനല്‍കി. ഈ കാലാവധിയും കഴിഞ്ഞതോടെയാണ് എംടിയുടെ പിന്‍മാറ്റം.

      പണം തിരിച്ചുകൊടുക്കും

      പണം തിരിച്ചുകൊടുക്കും

      തിരക്കഥ തയ്യാറാക്കുന്നതിന്റെ ഭാഗമായി മുന്‍കൂറായി കുറച്ചുപണം എംടി സ്വീകരിച്ചിരുന്നു. ഈ പണം തിരിച്ചുകൊടുക്കാന്‍ തയ്യാറാണെന്ന് എംടി അറിയിച്ചു. തിരക്കഥ തിരിച്ചുനല്‍കുന്ന വേളയില്‍ പണം കൈമാറുമെന്നാണ് അറിയിച്ചിരിക്കുന്നത്. ഇതോടെ ബിഗ് ബജറ്റ് ചിത്രം മുടങ്ങുമെന്ന് ഏകദേശം ഉറപ്പായിരിക്കുകയാണ്.

      ഏറെ കൊട്ടിഘോഷിച്ച്

      ഏറെ കൊട്ടിഘോഷിച്ച്

      ഏറെ കൊട്ടിഘോഷിച്ചാണ് രണ്ടാമൂഴം സിനിമയുടെ പ്രഖ്യാപനം നടന്നത്. 1000 കോടി രൂപ ചെലവില്‍ ഒരുക്കുന്ന ബ്രഹ്മാണ്ഡ ചിത്രം. വര്‍ഷങ്ങള്‍ നീണ്ട ഗവേഷഷണത്തിന് ശേഷമാണ് എംടി തിരക്കഥ തയ്യാറാക്കിയത്. എന്നാല്‍ യാതൊരു കാരണവും വ്യക്തമാക്കാതെ സിനിമാ നിര്‍മാണം വൈകുകയാണ്. ഇതാണ് പിന്‍മാറ്റത്തിന് കാരണമെന്ന് അറിയുന്നു.

      നോവലും തിരക്കഥയും

      നോവലും തിരക്കഥയും

      ഏറെ വര്‍ഷത്തെ ശ്രമഫലമായിട്ടാണ് എംടി രണ്ടാമൂഴം എന്ന നോവല്‍ എഴുതിയത്. തിരക്കഥ തയ്യാറാക്കാന്‍ അത്ര തന്നെ സമയം വീണ്ടുമെടുത്തു. കരാറില്‍ മൂന്ന് വര്‍ഷമാണ് പറഞ്ഞിരുന്നതെങ്കിലും വീണ്ടും ഒരു വര്‍ഷം കൂടി നീട്ടി നല്‍കി. അതും കഴിഞ്ഞതോടെയാണ് എംടിയുടെ പിന്‍മാറ്റം. അഡ്വാന്‍സ് തുക മടക്കി നല്‍കുമെന്നും ഹര്‍ജിയില്‍ വ്യക്തമാക്കുന്നു.

      രണ്ട് സിനിമകള്‍, 1000 കോടി

      രണ്ട് സിനിമകള്‍, 1000 കോടി

      മഹാഭാരത് എന്ന പേരില്‍ രണ്ട് ഭാഗങ്ങളായി 1000 കോടി രൂപ ചെലവില്‍ സിനിമ തയ്യാറാക്കാനാണ് തീരുമാനിച്ചിരുന്നത്. ഇന്ത്യയില്‍ തന്നെ ഏറ്റവും ചെലവേറിയ സിനിമയാകുമിതെന്ന് കരുതിയിരുന്നു. അടുത്ത വര്‍ഷം ജൂലൈയില്‍ ചിത്രീകരണം ആരംഭിക്കുമെന്നാണ് നിര്‍മാതാവ് ബിആര്‍ ഷെട്ടി അറിയിച്ചത്.

      ഏഷ്യയില്‍ ആദ്യം

      ഏഷ്യയില്‍ ആദ്യം

      ഏഷ്യയില്‍ ഇതുവരെ നിര്‍മിക്കിപ്പെട്ടതില്‍ ഏറ്റവും വലിയ പ്രൊഡക്ഷന്‍ ആയിരിക്കും രണ്ടാമൂഴമെന്ന് ബിആര്‍ ഷെട്ടി പറഞ്ഞിരുന്നു. ലോക സിനിമയിലെ നിരവധി പ്രമുഖ താരങ്ങള്‍ ചിത്രത്തിലുണ്ടാകുമെന്നും സൂചന നല്‍കിയിരുന്നു. ആദ്യഭാഗം പുറത്തിറങ്ങി നാല് മാസത്തിന് ശേഷം രണ്ടാം ഭാഗം ഇറക്കാനായിരുന്നു തീരുമാനം. പ്രീ പ്രൊഡക്ഷന്‍ ജോലികള്‍ അവസാന ഘട്ടത്തിലെത്തിയിരിക്കെയാണ് എംടിയുടെ പിന്‍മാറ്റം.

       രണ്ടാമൂഴം നടക്കും!

      രണ്ടാമൂഴം നടക്കും!

      അതേസമയം, ചിത്രം യാഥാര്‍ഥ്യമാകുമെന്ന് കാണിച്ച് സംവിധായകന്‍ ശ്രീകുമാര്‍ മേനോന്‍ രംഗത്തുവന്നു. ഫേസ്ബുക്കില്‍ അദ്ദേഹം നിലപാട് വ്യക്തമാക്കി കുറിപ്പിട്ടു. എംടി സാറിനെ പ്രോജക്ടിന്റെ പുരോഗതി കൃത്യമായി അറിയിക്കാന്‍ കഴിയാഞ്ഞത് എന്റെ വീഴ്ച്ചയാണ്. ഞാന്‍ അദ്ദേഹത്തെ നേരില്‍ ചെന്ന് കണ്ട് കാര്യങ്ങള്‍ വ്യക്തമാക്കുമെന്ന് കുറിപ്പില്‍ പറയുന്നു.

       വൈകാന്‍ കാരണം

      വൈകാന്‍ കാരണം

      അദ്ദേഹത്തിന് എത്രയും വേഗം രണ്ടാമൂഴം സിനിമയായി കാണണം എന്ന ആഗ്രഹമുണ്ട്. ആ ആഗ്രഹം ഞാന്‍ നിറവേറ്റും. തിരക്കഥ എഴുതി കൊടുക്കുന്നതിന് മുന്‍പും, തിരക്കഥ എന്റെ കൈകളില്‍ വച്ച് തരുമ്പോഴും ഞാന്‍ ആ കാലുകള്‍ തൊട്ട് വന്ദിച്ചു കൊടുത്ത വാക്കാണ്. ഒരുപാട് അന്താരാഷ്ട്ര കരാറുകളും, സങ്കീര്‍ണ്ണമായ സാമ്പത്തിക പ്ലാനുകളും ആവശ്യമായി വന്നു. ആയതിനാല്‍ ഞാന്‍ പ്രതീക്ഷിച്ചതിലും ഏറെ സമയം എടുത്തു.

       അമേരിക്ക സന്ദര്‍ശിച്ചു

      അമേരിക്ക സന്ദര്‍ശിച്ചു

      നിര്‍മ്മാതാവ് ബി ആര്‍ ഷെട്ടിയും ഞാനും ഇതിനോടനുബന്ധിച്ച് കഴിഞ്ഞ മാസം യുഎസ് സന്ദര്‍ശിച്ചിരുന്നു. മുന്‍പ് സ്ഥിരമായി എംടി സാറിനെ കാണുകയോ, അല്ലെങ്കില്‍ ഫോണ്‍ വഴി അദ്ദേഹത്തെ പ്രോജക്റ്റിന്റെ പുരോഗതിയെ കുറിച്ചും മറ്റും അറിയിക്കാറുണ്ടായിരുന്നു. എന്നാല്‍ ഒടിയന്റെ പോസ്റ്റ് പ്രൊഡക്ഷന്‍ നടക്കുന്നതിനാല്‍ കഴിഞ്ഞ കുറച്ച് ആഴ്ച്ചകളായി അതിനു കഴിഞ്ഞിരുന്നില്ല. ഇതില്‍ അദ്ദേഹത്തിന് ആശങ്ക ഉണ്ടായിരുന്നിരിക്കും എന്ന് ഞാന്‍ മനസ്സിലാക്കുന്നു.

       അന്തര്‍ദേശീയ നിലവാരത്തില്‍

      അന്തര്‍ദേശീയ നിലവാരത്തില്‍

      ഞാന്‍ അദ്ദേഹത്തെ നേരിട്ട് കണ്ട് ക്ഷമ ചോദിക്കും. പ്രീ പ്രൊഡക്ഷന്‍ വര്‍ക്കുകള്‍ അതിന്റെ അവസാന ഘട്ടത്തിലാണ്. എത്രയും വേഗം ചിത്രത്തിന്റെ ഔദ്യോഗികമായ അറിയിപ്പും, 2019 ജൂലൈയില്‍ ചിത്രത്തിന്റെ ഷൂട്ടിങ് ആരംഭിക്കുന്നതിന് വേണ്ടിയുള്ള ഒരുക്കങ്ങളും നടത്തുന്നതായിരിക്കും. മലയാളികളുടെ അഭിമാനമായ എംടി സാറിന്റെ രണ്ടാമൂഴത്തിനെ അന്തര്‍ദേശീയ നിലവാരത്തില്‍ ചലച്ചിത്രമായി പുറത്തു കൊണ്ടുവരിക എന്നതാണ് ഞാന്‍ കൊടുത്ത വാക്ക്. അത് നിറവേറ്റാന്‍ ബിആര്‍ ഷെട്ടിയെ പോലൊരു നിര്‍മ്മാതാവ് കൂടെയുള്ളപ്പോള്‍ അത് അസംഭവ്യമാകും എന്ന് ഞാന്‍ ഭയപ്പെടുന്നില്ല.

      ബിജെപി തകര്‍ന്നടിയും!! പ്രതിഷേധം കനത്തു; ഉദ്യോഗസ്ഥര്‍ക്ക് പിന്നാലെ ലക്ഷക്കണക്കിന് കര്‍ഷകരും

      English summary
      MT Vasudevan Nair Asked back the Script of Mohanlal movie Randamoozham

      Oneindia യില് നിന്നും തല്സമയ വാര്ത്തകള്ക്ക്
      ഉടനടി വാര്ത്തകള് ദിവസം മുഴുവന് ലഭിക്കാന്

      Notification Settings X
      Time Settings
      Done
      Clear Notification X
      Do you want to clear all the notifications from your inbox?
      Settings X
      X
      We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more