അഭിമന്യുവിന്റെ കൊലപാതകം; കൊലയിൽ രാഷ്ട്രീയമില്ലത്രേ, എവിടുന്ന് കിട്ടി ഈ റിപ്പോർട്ട്?;ആഞ്ഞടിച്ച് ജയരാജൻ
തിരുവനന്തപുരം;ആലപ്പുഴയിൽ വള്ളികുന്നത്ത് എസ് എഫ് ഐ പ്രവർത്തകനായ അഭിമന്യുവിന്റെ കൊലപാതകത്തിൽ ആർഎസ്എസിനും മാധ്യമങ്ങൾക്കുമെതിരെ കണ്ണൂർ സിപിഎം ജില്ലാ സെക്രട്ടറി എംവി ജയരാജൻ.വെഞ്ഞാറമൂട് ഇരട്ടകൊലപാതകത്തിന് സമാനമായാണ് ആർഎസ്എസുകാർ അഭിമന്യുവിനെ കൊലപ്പെടുത്തിയതെന്ന് ജയരാജൻ പറഞ്ഞു.കൊലപാതകത്തിൽ രാഷ്ട്രീയമില്ലെന്നാണ് ചില ദൃശ്യമാധ്യമങ്ങൾ വാർത്ത നൽകിയിരിക്കുന്നത്. ഇത്തരക്കാർ ഈ റിപ്പോർട്ടുകൾ എവിടെ നിന്ന് കിട്ടിയെന്ന് ജയരാജൻ ചോദിച്ചു. സിപിഎമ്മിനും ഇടതുപക്ഷത്തിനും എതിരായി വ്യാജ വാർത്തകൾ നിർമ്മിക്കുന്നവരുടെ രാഷ്ട്രീയമാണ് ഇത്തരം ഘട്ടങ്ങളിൽ വ്യക്തമാകുന്നതെന്നും ഫേസ്ബുക്കിൽ പങ്കുവെച്ച കുറിപ്പിൽ ജയരാജൻ പറഞ്ഞു. പോസ്റ്റ് വായിക്കാം
ആലപ്പുഴ ജില്ലയിൽ വള്ളികുന്നത്ത് എസ് എഫ് ഐ പ്രവർത്തകനായ അഭിമന്യുവിനെ ആർഎസ്എസുകാർ ക്ഷേത്ര പരിസരത്ത് വച്ച് കുത്തിക്കൊലപ്പെടുത്തിയത് പ്രതിഷേധാർഹവും അപലപനീയവുമാണ്.വിഷു ദിനത്തിലാണ് ഈ ക്രൂരമായ കൊലപാതകം നടത്തിയത്.തിരുവനന്തപുരത്ത് വെഞ്ഞാറമൂടിൽ കോൺഗ്രസുകാർ ഇരട്ടക്കൊല നടത്തിയ ഹഖ് മുഹമ്മദിനെയും മിഥിലാജിനെയും എന്നിവരെ ഇരട്ടക്കൊല നടത്തിയതിനു സമാനമാണ് ആർഎസ്എസുകാർ ആലപ്പുഴയിൽ നടത്തിയത്.കാശിനാഥ്,ആദർശ് എന്നീ രണ്ടു ഡിവൈഎഫ്ഐ പ്രവർത്തകർക്കും കുത്തേറ്റ പരിക്കുണ്ട്. 15 വയസ്സ് മാത്രം പ്രായമുള്ള ഒരാളുടെ ജീവനാണ് ക്രിമിനലുകൾ അപഹരിച്ചത്.
ഒരു കുടുംബത്തിന്റെ ഭാവി വാഗ്ദാനവും 15 വയസ്സ് പ്രായവുമുള്ള ഒരു വിദ്യാർത്ഥിയുടെ ജീവനാണ് കാപാലികർ അപഹരിച്ചത്.ഇന്നലെ രാത്രി 9 മണിക്കാണ് കൊലപാതകം നടത്തിയത്.വിഷുവിന് അവധി ആയതിനാൽ ഇന്ന് അച്ചടി മാധ്യമം ഇല്ല.ദൃശ്യ മാധ്യമങ്ങൾ മാത്രമാണ്.ചില ദൃശ്യ മാധ്യമങ്ങൾ നൽകുന്ന റിപ്പോർട്ട് ആവട്ടെ സംഭവത്തിൽ രാഷ്ട്രീയമൊന്നുമില്ലെന്നാണ്.എവിടുന്ന് കിട്ടി ഇക്കൂട്ടർക്ക് ഈ റിപ്പോർട്ട്.
ഒരു കാര്യം വ്യക്തമാണ് സിപിഐഎം നും ഇടതുപക്ഷത്തിനും എതിരായി വ്യാജ വാർത്തകൾ നിർമ്മിക്കുന്നവർക്ക് അവരുടെ രാഷ്ട്രീയമാണ് ഇത്തരം ഘട്ടങ്ങളിൽ വ്യക്തമാകുന്നത്.വ്യാജ വാർത്താ നിർമ്മിതിക്കെതിരായി ഏപ്രിൽ 15 ന് ഏഷ്യാനെറ്റ് കണ്ണൂർ ബ്യൂറോ ഓഫീസിനു മുന്നിൽ എൽഡിഎഫ് പ്രഖ്യാപിച്ച സമരം ശരിയാണെന്ന് ഒരിക്കൽ കൂടി ബോധ്യപ്പെടുകയാണ്.ധീര രക്തസാക്ഷി അഭിമന്യുവിന് ആദരാഞ്ജലികൾ.
Click it and Unblock the Notifications
Sign in with Google