മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി
കാസര്കോട്: നിയമസഭാ തിരഞ്ഞെടുപ്പില് ഏറെ ശ്രദ്ധിക്കപ്പെടുന്ന മണ്ഡലമാണ് മഞ്ചേര്വരം. ബിജെപി ജയത്തിന്റെ വക്കിലെത്തുന്ന മണ്ഡലമാണിത്. രണ്ട് തവണ ബിജെപി നേതാവ് കെ സുരേന്ദ്രന് കപ്പിനും ചുണ്ടിനുമിടയിലാണ് തോല്വി അറിഞ്ഞത്. ഒരു തവണ കോടതി നടപടികളിലേക്കും നീണ്ടിരുന്നു. ഇത്തവണ വീണ്ടും കെ സുരേന്ദ്രന് എത്തിയപ്പോള് ചില സാധ്യതകള് തെളിയുകയാണ്.
സിറ്റിങ് എംഎല്എ എകെഎം അഷ്റഫ് തന്നെയാണ് ഇത്തവണയും മുസ്ലിം ലീഗിന് വേണ്ടി കളത്തിലിറങ്ങുന്നത്. സിപിഎം മല്സരിപ്പിക്കുന്നത് കെആര് ജയാനന്ദയെ ആണ്. യുഡിഎഫും ബിജെപിയും തമ്മിലുള്ള ശക്തമായ മല്സരമായിരിക്കും ഇത്തവണ എന്നാണ് പ്രതീക്ഷിക്കുന്നത്. ബിജെപിയിലെ പ്രാദേശിക വാദവും ഉള്പ്പോരും അഷറഫിന് ആശ്വാസം നല്കിയിരുന്നു.
എന്നാല് പത്രിക സമര്പ്പിക്കാനുള്ള അവസാന ദിനങ്ങളില് ചിത്രം മാറുകയാണ്. സിപിഎം പൊതുസ്വതന്ത്രനെ മല്സരിപ്പിക്കാതിരിക്കുകയും ജയാനന്ദയെ സ്ഥാനാര്ഥിയാക്കുകയും ചെയ്തതോടെ സ്വന്തം സ്ഥാനാര്ഥിയെ നിര്ത്താന് തീരുമാനിച്ചിരിക്കുകയാണ് എസ്ഡിപിഐ. നേരത്തെ സിപിഎമ്മിന്റെ പൊതുസ്വതന്ത്രനെ പിന്തുണയ്ക്കുമെന്ന് എസ്ഡിപിഐ പറഞ്ഞിരുന്നു.
എല്ഡിഎഫ് സ്ഥാനാര്ഥിയായി ഷാനവാസ് പാദൂരിനെ പരിഗണിക്കുമെന്നായിരുന്നു നേരത്തെയുള്ള വിവരം. ഇദ്ദേഹത്തെ പിന്തുണയ്ക്കാന് എസ്ഡിപിഐ ധാരണയാകുകയും ചെയ്തു. ഒടുവിലാണ് എല്ഡിഎഫ് സ്ഥാനാര്ഥിയെ മാറ്റിയത്. ഇതോടെയാണ് എസ്ഡിപിഐ മല്സരിക്കാന് തീരുമാനിച്ചതും ജില്ലാ കൗണ്സില് അംഗം കെഎം അഷറഫ് മല്സരിക്കുമെന്ന് പ്രഖ്യാപിച്ചതും.
ബിജെപി ക്യാമ്പില് ആശ്വാസം
2016ലും 2021ലും യുഡിഎഫിനായിരുന്നു എസ്ഡിപിഐയുടെ പിന്തുണ. ബിജെപി ജയിക്കുന്നത് തടയുക എന്ന ലക്ഷ്യത്തോടെയായിരുന്നു നീക്കം. എന്നാല് യുഡിഎഫുമായുള്ള തര്ക്കമാണ് ഇത്തവണ പൊതു സ്വതന്ത്രനെ പിന്തുണയ്ക്കാന് എസ്ഡിപിഐയെ പ്രേരിപ്പിച്ചത്. ഇപ്പോള് എസ്ഡിപിഐ സ്വന്തം സ്ഥാനാര്ഥിയെ പ്രഖ്യാപിച്ചതോടെ ഏറെ ആശ്വാസത്തിലാണ് ബിജെപി ക്യാമ്പ്.
തദ്ദേശ തിരഞ്ഞെടുപ്പില് മഞ്ചേശ്വരം മണ്ഡലത്തില് എസ്ഡിപിഐക്ക് 7000ത്തോളം വോട്ട് കിട്ടിയിട്ടുണ്ട്. 10000 വോട്ട് വരെ നിയമസഭാ തിരഞ്ഞെടുപ്പില് ലഭിക്കുമെന്നാണ് പാര്ട്ടിയുടെ പ്രതീക്ഷ. തുച്ഛം വോട്ടിന് ജയപരാജയങ്ങള് സംഭവിക്കുന്ന മണ്ഡലമായതിനാല് എസ്ഡിപിഐ വോട്ട് നിര്ണായകമാണ്. ഇത് ബിജെപിക്ക് സാധ്യത തെളിയാന് ഇടയാക്കി. എന്നാല് എസ്ഡിപിഐ പിന്തിരിപ്പിക്കാന് യുഡിഎഫ് ക്യാമ്പ് ശ്രമിക്കുന്നുണ്ട്.
യുഡിഎഫ് സ്ഥാനാര്ഥിയുടെ പേര് എകെഎം അഷ്റഫ് എന്നാണ്. എസ്ഡിപിഐ സ്ഥാനാര്ഥിയുടെ പേര് കെഎം അഷ്റഫ് എന്നും. പേരിലെ സാമ്യതയും വോട്ട് നഷ്ടപ്പെടാന് ഇടയാക്കുമെന്ന് യുഡിഎഫും മുസ്ലിം ലീഗും ഭയക്കുന്നു. 2021ല് 855 വോട്ടിനാണ് മുസ്ലിം ലീഗ് സ്ഥാനാര്ഥി ജയിച്ചത്. 2016ല് 89 വോട്ടിനും. ഇത്തവണ ഏറെ ശ്രദ്ധിക്കപ്പെടുന്ന തിരഞ്ഞെടുപ്പാണ് മഞ്ചേശ്വരം മണ്ഡലത്തിലേത്.
-
'അതൊരു തീക്കളിയാണ്, അങ്ങനെയായിരുന്നെങ്കിൽ ഞാൻ കാവ്യയെ വിവാഹം കഴിക്കില്ലാർന്നു';ദിലീപ് -
ഈ രണ്ട് ജില്ലകള് വളരെ പിന്നാക്കം; മതാന്ധതയും വിപ്ലവവും മാറ്റിവച്ച് ചിന്തിക്കണം എന്ന് നടി ലക്ഷ്മി പ്രിയ -
അരൂർ-തുറവൂർ എലിവേറ്റഡ് ഹൈവേ; പദ്ധതി വൈകിച്ച് കെഎസ്ഇബിയും എൻഎച്ച്എഐയും, യാത്രക്കാർ ദുരിതത്തിൽ -
'ദിലീപിൻ്റെ വീട്ടിൽ നിന്നും ഇറങ്ങുമ്പോൾ മഞ്ജു വാര്യർ അവസാനമായി പറഞ്ഞത്..'ഭാഗ്യലക്ഷ്മി പറഞ്ഞത് -
'മഞ്ജു വാര്യർ പാവം, അസൂയപ്പെട്ടിട്ട് എന്ത് കാര്യം,നിർബന്ധം ഒറ്റക്കാര്യത്തിൽ മാത്രം';ദിലീപിൻ്റെ വാക്കുകൾ -
"കോഴിക്കോട്ടെ ഫ്ലാറ്റ് കേന്ദ്രീകരിച്ച് സിനിമാക്കാരുടെ ആഭാസത്തരം, ജോയ് മാത്യു പോലും രഞ്ജിത്തിനെ കാണാൻ പോയില്ല" -
ബെംഗളൂരു സിൽക്ക് ബോർഡ് ഡെബിൾ ഡെക്കർ ഫ്ലൈഓവർ ഇനിയും വൈകുമോ? തലവേദന തീർക്കുന്നത് ഇത് -
സൗദി അറേബ്യ എന്തിനുള്ള പുറപ്പാടാണ്; എത്തിച്ചത് 23000 പാക് സൈനികരെ, ഇറാന് ചര്ച്ച പൊളിഞ്ഞു -
ലുലു ഗ്രൂപ്പിന് രണ്ടാമത്തെ ഭൂമിയും നഷ്ടമായേക്കും; നിയമക്കുരുക്കില് പെട്ട് വന് പദ്ധതി, പ്രതിഷേധം -
ഡോളറിന് കിട്ടിയത് എട്ടിന്റെ പണി...! സ്വര്ണത്തിന് ഇനി കുതിപ്പിന്റെ കാലം, വില കൂടാന് പോകുന്നു -
സ്വർണ വില 2ശതമാനം ഇടിഞ്ഞു; ഇനിയും കുറയും.. അര പവൻ 25,000 രൂപയ്ക്ക് വാങ്ങാനാകുമെന്ന് കരുതുന്നുണ്ടോ? -
കാത്തിരുന്ന രാജയോഗം നാളെ മുതല്.. വിഷുക്കാലത്ത് സൗഭാഗ്യപ്പെരുമഴ; ഈ രാശിക്കാരാണോ?
Click it and Unblock the Notifications
Sign in with Google