8 ആശുപത്രികള്ക്ക് കൂടി ദേശീയ ഗുണനിലവാര അംഗീകാരം, അര്ബന് പ്രൈമറി ഹെല്ത്ത് വിഭാഗത്തിലും കേരളം ഒന്നാമത്
തിരുവനന്തപുരം: സംസ്ഥാനത്തെ 8 ആശുപത്രികള്ക്ക് കൂടി നാഷണല് ക്വാളിറ്റി അഷ്വറന്സ് സ്റ്റാന്റേര്ഡ് (എന്.ക്യൂ.എ.എസ്) അംഗീകാരം ലഭിച്ചതായി കേന്ദ്ര ആരോഗ്യ മന്ത്രാലയം സംസ്ഥാന ആരോഗ്യ വകുപ്പിനെ അറിയിച്ചു.
എറണാകുളം തമ്മനം അര്ബന് പ്രൈമറി ഹെല്ത്ത് സെന്റര് (സ്കോര് 89.29 ശതമാനം), തൃശൂര് പറവട്ടാനി അര്ബന് പ്രൈമറി ഹെല്ത്ത് സെന്റര് (സ്കോര് 86.16), തൃശൂര് വി.ആര്. പുരം അര്ബന് പ്രൈമറി ഹെല്ത്ത് സെന്റര് (സ്കോര് 88.2), തൃശൂര് കേച്ചേരി അര്ബന് പ്രൈമറി ഹെല്ത്ത് സെന്റര് (സ്കോര് 91.26), പാലക്കാട് കടമ്പഴിപുരം സാമൂഹ്യാരോഗ്യ കേന്ദ്രം (സ്കോര് 87.35), കാസര്ഗോഡ് പുളിങ്കുന്ന് അര്ബന് പ്രൈമറി ഹെല്ത്ത് സെന്റര് (സ്കോര് 94.2), കാസര്ഗോഡ് എണ്ണപ്പാറ പ്രാഥമികാരോഗ്യ കേന്ദ്രം (സ്കോര് 89.3), ആലപ്പുഴ മുള്ളത്തുവളപ്പ് അര്ബന് പ്രൈമറി ഹെല്ത്ത് സെന്റര് (സ്കോര് 83.63) എന്നീ കേന്ദ്രങ്ങള്ക്കാണ് ഇപ്പോള് ദേശീയ ഗുണനിലവാര അംഗീകാരമായ എന്.ക്യൂ.എ.എസ്. ബഹുമതി ലഭിച്ചത്. ഇതോടെ അര്ബന് പ്രൈമറി ഹെല്ത്ത് സെന്റര് വിഭാഗത്തില് ഏറ്റവും കൂടുതല് എന്.ക്യു.എ.എസ്. അംഗീകാരം ലഭിക്കുന്ന സംസ്ഥാനമായി (18 കേന്ദ്രങ്ങള്) കേരളം മാറി.
ഇതോടുകൂടി ആകെ സംസ്ഥാനത്തെ 101 ആരോഗ്യ സ്ഥാപനങ്ങള്ക്കാണ് എന്.ക്യു.എ.എസ് അംഗീകാരം നേടിയെടുക്കാനായത്. 3 ജില്ലാ ആശുപത്രികള്, 4 താലൂക്ക് ആശുപത്രികള്, 6 സാമൂഹികാരോഗ്യ കേന്ദ്രങ്ങള്, 18 അര്ബന് പ്രൈമറി ഹെല്ത്ത് സെന്റര്, 70 കുടുംബാരോഗ്യ കേന്ദ്രങ്ങള് എന്നിങ്ങനെയാണ് എന്.ക്യു.എ.എസ് അംഗീകാരം നേടിയിട്ടുള്ളത്. 10 ആശുപത്രികളുടെ ഫലം കൂടി വരാനുണ്ട്.
രാജ്യത്തെ മികച്ച പ്രാഥമികാരോഗ്യ കേന്ദ്രങ്ങളില് ആദ്യത്തെ 12 സ്ഥാനവും കേരളം ഇപ്പോഴും നിലനിര്ത്തുകയാണ്. തിരുവനന്തപുരം ഒറ്റശേഖരമംഗലം പൂഴനാട് കുടുംബാരോഗ്യ കേന്ദ്രവും കാസര്ഗോഡ് കയ്യൂര് രക്തസാക്ഷി സ്മാരക കുടുംബാരോഗ്യ കേന്ദ്രവും 99 ശതമാനം സ്കോര് കരസ്ഥമാക്കി ഇന്ത്യയില് തന്നെ ഒന്നാം സ്ഥാനത്താണ്.
Recommended Video
നാഗ്പൂരില് ഏഴു ദിവസത്തേക്ക് ലോക്ക്ഡൗണ്, ചിത്രങ്ങള് കാണാം
സര്വീസ് പ്രൊവിഷന്, പേഷ്യന്റ് റൈറ്റ്, ഇന്പുട്സ്, സപ്പോര്ട്ടീവ് സര്വീസസ്, ക്ലിനിക്കല് സര്വീസസ്, ഇന്ഫെക്ഷന് കണ്ട്രോള്, ക്വാളിറ്റി മാനേജ്മെന്റ്, ഔട്ട് കം, എന്നീ 8 വിഭാഗങ്ങളായി 6500 ഓളം ചെക്ക് പോയിന്റുകള് വിലയിരുത്തിയാണ് എന്.ക്യു.എ.എസ് അംഗീകാരം നല്കുന്നത്. ജില്ലാതല പരിശോധന സംസ്ഥാനതല പരിശോധന എന്നിവയ്ക്ക് ശേഷം എന്.എച്ച്.എസ്.ആര്.സി നിയമിക്കുന്ന ദേശീയതല പരിശോധകര് നടത്തുന്ന പരിശോധനകള്ക്ക് ശേഷമാണ് ആശുപത്രികളുടെ ഗുണനിലവാര മാനദണ്ഡം ഉറപ്പാക്കുന്നത്. ഇവയില് ഓരോ വിഭാഗത്തിലും 70 ശതമാനത്തില് കൂടുതല് മാര്ക്ക് നേടുന്ന സ്ഥാപനങ്ങള്ക്ക് ഭാരത സര്ക്കാര് എന്.ക്യു.എ.എസ് അംഗീകാരം നല്കുന്നത്. എന്.ക്യു.എ.എസ് അംഗീകാരത്തിന് 3 വര്ഷകാലാവധിയാണുളളത്. 3 വര്ഷത്തിന് ശേഷം ദേശീയതല സംഘത്തിന്റെ പുന:പരിശോധന ഉണ്ടാകും. എന്.ക്യു.എ.എസ് അംഗീകാരം ലഭിക്കുന്ന പി.എച്ച്.സി.കള്ക്ക് 2 ലക്ഷം രൂപാ വീതവും മറ്റ് ആശുപത്രികള്ക്ക് ഒരു കിടക്കയ്ക്ക് 10,000 രൂപ എന്ന നിലയിലും വാര്ഷിക ഇന്സറ്റീവ്സ് ലഭിക്കും. ആശുപത്രിയുടെ കൂടുതല് വികസനത്തിന് ഇത് സഹായിക്കും.
ഞെട്ടിച്ച് ജാക്വലിൻ- ഏറ്റവും പുതിയ ചിത്രങ്ങൾ കാണാം
Click it and Unblock the Notifications
Sign in with Google