നിങ്ങളുടെ പങ്കാളിയുടെ ചിത്രങ്ങൾ അഡൽറ്റ് സൈറ്റിൽ വന്നാലോ?;'ചാലഞ്ചുകളിൽ' പങ്കെടുക്കരുതെന്ന് ഷാൻ റഹ്മാൻ

നിങ്ങളുടെ പങ്കാളിയുടെ ചിത്രങ്ങൾ അഡൽറ്റ് സൈറ്റിൽ വന്നാലോ? 'ചാലഞ്ചുകളിൽ'പങ്കെടുക്കരുതെന്ന് ഷാൻ റഹ്മാന്‍

കൊച്ചി; സമൂഹ മാധ്യമങ്ങൾ ദിനം പ്രതിയാണ് പല ചാലഞ്ചുകൾ വരുന്നത്. നിരവധി പേർ ഈ ചലഞ്ചുകളിൽ പങ്കെടുക്കാറുമുണ്ട്. എന്നാൽ ഇത്തരം ചാലഞ്ചുകളിൽ ഭാഗമാകുന്നത് ശരിക്കും സുരക്ഷിതമാണോ? ഇത് സംബന്ധിച്ചുള്ള ആശങ്ക പങ്കുവെയ്ക്കുകയാണ് സംഗീത സംവിധായകൻ ഷാൻ റഹ്മാൻ. ഇത്തരം ചാലഞ്ചുകളൽ പങ്കെടുത്ത് സോഷ്യൽ മീഡിയയിൽ നമ്മൾ പങ്കുവെയ്ക്കുന്ന വിവരങ്ങൾ പലപ്പോഴും ദുരുപയോഗപ്പെടാൻ സാധ്യത ഉണ്ടെന്ന് ഷാൻ പറയുന്നു. സനൂപ് എംഎസ് എന്നയാളുടെ കുറിപ്പാണ് ഷാൻ പങ്കുവെച്ചത്. പോസ്റ്റ് വായിക്കാം

ആരാണ് ഈ ചാലഞ്ചുകൾ നടത്തുന്നതെന്ന് അറിയില്ല

മൊബൈൽ ലോക്ക് / ഓഫ് ചെയ്തിരിക്കുന്ന സാഹചര്യത്തിൽ പോലും സോഷ്യൽ മീഡിയ ആപ്ലിക്കേഷനുകൾ തങ്ങളുടെ സംഭാഷണങ്ങൾ ചോർത്തുന്നുവെന്ന് പലരും പരാതിപ്പെടാറുണ്ട്. എന്നാൽ ചിരി ചാലഞ്ച് ,കപ്പിൾ ചാലഞ്ച് എന്നിവ പോലുള്ളവ സോഷ്യൽ മീഡിയയിൽ ട്രന്റ് ആവുമ്പോൾ ((ആരാണ് ഈ മത്സരം നടത്തുന്നതെന്ന് സത്യസന്ധമായി എനിക്കറിയില്ല) സ്വന്തം കുടുംബത്തിന്റെ ചിത്രങ്ങൾ പരസ്യമായി പോസ്റ്റ് ചെയ്യുന്നതിൽ ആർക്കും ഒരു പേടിയും ഇല്ല.

ഫോട്ടോ കാണാൻ സാധിക്കും

എല്ലാം അപകടമാണെന്ന് പറഞ്ഞ് കൊണ്ടിരിക്കുന്നതിനേക്കാൾ വലിയ അപകടമാണ് നിങ്ങൾ ഈ ചെയ്യുന്നത് എന്നാണ് എനിക്ക് പറയാനുള്ളത്. നിങ്ങൾ‌ക്കറിയാമോ? പബ്ലിക് ആയി നിങ്ങൾ എന്തെങ്കിലും ഫേസ്ബുക്കിൽ പോസ്റ്റ് ചെയ്താൽ അത് ലോകത്തിന്റെ ഏത് കോണിൽ ഇരുന്ന് ഇന്റർനെറ്റ് ഉപയോഗിക്കുന്നവർക്കും ആ ഫോട്ടോ കാണാൻ സാധിക്കും.

പങ്കാളിയുടെ ചിത്രം ഡേറ്റിങ്ങ് ആപിൽ വന്നാലോ

വലിയ ഹാക്കിങ്ങ് സ്കിൽ ഒന്നും അതിന് ആവശ്യമില്ല. വെറും കോപ്പി പോസ്റ്റ് മാത്രം അറിഞ്ഞാൽ മാത്രം മതി. നിങ്ങള്‍ സമൂഹമാധ്യമത്തില്‍ പങ്ക് വെയ്ക്കുന്ന പങ്കാളിയുടെ ചിത്രം ഏതെങ്കിലും ഒരാൾ ഇത്തരത്തിൽ എടുത്ത് ഒരു ഡേറ്റിംഗ് അല്ലേങ്കിൽ അഡൽട്ട് ആപിന്റെ വെബ്സൈറ്റിൽ പ്രൊഫൈൽ പിക്ചർ ആക്കിയാൽ എങ്ങനെയിരിക്കും?

ട്രന്റ് ചെയ്യപ്പെടും

അതെ, നിങ്ങളുടെ പങ്കാളി തീർച്ചയായും അവരുടെ വെബ്‌സൈറ്റിലും ട്രെൻഡുചെയ്യും.അത്തരം നിരവധി കേസുകൾ ഇതിനോടകം തന്നെ റിപ്പോർട്ട് ചെയ്യപ്പെട്ടിട്ടുണ്ട്. ഇത്തരം സംഭവങ്ങളെ കുറിച്ച് നിങ്ങൾക്ക് അറിവും ധാരണയും ഇല്ലേങ്കിൽ ദയവായി ഇക്കാര്യങ്ങളിൽ അപ്ഡേറ്റഡ് ആവാൻ ശ്രമിക്കു.

എങ്ങനെ സുരക്ഷിതമാക്കാം

എങ്ങനെ നമ്മുടെ വിവരങ്ങൾ സംരക്ഷിക്കാൻ സാധിക്കും? നിങ്ങളുടെ സ്വകാര്യ വിവരങ്ങൾ ആവശ്യപ്പെടുന്ന ഇത്തരം ചാലഞ്ചുകളിൽ ദയവായി പങ്കെടുക്കരുത്. നിങ്ങളുടെ പ്രൊഫൈലിൽ ഉൾപ്പെടുത്തിയ വ്യക്തിപരമായ വിവരങ്ങൾ സുരക്ഷിതമായി സൂക്ഷിക്കാനുള്ള സംവിധാനങ്ങൾ സജ്ജമാക്കിയിട്ടുണ്ടെന്ന് ഉറപ്പാക്കുക.

ഒന്നും സ്വകാര്യമല്ല

നിങ്ങളുടെ ഫ്രണ്ട് ലിസ്റ്റ് പരിശോധിച്ചതിന് ശേഷം പരിചയമില്ലാത്ത പ്രൊഫൈലുകളെ ലിസ്റ്റിൽ നിന്ന് ഒഴിവാക്കുക. സുഹൃത്തുക്കൾക്ക് മാത്രം ലഭ്യമാകുന്ന തരത്തിൽ നിങ്ങളുടെ പോസ്റ്റുകൾ പങ്കുവെയ്ക്കുക.
നിങ്ങൾ‌ സോഷ്യൽ മീഡിയയിൽ‌ പൊതുവായി എന്തെങ്കിലും പോസ്റ്റുചെയ്യുന്നതിന് അത് എല്ലാവരുമായി പങ്കുവെയ്ക്കപ്പെടേണ്ടത് തന്നെയാണോയെന്ന് ചിന്തിക്കുക,കാരണം, ഇന്റര്‍നെറ്റില്‍ ഒന്നും സ്വകാര്യമല്ല, അത് എനിക്ക് നന്നായി അറിയാം'

English summary

music director shan rahman against challenge post