ദേശീയപാത ഉദ്ഘാടനം ബഹിഷ്കരിക്കാന് സംസ്ഥാന സര്ക്കാര്; ജനകീയ ഉദ്ഘാടനത്തിന് ആഹ്വാനം
കോഴിക്കോട്: ദേശീയപാത 66 ന്റെ ഉദ്ഘാടന ചടങ്ങ് സംസ്ഥാന സര്ക്കാര് ബഹിഷ്കരിച്ചേക്കും. ദേശീയപാത ഉദ്ഘാടന ചടങ്ങില് പൊതുമരാമത്ത് മന്ത്രി മുഹമ്മദ് റിയാസിനെ ഒഴിവാക്കുകയും ബി ജെ പി സംസ്ഥാന അധ്യക്ഷന് രാജീവ് ചന്ദ്രശേഖറിനെ ഉള്പ്പെടുത്തുകയും ചെയ്തിരുന്നു. ഇതിന് പിന്നാലെയാണ് സംസ്ഥാന സര്ക്കാര് ചടങ്ങ് ബഹിഷ്കരിക്കാനുള്ള നീക്കം നടത്തുന്നത്.
മുഖ്യമന്ത്രിയും ക്ഷണം ലഭിച്ച രണ്ട് മന്ത്രിമാരും പ്രധാനമന്ത്രിയുടെ ചടങ്ങില് പങ്കെടുക്കില്ല. മാത്രമല്ല സമാന്തരമായി ദേശീയപാത ഉദ്ഘാടനം സര്ക്കാര് നേതൃത്വത്തില് നടക്കുകയും ചെയ്യും. അതിനിടെ ഉദ്ഘാടന ചടങ്ങില് റിയാസിനെ ക്ഷണിക്കാത്തതില് പ്രതിഷേധിച്ച് കാസര്കോട് എംഎല്എ സിഎച്ച് കുഞ്ഞമ്പു ദേശീയപാത ഒന്നാം റീച്ച് ജനകീയമായി തുറന്ന് നല്കി. നുള്ളിപ്പാടിയിലായിരുന്നു സമാന്തര ഉദ്ഘാടനം.
കൊച്ചിയില് പ്രധാനമന്ത്രി ലാന്ഡ് ചെയ്യും മുന്പായിരുന്നു സമാന്തര ഉദ്ഘാടനം. അതേസമയം രാമനാട്ടുകര റീച്ചില് മുഹമ്മദ്് റിയാസിന്റെ നേതൃത്വത്തില് റോഡ് ഷോ നടത്തിയായിരിക്കും ജനകീയ ഉദ്ഘാടനം. മുഹമ്മദ് റിയാസിനെ ചടങ്ങിലേക്ക് ക്ഷണിക്കാത്തതിനെതിരെ പ്രതിപക്ഷവും രംഗത്തെത്തിയിട്ടുണ്ട്. തിരഞ്ഞെടുപ്പ് മുന്നില് കണ്ടുള്ള നാടകമാണിത് എന്നും റിയാസിനെ ചടങ്ങിലേക്ക് ക്ഷണിക്കണമായിരുന്നു എന്നും മുന് പ്രതിപക്ഷ നേതാവ് രമേശ് ചെന്നിത്തല പറഞ്ഞു.
റിയാസിനെ ഒഴിവാക്കിയത് ചീപ്പായിപ്പോയി എന്നായിരുന്നു മുസ്ലീം ലീഗ് നേതാവ് പികെ കുഞ്ഞാലിക്കുട്ടിയുടെ പ്രതികരണം. ദേശീയപാത വികസനത്തിന്റെ ആദ്യഘട്ട റീച്ചിന്റെ ഉദ്ഘാടന ചടങ്ങില് നിന്ന് പൊതുമരാമത്ത് വകുപ്പ് മന്ത്രിയെ ഒഴിവാക്കിയത് രാഷ്ട്രീയ പകപോക്കലാണ് എന്ന് സിപിഎമ്മും പ്രതികരിച്ചു. കേന്ദ്ര സര്ക്കാരിന്റെ ഈ നിലപാടിനെതിരെ ജനകീയ ഉദ്ഘാടനം ഉള്പ്പെടെയുള്ള പരിപാടികള് പ്രദേശത്ത് സംഘടിപ്പിക്കും എന്ന് സിപിഎം വ്യക്തമാക്കി.
പ്രധാനമന്ത്രി ഉദ്ഘാടനം ചെയ്യുന്ന ചടങ്ങില് നിന്ന് ഔദ്യോഗികമായി മന്ത്രിയെ മാറ്റിനിര്ത്തിയ ശേഷം അതിനു പകരം പരിപാടിയില് ഉള്പ്പെടുത്തിയിരിക്കുന്നത് ദേശീയപാത വികസനവുമായി യാതൊരു ബന്ധവുമില്ലാത്ത ബിജെപി സംസ്ഥാന അധ്യക്ഷനെയാണ് എന്നും സിപിഎം ചൂണ്ടിക്കാട്ടി. സംസ്ഥാനത്തെ ദേശീയപാത വികസന പ്രവര്ത്തനങ്ങളുടെ നോഡല് ഓഫീസായി പ്രവര്ത്തിക്കുന്നത് പൊതുമരാമത്ത് വകുപ്പാണ്.
പദ്ധതി യാഥാര്ത്ഥ്യമാക്കുന്നതിനായി 5500 കോടി രൂപയാണ് സംസ്ഥാന സര്ക്കാര് ചെലവാക്കിയത്. ഇത്രയധികം തുക വിഹിതമായി നല്കുകയും പദ്ധതിയുടെ നോഡല് ഏജന്സിയായി പ്രവര്ത്തിക്കുകയും ചെയ്യുന്ന സംസ്ഥാന സര്ക്കാരിന്റെ പ്രതിനിധിയെ ഒഴിവാക്കിയത് അംഗീകരിക്കാനാകില്ല എന്നാണ് സിപിഎം നിലപാട്.
കേന്ദ്രമന്ത്രിമാരായ നിതിന് ഗഡ്കരി, ഹര്ദീപ് സിങ് പുരി, പ്രഹ്ളാദ് വെങ്കടേഷ് ജോഷി, അശ്വിനി വൈഷ്ണവ്, ശിവരാജ് സിങ് ചൗഹാന്, അജയ് തംത, ഹര്ഷ് മല്ഹോത്ര, കമലേഷ് പസ്വാന്, ഡോ. ചന്ദ്രശേഖര് പൈമ്മസാനി, സുരേഷ് ഗോപി, ശ്രീപാദ് യെസ്സോ നായിക്, വി സോമണ്ണ, രവ്നീത് സിംഗ്, ജോര്ജ് കുര്യന് എന്നിവരും സംസ്ഥാന ഗവര്ണര് രാജേന്ദ്ര വിശ്വനാഥ് അര്ലേക്കര്, മുഖ്യമന്ത്രി പിണറായി വിജയന്, മന്ത്രിമാരായ കെ കൃഷ്ണന്കുട്ടി, എം ബി രാജേഷ് എന്നിവര്ക്കാണ് പ്രധാനമന്ത്രിയുടെ പരിപാടിയിലേക്ക് ക്ഷണമുള്ളത്.
എംപിമാരായ ബെന്നി ബെഹനാന്, ഹൈബി ഈഡന്, ഉമ തോമസ് എംഎല്എ എന്നിവര്ക്കും കൊച്ചിയില് വെച്ച് നടക്കുന്ന പരിപാടിയിലേക്ക് ക്ഷണമുണ്ട്. മുന് കേന്ദ്രസഹമന്ത്രി എന്ന പേരിലാണ് ബിജെപി സംസ്ഥാന അധ്യക്ഷന് രാജീവ് ചന്ദ്രശേഖറിനെ പരിപാടിയില് ഉള്പ്പെടുത്തിയത്.
-
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല്
Click it and Unblock the Notifications
Sign in with Google