Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
വടകരയില്‍ പ്രചാരണം നടത്തില്ലെന്ന് കെ മുരളീധരന്‍; നടത്തുമെന്ന് മുല്ലപ്പള്ളി, അച്ചടക്കം വേണം
തിരുവനന്തപുരം: തദ്ദേശ സ്വയം ഭരണ സ്ഥാപനങ്ങളിലേക്കുള്ള തിരഞ്ഞെടുപ്പില്‍ സ്ഥാനാര്‍ഥി നിര്‍ണയത്തെ ചൊല്ലി കോണ്‍ഗ്രസ് കലഹം. കെ സുധാകരനും കെ മുരളീധരനും കെപിസിസി തീരുമാനത്തിനെതിരെ പരസ്യമായി രംഗത്തുവന്നതോടെ പരിഹാര ശ്രമങ്ങള്‍ക്ക് തുടക്കമായി.
വടകരയില്‍ പ്രചാരണം നടത്താതെ വിട്ടു നില്‍ക്കുന്ന മുരളീധരന്‍ വട്ടിയൂര്‍ക്കാവില്‍ ശ്രദ്ധ കേന്ദ്രീകരിച്ചിരിക്കകുയാണ്. എന്നാല്‍ ഇത് സംബന്ധിച്ചുള്ള ചോദ്യങ്ങള്‍ക്ക് കെപിസിസി അധ്യക്ഷന്‍ മുല്ലപ്പള്ളി രാമചന്ദ്രന്‍ പ്രതികരിച്ചു. മുരളീധരന്‍ വടകരയില്‍ പ്രചാരണം നടത്തുമെന്ന് അദ്ദേഹം പറഞ്ഞു. വിശദാംശങ്ങള്‍ ഇങ്ങനെ...
മുരളീധരന്റെ നിലപാട്
വിമതരെ തടയാന്‍ നടപടിയെടുത്തില്ലെങ്കില്‍ വടകയില്‍ പ്രചാരണത്തിന് ഇല്ലെന്നാണ് കെ മുരളീധരന്റെ നിലപാട്. മാത്രമല്ല, അദ്ദേഹം തന്റെ പഴയ തട്ടകമായ തിരുവനന്തപുരം വട്ടിയൂര്‍ക്കാവില്‍ പ്രചാരണത്തിന് ഇറങ്ങാനും തീരുമാനിച്ചു. ഇതോടെയാണ് കോണ്‍ഗ്രസ് നേതൃത്വം വിഷയത്തില്‍ ഇടപെട്ടത്.
അച്ചടക്കം എല്ലാവര്‍ക്കും വേണം
അച്ചടക്കം എല്ലാവര്‍ക്കും ബാധകമാണെന്നും തിരഞ്ഞെടുപ്പ് കാലത്ത് വിവാദ പ്രസ്താവനകളില്‍ നിന്ന് മാറി നിന്ന് എല്ലാവരും സംയമനം പാലിക്കണമെന്നും കെപിസിസി അധ്യക്ഷന്‍ മുല്ലപ്പള്ളി രാമചന്ദ്രന്‍ പറഞ്ഞു. വടകരയില്‍ കെ മുരളീധരന്‍ പ്രചാരണത്തിന് ഇറങ്ങുമെന്നും മുല്ലപ്പള്ളി മാധ്യമങ്ങളോട് പറഞ്ഞു.
വിവാദ വിഷയം ഇതാണ്
വടകര ബ്ലോക്ക് പഞ്ചായത്ത് കല്ലാമല ഡിവിഷനിലെ സ്ഥാനാര്‍ഥി നിര്‍ണയത്തിലാണ് കോണ്‍ഗ്രസില്‍ കലഹമുള്ളത്. ആര്‍എംപിയുമായി സഹകരിച്ചുള്ള ജനകീയ മുന്നണി സ്ഥാനാര്‍ഥിക്കെതിരെ മല്‍സരിക്കാന്‍ കോണ്‍ഗ്രസ് വിമതന്‍ രംഗത്തെത്തി. ഈ സ്ഥാനാര്‍ഥിക്ക് പാര്‍ട്ടി ചിഹ്നം നല്‍കുകയും ചെയ്തു. ഇതിനെതിരെ മുരളീധരന്‍ രംഗത്തുവരികയായിരുന്നു.
താന്‍ ക്രമം തെറ്റിച്ചില്ല
തിരഞ്ഞെടുപ്പ് ചര്‍ച്ചകള്‍ യുഡിഎഫ് ഘടക കക്ഷികളുമായി മാത്രം മതി എന്നാണ് രാഷ്ട്രീയ കാര്യ സമിതിയില്‍ തീരുമാനിച്ചതെന്ന് മുല്ലപ്പള്ളി പ്രതികരിച്ചു. കോണ്‍ഗ്രസില്‍ നിലവിലുള്ള പ്രശ്‌നങ്ങള്‍ പരിഹരിക്കാന്‍ നടപടി സ്വീകരിച്ചിട്ടുണ്ട്. നടപടി ക്രമങ്ങള്‍ തെറ്റിച്ചല്ല താന്‍ മുന്നോട്ട് പോകുന്നതെന്നും അദ്ദേഹം പറഞ്ഞു.
കോണ്‍ഗ്രസ് മല്‍സരിക്കുന്ന ഡിവിഷന്‍
വടകരയിലെ കല്ലാമല ഡിവിഷനില്‍ കാലങ്ങളായി കോണ്‍ഗ്രസ് സ്ഥാനാര്‍ഥിയാണ് മല്‍സരിക്കുന്നത്. ഇത്തവണയും കോണ്‍ഗ്രസ് സ്ഥാനാര്‍ഥി മല്‍സരിക്കുന്നുണ്ട്. അദ്ദേഹത്തിന് ചിഹ്നം നല്‍കുകയും ചെയ്തു. പ്രശ്‌നങ്ങള്‍ പരിഹരിക്കാന്‍ ഞാന്‍ മുന്‍കൈ എടുക്കുമെന്നും മുല്ലപ്പള്ളി പറഞ്ഞു.
മുരളീധരന്‍ അച്ചടക്കമുള്ള നേതാവ്
കെ മുരളീധരന്‍ അച്ചടക്കമുള്ള നേതാവാണ്. കെപിസിസിയുടെ മുന്‍ അധ്യക്ഷനാണ്. ഉത്തരവാദിത്തമുള്ള നേതാവാണ്. ചില അതൃപ്തിയുണ്ടെന്നും അത് പരിഹരിക്കപ്പെടുമെന്നും മുല്ലപ്പള്ളി പറഞ്ഞു. തദ്ദേശ-നിയമസഭാ തിരഞ്ഞെടുപ്പുകളില്‍ ബിജെപി-സിപിഎം ധാരണയുണ്ടാക്കിയിട്ടുണ്ടെന്നും കെപിസിസി അധ്യക്ഷന്‍ ആരോപിച്ചു.
Recommended Video
