ചാലക്കുടിയിൽ ദുരിതാശ്വാസ ക്യാമ്പുകളിൽ വെള്ളം കയറുന്നു; മുരിങ്ങൂർ പാലത്തിൽ വെള്ളം കയറി

ചാലക്കുടി: ചാലക്കുടി പുഴ കരകവിഞ്ഞൊഴുകിയതോടെ ചാലക്കുടി ടൗൺ വെള്ളത്തിൽ മുങ്ങിയിരിക്കുകയാണ്. മുരീങ്ങൂർ മേൽപ്പാലത്തിൽ വെള്ളം കയറിയ നിലയിലാണുള്ളത്. ആലുവയിലേക്ക് രക്ഷാപ്രവർത്തനത്തിന് പുറപ്പെട്ട പോലീസുകാരുടെ സംഘം പാലത്തിൽ കുടുങ്ങിക്കിടക്കുകയാണ്.

കുണ്ടൂരിലെയും മാളയിലേയും ദുരിതാശ്വാസ ക്യാമ്പുകളിൽ വെള്ളം കയറിയിത്തുടങ്ങി. അയ്യായിരത്തിൽ അധികം ആളുകളാണ് ഈ ദുരിതാശ്വാസ ക്യാമ്പുകളിലുള്ളത്. ചാലക്കുടിയിൽ 70 ഓളം പേർ രക്ഷതേടിയിരുന്ന കെട്ടിടം തകർന്ന് വീണു. 7 പേരെ കാണാനില്ലെന്നാണ് വിവരം.

ചാലക്കുടി ഭാഗത്തേയ്ക്ക് കോസ്റ്റ് ഗാർഡിന്റെ ഹെലികോപ്റ്ററുകൾ പോയിട്ടുണ്ട്. വെള്ളവും ഭക്ഷണവും ആദ്യം വിതരണം ചെയ്യും. പിന്നീട് മാത്രമെ കുടുങ്ങി കിടക്കുന്നവരെ പുറത്തെത്തിക്കാനുളള പ്രവർത്തനങ്ങൾ ആരംഭിക്കുകയുള്ളു.

English summary

muringoor bridge sinks policemen trapped