നന്ദന്കോട് കൂട്ടക്കൊലപാതകം: കേദല് പിടിയിലായി
നന്തന്കോട് കൂട്ടക്കൊലപാതകം: കേദല് ജീന്സണ് അറസ്റ്റില്
തിരുവനന്തപുരം: നന്ദന്കോട് കൂട്ടക്കൊലപാതക്കേസില് പ്രതിയെന്ന് സംശയക്കുന്ന കേദല് ജീന്സണ് പിടിയിലായി. തമ്പാനൂര് റെയില്വേ സ്റ്റേഷന് സമീപം റെയില്വേ സുരക്ഷാ ഉദ്യോഗസ്ഥരാണ് കേദലിനെ പിടികൂടിയത്. ട്രെയിന് കയറി രക്ഷപെടന് ശ്രമിക്കുന്നതിനിടെയായിരുന്നു പിടിയിലായത്.
രാജ്യത്തൊട്ടാകെ ഇയാള്ക്കായി പോലീസ് ലുക്ക് ഔട്ട് നോട്ടീസ് പുറപ്പെടുവിച്ചിരുന്നു. കേദലിന്റെ വിവധ രൂപത്തിലുള്ള ഫോട്ടോയും പോലീസ് പുറത്തിറക്കിയിരുന്നു. ഇയാള് സംസ്ഥാനം വിട്ട് പോകാനുള്ള സാധ്യത ഇല്ലെന്ന് തന്നെയായിരുന്നു പോലീസിന്റെ നിഗമനം. കേദലിന് പരിക്കേറ്റിരുന്നതിനാല് അധിക ദൂരം പോകില്ലെന്ന വിശ്വാസത്തിലായിരുന്നു പോലീസ്. മാത്രമല്ല ഇയാള് പണവും ക്രെഡിറ്റ് കാര്ഡുകളും എടുത്തിരുന്നില്ല.
അച്ഛനും അമ്മയും സഹോദരിയും വിദേശ് പോകുന്നത് തടയാനായിരുന്നു കേദല് മാതാപിതാക്കളേയും സഹോദരിയേയും കൊലപ്പെടുത്തിയതെന്നാണ് പ്രാഥമീക നിഗമനം. ഞായറാഴ്ചയാണ് ദമ്പതികളും മകളും ഉള്പ്പെടെ ഒരു കുടുംബത്തിലെ നാല് പേരെയാണ് ഞായറാഴ്ച മരിച്ച നിലയില് കണ്ടെത്തിയത്. ഡോ ജീന് പത്മ, ഭാര്ത്താവ് രാജ തങ്കം, മകള് കരോലിന്, ഡോ ജീന്റെ ബന്ധു എന്നിവരാണ് കൊല്ലപ്പെട്ടത്. ഒരാളുടെ മൃതദേഹം കിടക്ക വിരിയില് പൊതിഞ്ഞ നിലയിലും മറ്റ് മൂന്ന് പേരുടേതും കത്തിക്കരിഞ്ഞ നിലയുലുമായിരുന്നു. മകന് കൊലപാതകം നടത്തിയ ശേഷം കത്തിച്ചതാകാമെന്നാണ് കരുതുന്നത്. സംഭവ നടന്ന ഉടന് ഒളില്പോയ കേദലിനായി പോലീസ് തിരച്ചില് നടത്തി വരികയായിരുന്നു.