തന്റെ വീട്ടുമുറ്റത്ത് വച്ച് ടിപി ചന്ദ്രശേഖരനെ കൊലപ്പെടുത്താന്‍ ശ്രമം നടന്നു; വെളിപ്പെടുത്തലുമായി മുല്ലപ്പള്ളി

കോഴിക്കോട്: തന്റെ വീട്ടുമുറ്റത്ത് വച്ച് ടിപി ചന്ദ്രശേഖരനെ കൊലപ്പെടുത്താന്‍ ശ്രമം ഉണ്ടായിട്ടുണ്ടെന്ന് കെപിസിസി അധ്യക്ഷന്‍ മുല്ലപ്പള്ളി രാമചന്ദ്രന്‍ പറഞ്ഞു. മനോരമ ന്യൂസിന് നല്‍കിയ അഭിമുഖത്തിലാണ് മുല്ലപ്പള്ളി രാമചന്ദ്രന്‍ നിര്‍ണായക വെളിപ്പെടുത്തല്‍ നടത്തിയത്.

കൊലപാതകം നടക്കുന്നതിന് ദിവസങ്ങള്‍ക്ക് മുമ്പ് ദില്ലിയില്‍ നിന്നും തിരിച്ചെത്തിയ തന്നെ കാണാന്‍ ചന്ദ്രശേഖരന്‍ എത്തിയിരുന്നു. രാത്രി 12 മണിക്ക് ശേഷമാണ് അദ്ദേഹം എന്നെ കാണാന്‍ വീട്ടില്‍ എത്തിയത്. ഗള്‍ഫിലെ മലയാളികളുമായി ബന്ധപ്പെട്ട പ്രശ്‌നത്തെ കുറിച്ച് സംസാരിക്കുന്നതിന് വേണ്ടിയായിരുന്നു വന്നത്.

സംസാരിക്കുന്നതിനിടെ അദ്ദേഹത്തിന്റെ പാര്‍ട്ടി നേരിടുന്ന പ്രശ്‌നത്തെ കുറിച്ചുള്ള കാര്യങ്ങളും പങ്കുവച്ചു. തന്റെ ജീവന് ഭീഷണി നേരിടുന്നുണ്ടെന്നും അദ്ദേഹം വെളിപ്പെടുത്തിയിരുന്നു. സംസാരത്തിനിടെയില്‍ പുറത്തുനിന്ന് ശബ്ദം കേട്ടപ്പോള്‍ വേഗം പോകണം, അവരൊക്കെ പുറത്തുണ്ടെന്നും പറഞ്ഞ് അദ്ദേഹം ചാടി എഴുന്നേറ്റു. അത് അവര്‍ തന്നെയാണെന്ന് അദ്ദേഹം ആവര്‍ത്തിച്ചിരുന്നു. എങ്ങനെയാണ് അത് അദ്ദേഹത്തിന് മനസിലായതെന്ന് എനിക്ക് അറിയില്ല- മുല്ലപ്പള്ളി പറഞ്ഞു.

English summary

Mullappally Ramachandran Says, An attempt was made to assassinate TP Chandrasekharan in his backyard