Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
കോടിയേരിക്ക് താന്‍ പണം നല്‍കിയിട്ടില്ല.... മാണി സി കാപ്പന് പണം നല്‍കിയെന്ന് ദിനേഷ് മേനോന്‍
തിരുവനന്തപുരം: സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനും മകന്‍ ബിനീഷ് കോടിയേരിക്കുമെതിരെയുള്ള ആരോപണങ്ങള്‍ തള്ളി മുംബൈ വ്യവസായി ദിനേഷ് മേനോന്‍. താന്‍ കോടിയേരിക്കും മകനും പണം നല്‍കിയിട്ടില്ലെന്ന് ദിനേശ് മേനോന്‍ വ്യക്തമാക്കി. കണ്ണൂര്‍ വിമാനത്താവളത്തിന്റെ ഓഹരികള്‍ വാങ്ങുന്നതുമായി ബന്ധപ്പെട്ട് കോടിയേരിയും മകനും പണം വാങ്ങിയെന്നായിരുന്നു ആരോപണം. അതേസമയം താന്‍ പണം നല്‍കിയത് മാണി സി കാപ്പനാണെന്നും ദിനേഷ് മേനോന്‍ വ്യക്തമാക്കി.
കണ്ണൂര്‍ അന്താരാഷ്ട്ര വിമാനത്താവളവുമായി ബന്ധപ്പെട്ട യോഗത്തിന് താന്‍ വന്ന സമയത്ത് കോടിയേരി ബാലകൃഷ്ണനെ അദ്ദേഹത്തിന്റെ വീട്ടില്‍ പോയി കണ്ടിരുന്നു. ഇതിന് പുറമേ മറ്റൊരു ചര്‍ച്ചകളും അദ്ദേഹവുമായി ഉണ്ടായിട്ടില്ലെന്നും ദിനേഷ് മേനോന്‍ പറഞ്ഞു. അതേസമയം മൂന്നര കോടി രൂപ വിമാനത്താവളത്തിന്റെ ഓഹരികള്‍ നല്‍കാമെന്ന് പറഞ്ഞ് മാണി സി കാപ്പന് വാങ്ങിയിരുന്നു. അതില്‍ 25 ലക്ഷം രൂപ തിരിച്ച് തന്നെന്നും ബാക്കി ചെക്ക് തന്നെങ്കിലും, അത് ബൗണ്‍സായെന്നും അദ്ദേഹം പറഞ്ഞു.
ചെക്ക് ബൗണ്‍സായതിന്റെ പേരില്‍ നാല് കേസും, ഇതിന് പുറമേ മറ്റൊരു വഞ്ചനാ കേസും മാണി സി കാപ്പനെതിരെ ഫയല്‍ ചെയ്തിട്ടുണ്ടെന്ന് ദിനേഷ് മേനോന്‍ പറഞ്ഞു. നേരത്തെ ഈ കേസില്‍ മാണി സി കാപ്പന് നല്‍കിയ മൊഴിയുടെ രേഖകള്‍ ആര്‍എസ്പി നേതാവ് ഷിബു ബേബി ജോണ്‍ പുറത്തുവിട്ടിരുന്നു. കോടിയേരിക്കും മകന്‍ ബിനീഷ് കോടിയേരിക്കുമെതിരെ മാണി സി കാപ്പന് മൊഴി നല്‍കിയെന്നായിരുന്നു ഇതില്‍ ആരോപിച്ചിരുന്നത്.
അതേസമയം ദിനേഷ് മേനോന്‍ തന്നെ പറഞ്ഞതോടെ ഷിബു ബേബി ജോണിന്റെ ആരോപണങ്ങള്‍ ദുര്‍ബലമായിരിക്കുകയാണ്. താനറിയാത്ത വിഷയത്തെ കുറിച്ച് എന്ത് പ്രതികരിക്കാനാണ് ഉള്ളതെന്നാണ് കോടിയേരി ബാലകൃഷ്ണന്‍ പറഞ്ഞത്. തനിക്ക് പണം തന്നിട്ടില്ലെന്ന് ദിനേഷ് മേനോന്‍ തന്നെ പറഞ്ഞിട്ടുണ്ടല്ലോ എന്നും അദ്ദേഹം പറഞ്ഞു.
