മോദിയും ക്രിസ്തുവും!!! അല്‍ഫോന്‍സ് കണ്ണന്താനം പറയുന്നത് കേട്ടാല്‍ ആരും വാ പൊളിക്കും...

ദില്ലി: ആദ്യം പേരെടുത്ത സിവില്‍ സര്‍വ്വീസ് ഉദ്യോഗസ്ഥന്‍, പിന്നീട് സിപിഎം പിന്തുണയോടെ എംഎല്‍എ, ഒടുവില്‍ ബിജെപിയില്‍... ഇപ്പോഴിതാ കേന്ദ്ര മന്ത്രിയും! ഇതാണ് അല്‍ഫോന്‍സ് കണ്ണന്താനം. ദേശീയ രാഷ്ട്രീയത്തില്‍ എന്തെങ്കിലും ചെയ്യണമെങ്കില്‍ ബിജിപിയില്‍ ചേരണം എന്ന് പറഞ്ഞായിരുന്നു സിപിഎം ബന്ധം ഉപേക്ഷിച്ചത്.

ഇപ്പോഴിതാ നരേന്ദ്ര മോദിയെ പ്രശംസകൊണ്ട് മൂടുകയാണ് കണ്ണന്താനം. നരേന്ദ്ര മോദിക്കും യേശുക്രിസ്തുവിനും ഒരേ ലക്ഷ്യങ്ങളാണ് എന്നാണ് കണ്ണന്താനം പറഞ്ഞിരിക്കുന്നത്.

ലൈവ് മിന്റ് എന്ന ഓണ്‍ലൈന്‍ മാധ്യമത്തിന് നല്‍കിയ അഭിമുഖത്തിലായിരുന്നു കണ്ണന്താനം യേശുക്രിസ്തുവിനേയും നരേന്ദ്ര മോദിയേയും താരതമ്യപ്പെടുത്തിയത്. ക്രിസ്ത്യന്‍ സമൂഹത്തിന്റെ സ്വപ്‌നങ്ങള്‍ ആണ് നരേന്ദ്ര മോദിയും പങ്കുവയ്ക്കുന്നത് എന്നാണ് കണ്ണന്താനം പറയുന്നത്.

താന്‍ കേന്ദ്ര മന്ത്രിയായ വാര്‍ത്ത അറിഞ്ഞ് എല്ലാ കര്‍ദ്ദിനാള്‍മാരും ഫോണില്‍ വിളിച്ചിരുന്നു എന്നും അദ്ദേഹം പറഞ്ഞു. ക്രിസ്ത്യന്‍ സമൂഹത്തിന്റെ പ്രതികരണത്തെക്കുറിച്ച് ആരാഞ്ഞപ്പോള്‍ ആയിരുന്നു ഈ മറുപടി.

പെണ്‍കുട്ടികള്‍ക്കെല്ലാം വിദ്യാഭ്യാസവും, വീടുകളില്‍ ശൗച്യാലയും, എല്ലാവര്‍ക്കും ബാങ്ക് അക്കൗണ്ടും പണവും, നല്ല റോഡുകളും ഒക്കെയാണ് മോദി ആഗ്രപിക്കുന്നത്, അതുതന്നെയാണ് ക്രിസ്തുവും ആഗ്രഹിച്ചിരുന്നത് എന്നാണ് കണ്ണന്താനും പറയുന്നത്. ക്രിസ്തും അഴിമതിക്കെതിരേയും അസമത്വത്തിനെതിരേയും പോരാടി. മോദിയും ചെയ്യുന്നത് അതാണ് എന്നാണ് വാദം.

English summary

Narendra Modi has the same dream what Jesus Christ had, says Alphons Kannanthanam.