ലോറി മോഷ്ടിക്കാന് ഡ്രൈവറെമയക്കുമരുന്നു നല്കി കൊലപ്പെടുത്തിയ പ്രതികള്ക്ക് ജീവപര്യന്തം തടവും പിഴയും
മലപ്പുറം: ലോറി മോഷ്ടിക്കാന് ഡ്രൈവറെ കൊലപ്പെടുത്തിയ കേസില് പ്രതികള്ക്ക് ജീവപര്യന്തം തടവും പിഴയും ശിക്ഷ. ചങ്ങനാശ്ശേരി തൃക്കൊടിത്താനം കോട്ടമുറി പുത്തന്പറമ്പില് സിജി തോമസ് വധക്കേസിലാണ് മഞ്ചേരി അഡീഷണല് ജില്ലാ സെഷന്സ് കോടതി (രണ്ട്) വിധി പറഞ്ഞത്. ചങ്ങനാശ്ശേരി തൃക്കൊടിത്താനം കോട്ടമുറി പുത്തന്പറമ്പില് സിജി തോമസ് (45) കൊല്ലപ്പെട്ട കേസില് കോഴിക്കോട് പെരുവണ്ണാമൂഴി ചക്കിട്ടപ്പാറ വരയനാട്ട് ജെറിന് മാത്യു എന്ന ജോബി (36), ചക്കിട്ടപ്പാറ പെരുവണ്ണാമൂഴി നിരപ്പയില് അരുണ് ഫിലിപ് (28) എന്നിവരാണ് പ്രതികള്.
ഇവര്ക്കെതിരായ കുറ്റം കണ്ടെത്തിയ മഞ്ചേരി അഡീഷണല് ജില്ലാ സെഷന്സ് കോടതി (രണ്ട്) ജീവപര്യന്തം തടവും 1,75000 രൂപ പിഴയും ശിക്ഷ വിധിച്ചു. കൊലപാതകത്തിന് ജീവപര്യന്തം തടവും 1 ലക്ഷം രൂപ പിഴയും, തെളിവു നശിപ്പിച്ചതിന് 5 വര്ഷം കഠിന തടവും 50,000 രൂപ പിഴയും, വസ്തു തട്ടിയെടുക്കലിന് 3 വര്ഷം തടവും 25,000 പിഴയും എന്നിങ്ങനെയാണ് ശിക്ഷ. തടവു ശിക്ഷ ഒന്നിച്ചനുഭവിച്ചാല്മതി.
പ്രതി ജെറിന് മാത്യു
പിഴയൊടുക്കാത്തപക്ഷം 11 മാസം അധിക തടവനുഭവിക്കണമെന്നും ജഡ്ജി എ വി നാരായണന്റെ വിധിന്യായത്തില് പറയുന്നു. 2015 സെപ്തംബര് ഏഴിനാണ് സംഭവം. കെ എല് 54 സി 8909 നമ്പര് ലോറി ഡ്രൈവറായിരുന്നു ചങ്ങനാശ്ശേരി തൃക്കൊടിത്താനം കോട്ടമുറി പുത്തന്പറമ്പില് സിജി തോമസ്. എറണാകുളത്ത് നിന്ന് ഹോര്ളിക്സ് ലോഡുമായി കോഴിക്കോടെത്തിയതായിരുന്നു സിജി തോമസ്. എറണാകുളത്തേക്ക് മടക്ക ലോഡുണ്ടെന്ന് പറഞ്ഞ് വിശ്വസിപ്പിച്ച പ്രതികള് കോഴിക്കോട് ബീച്ചിലേക്ക് വിളിച്ചു വരുത്തി ലോറിയില് കിനാലൂര് എസ്റ്റേറ്റ് മുക്കിലെത്തുകയും മദ്യത്തില് മയക്കുമരുന്നു കലര്ത്തി കുടിപ്പിച്ച ശേഷം കൊലപ്പെടുത്തുകയുമായിരുന്നു.
താമരശ്ശേരി ചുരത്തില് തകരപ്പാടി ഒമ്പതാം വളവില് നിന്ന് മൃതദേഹം കൊക്കയിലേക്ക് വലിച്ചെറിഞ്ഞുവെന്നാണ് കേസ്. തുടര്ന്ന് സിജിയുടെ മൊബൈല് ഫോണ്, 2130 രൂപ എന്നിവ കവര്ന്നതായും നമ്പര് പ്ലേറ്റ് മാറ്റിയ ലോറി പൊളിച്ചു വില്ക്കാനായി കക്കാടംപോയില് എത്തിച്ചതായും പൊലീസ് കണ്ടെത്തിയിരുന്നു. സിജി തോമസിന്റെ സഹോദരി ഭര്ത്താവായ തിരുവമ്പാടി ഓണാട്ട് റോയിയുടെ പരാതിയില് 2015 സെപ്തംബര് 14ന് ഒന്നാം പ്രതിയെയും 20ന് രണ്ടാം പ്രതിയെയും അറസ്റ്റ് ചെയ്യുകയായിരുന്നു. മൊബൈല് ടവറുകള് കേന്ദ്രീകരിച്ച് നടത്തിയ അന്വേഷണത്തിലാണ് പ്രതികളെ കൊണ്ടോട്ടി സി ഐയായിരുന്ന ബി അനില് അറസ്റ്റ് ചെയ്തത്. ദൃക്സാക്ഷികളില്ലാത്ത കേസില് ശാസ്ത്രീയ തെളിവുകളും സാഹചര്യ തെളിവുകളുമാണ് നിര്ണ്ണായകമായത്.
പ്രോസിക്യൂഷനു വേണ്ടി മുന് ജില്ലാ പബ്ലിക് പ്രോസിക്യൂട്ടര് അനസ് വരിക്കോടന്, അഡീഷണല് ജില്ലാ പബ്ലിക് പ്രോസിക്യൂട്ടര് പി പി ബാലകൃഷ്ണന് എന്നിവരും പ്രതികള്ക്കു വേണ്ടി അഭിഭാഷകരായ ബാബുരാജ്, എ പി ഇസ്മായില് എന്നിവരും ഹാജരായി. കേസില് 63 സാക്ഷികളില് 43 പേരെ കോടതി വിസ്തരിച്ചു. എട്ടു തൊണ്ടി മുതലുകളും ഹാജരാക്കി. സിജിയുടെ മാതാവ് കോട്ടയം ചങ്ങനാശ്ശേരി പുത്തന്പറമ്പില് മേരി തോമസ് (84) നല്കിയ ഹര്ജിയുടെ അടിസ്ഥാനത്തില് കേസിന്റെ വിചാരണ ഏഴു മാസത്തിനകം പൂര്ത്തിയാക്കണമെന്ന് ഹൈക്കോടതി 2016ല് നിര്ദ്ദേശിച്ചിരുന്നു.
-
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
'ആരോടും പറയാതെ പോയി, ബെഡ്റൂം തുറന്നപ്പോൾ കണ്ടത്.. തെളിവായി ഫോട്ടോകളുണ്ട്', മന്ത്രി ഗണേഷിനെതിരെ ഭാര്യ -
ത്രിഗ്രഹി യോഗം വരുന്നു; ഈ രാശിക്കാർക്ക് ശത്രുക്കളുടെ മേൽ ജയം, പുതിയ കാറും വീടും..! മാർച്ച് 15 മുതൽ -
'മന്ത്രിയെ ഭാര്യ കൈയോടെ പൊക്കിയത് അറിഞ്ഞില്ലെ? സ്റ്റാഫ് മർദ്ദിച്ചു', ഗണേഷ് കുമാറിനെതിരെ കെ എസ് യു -
ബെംഗളൂരുവിലെ റെയിൽ യാത്രക്കാർക്ക് ആശ്വാസം; ബൈയപ്പനഹള്ളി-ഹൊസൂർ പാത ഇരട്ടിപ്പിക്കൽ വൈകില്ല! -
ഇന്ത്യ ഭയന്നത് സംഭവിക്കുന്നു; ക്രൂഡ് ഓയില് വില 30 ശതമാനം കൂടി, സ്വര്ണം വിട്ടോടാന് കാരണം മറ്റൊന്ന് -
പ്രണയിക്കുന്നത് തെറ്റല്ല, തുടരും; ആരും വ്യക്തിപരമായ കാര്യങ്ങളിൽ ഇടപെടേണ്ടെന്നും ഗണേഷ് കുമാർ -
കേരളത്തിൽ പാമ്പ് ശല്യം രൂക്ഷം; ജീവൻ രക്ഷിക്കാൻ ഈ മുൻകരുതലുകൾ അറിയുക -
ഇറാന്റെ ഡ്രോണുകളെയും മിസൈലുകളെയും തകർത്ത് യുഎഇ; ഞെട്ടിക്കുന്ന ദൃശ്യങ്ങൾ -
'വീട്ടിലെ കക്കൂസ് മാലിന്യം പുറത്തേക്ക് ഒഴുക്കി, പ്രതിഷേധിച്ചു', മമ്മൂട്ടിക്കെതിരെ ചാനലിൽ വിളിച്ച് ആരോപണം -
ഇറാന്റെ പുതിയ പരമോന്നത നേതാവായി മൊജ്തബ ഖാംനഇ അധികാരമേറ്റു; ഉറ്റുനോക്കി ലോകം
Click it and Unblock the Notifications
Sign in with Google