വെങ്ങളം-രാമനാട്ടുകര ബൈപ്പാസിലെ ടോള് പിരിവ് ആരംഭിക്കുന്നു; ഇന്ന് ട്രയല് റണ്
കോഴിക്കോട്: ദേശീയപാത 66 ലെ വെങ്ങളം - രാമനാട്ടുകര റീച്ചിലെ പന്തീരാങ്കാവ് സ്ഥാപിച്ച ടോള് പ്ലാസയില് ടോള് പിരിവിന്റെ ട്രയല് റണ് ഇന്ന്. ട്രയല് റണ് സമയത്ത് വാഹനങ്ങളില് നിന്ന് ട്രോള് ഈടാക്കില്ല. മാത്രമല്ല ട്രയല് റണ്ണിന് ശേഷവും കുറച്ചു ദിവസം കൂടി പണമീടാക്കാതെ ടോള് സംവിധാനങ്ങളുടെ പ്രവര്ത്തനക്ഷമത പരിശോധിക്കും. ജനുവരി 15 മുതല് ടോള് പിരിവ് ആരംഭിച്ചേക്കും എന്നാണ് വിവരം.
ടോള് പ്ലാസയുടെ കാര്യക്ഷമത വിലയിരുത്തിയ ശേഷമേ ടോള് പിരിവ് ആരംഭിക്കൂ. ഇതിന് മുന്നോടിയായി വിജ്ഞാപനം പുറത്തിറക്കും. അടുത്തയാഴ്ച തന്നെ വിജ്ഞാപനം ഉണ്ടാകും എന്നാണ് വിവരം. ടോള് പ്ലാസയിലെ സംവിധാനങ്ങളുടേയും ടോള് പിരിവിന്റേയും കൃത്യതയും കാര്യക്ഷമതയും പരിശോധിക്കാനാണ് ട്രയല് റണ് നടത്തുന്നത്. നേരത്തെ വിവിധ വാഹനങ്ങള്ക്കുളള ടോള് നിരക്കുകള് ദേശീയ പാത അതോറിറ്റി പുറത്തുവിട്ടിരുന്നു.
എന്നാല് സര്വീസ് റോഡുകളും ടോള് പ്ലാസയ്ക്ക് സമീപമുള്ള ചിലയിടങ്ങളിലും നിര്മാണം പൂര്ത്തിയായിട്ടില്ല. അനുബന്ധ സൗകര്യങ്ങള് ഒരുക്കാതെ ടോള് പിരിവ് ആരംഭിക്കാനുള്ള നീക്കത്തില് നാട്ടുകാരും യാത്രക്കാരും പ്രതിഷേധിക്കും എന്ന് അറിയിച്ചിരുന്നു. ജനുവരി ഒന്നിന് ടോള് പിരിവ് ആരംഭിക്കും എന്ന തരത്തിലായിരുന്നു വാര്ത്തകള് വന്നിരുന്നത്. എന്നാല് അതിന് മുന്പ് ട്രയല് റണ് പൂര്ത്തിയാക്കാനായില്ല.
അതേസമയം ടോള് പ്ലാസയുടെ 20 കിലോമീറ്റര് പരിധിയില് സ്ഥിരം താമസക്കാരായവര് ബന്ധപ്പെട്ട രേഖകള് നല്കിയാല് കാര് അടക്കമുളള ലൈറ്റ് മോട്ടര് വാഹനങ്ങള്ക്ക് പാസ് നല്കും. പ്രതിമാസം 340 രൂപയാണ് പാസിന്റെ നിരക്ക്. പാസ് ഉള്ളവര്ക്ക് മാസത്തില് എത്ര തവണമെങ്കിലും ടോള് പ്ലാസയിലൂടെ കടന്നുപോകാം. നാഷണല് പെര്മിറ്റ് അല്ലാത്ത കോഴിക്കോട് ജില്ലയില് രജിസ്റ്റര് ചെയ്ത കൊമേഴ്സ്യല് വാഹനങ്ങള്ക്കും ഇളവ് ലഭിക്കും.
കാര്, ജീപ്പ്, വാന്, ലൈറ്റ് മോട്ടര് വെഹിക്കിള് എന്നിവയ്ക്ക് ഒരു വശത്തേക്ക് 90 രൂപയും ഇരുവശത്തേക്കും 135 രൂപയും ആണ് ടോള്. ഈ വാഹനങ്ങള്ക്ക് പ്രതിമാസ നിരക്ക് 2975 രൂപയാണ്. 2021 ആഗസ്റ്റ് 15 നായിരുന്നു വെങ്ങളം രാമനാട്ടുകര റീച്ചിന്റെ നിര്മാണം ആരംഭിച്ചത്. 28.4 കിലോ മീറ്റര് ആണ് ഈ റീച്ചിന്റെ നീളം. റോഡിന്റെ 90 ശതമാനത്തോളം നിര്മാണം പൂര്ത്തിയായിട്ടുണ്ട്.
വെങ്ങളം, പൂളാടിക്കുന്ന്, തൊണ്ടയാട്, ഹൈലൈറ്റ് മാള്, പന്തീരാങ്കാവ്, അഴിഞ്ഞിലം, രാമനാട്ടുകര എന്നിങ്ങനെ ഏഴ് ഫ്ളൈ ഓവറുകളാണ് ഈ റീച്ചിലുള്ളത്. അതിനാല് സംസ്ഥാനത്തെ ദേശീയപാത ബൈപാസ് നിര്മാണത്തിലെ ഏറ്റവും ഉയര്ന്ന നിരക്കായ കിലോ മീറ്ററിന് 63 കോടിയിലധികം രൂപ എന്ന നിരക്കിലാണ് നിര്മാണം പൂര്ത്തിയാക്കിയത്. 1700 കോടിയോളം രൂപ ചെലവിട്ടാണ് ഈ റീച്ചിന്റെ നിര്മാണം പൂര്ത്തിയായത്.
മഹാരാഷ്ട്ര ആസ്ഥാനമായുളള ഹുലെ കണ്സ്ട്രക്ഷന്സ് പ്രൈവറ്റ് ലിമിറ്റഡ് ആണ് പന്തീരാങ്കാവ് ടോള് പ്ലാസയില് മൂന്ന് മാസത്തേക്ക് ടോള് പിരിവ് നടത്തുക. തുടര്ന്ന് പുതിയ ടെന്ഡര് ക്ഷണിച്ച ശേഷമാകും ടോള് പിരിവ്.
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ... -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി
Click it and Unblock the Notifications
Sign in with Google