നെടുമ്പാശ്ശേരിയില് പുതിയ റെയില്വേ സ്റ്റേഷന്; വിമാനത്താവളത്തിലേക്ക് നേരിട്ട് പ്രവേശനം: നിർമ്മാണം ഉടന്
സംസ്ഥാനത്ത് പുതിയ ഒരു റെയില്വേ സ്റ്റേഷന് കൂടി വരുന്നു. എറണാകുളം ജില്ലയില് നെടുമ്പാശ്ശേരിയിലാണ് പുതിയ സ്റ്റേഷന് വരുന്നത്. ഇതോടെ കേരളത്തില് സമീപത്ത് റെയില്വേ സ്റ്റേഷനുള്ള ഏക വിമാനത്താവളമായും നെടുമ്പാശ്ശേരി മാറും. ട്രെയിന് ഇറങ്ങി ടാക്സികളൊന്നും വിളിക്കാതെ തന്നെ നേരെ വിമാനത്താവളത്തിലേക്ക് എത്തുന്ന തരത്തിലുള്ള സജ്ജീകരണങ്ങളും പുതിയ റെയില്വേ സ്റ്റേഷനിലുണ്ടാകും.
നെടുമ്പാശ്ശേരി എയർപോർട്ട് റെയിൽവേ സ്റ്റേഷൻ നിർമാണം ഉടൻ ആരംഭിക്കുന്നതിനുള്ള നടപടികൾ സ്വീകരിക്കുമെന്ന് കേന്ദ്ര സഹമന്ത്രി ജോർജ് കുര്യന് വ്യക്തമാക്കി. റെയിൽവേ മന്ത്രി അശ്വിനി വൈഷ്ണവ് ഇക്കാര്യത്തില് ഉറപ്പ് നല്കിയതായും അദ്ദേഹം പറഞ്ഞു. 'എയർപോർട്ട് യാത്രക്കാരുടെ ചിരകാല സ്വപ്നമായ നെടുമ്പാശ്ശേരി എയർപോർട്ട് റെയിൽവേ സ്റ്റേഷൻ പദ്ധതിയുടെ നിർമ്മാണം ഉടൻ ആരംഭിക്കുന്നതിനുള്ള നടപടികൾ സ്വീകരിക്കുമെന്ന് റെയിൽവേ മന്ത്രി ശ്രീ അശ്വിനി വൈഷ്ണവ് ഉറപ്പു നൽകി.' ജോർജ് കുര്യന് പറഞ്ഞു.
കഴിഞ്ഞ കൊല്ലം വിൻഡോ-ട്രെയിലിങ് ഇൻസ്പെക്ഷൻ നടത്തിയപ്പോൾ റയിൽവേ മന്ത്രി തന്നെയാണ് ഉദ്യോഗസ്ഥർക് സ്റ്റേഷന്റെ സ്ഥാനവും മറ്റും കാണിച്ചുകൊടുത്തത്. ജോർജ് കുര്യൻ റെയിൽവേ മന്ത്രിക്ക് ഒപ്പം ഇൻസ്പെക്ഷനിൽ പങ്കെടുത്തിരുന്നു. സാധാരണ യാത്രക്കാരുടെ ക്ലേശം പരിഹരിക്കാനായി MEMU ട്രെയിനുകൾക് നവംബര് മുതൽ കോച്ചുകൾ വർധിപ്പിക്കുമെന്നു അശ്വിനി വൈഷ്ണവ് അറിയിച്ചിട്ടുണ്ട്.
യാത്രക്കാരുടെ സൗകര്യാർത്ഥം വിവിധ ട്രെയിനുകൾക്കു സ്റ്റോപ്പ് അനുവദിക്കുന്ന കാര്യം അനുഭാവപൂർവം പരിഗണിക്കാമെന്ന് അശ്വിനി വൈഷ്ണവ് കേരളത്തില് നിന്നുള്ള കേന്ദ്ര മന്ത്രിക്ക് വാക്കുനല്കി.
തിരുവനന്തപുരം നോർത്ത് - എസ്.എം.വി.ടി. ബംഗളൂരു ഹംസഫർ എക്സ്പ്രസ് (16319/16320) നു കായംകുളം സ്റ്റേഷനിലും നിലമ്പൂർ - തിരുവനന്തപുരം നോർത്ത് രാജ്യരാണി എക്സ്പ്രസ് (16350) നു കരുനാഗപ്പള്ളി സ്റ്റേഷനിലും സ്റ്റോപ്പനുവദിച്ച കേന്ദ്ര റെയില് വേ വകുപ്പ് മന്ത്രി നന്ദി അറിയിക്കുന്നതായും ജോർജ് കുര്യന് പറഞ്ഞു. ഈ തീരുമാനം ഈ പ്രദേശങ്ങളിലെ ജനങ്ങളുടെ റെയിൽ യാത്ര സുഗമമാക്കുമെന്നും അദ്ദേഹം കൂട്ടിച്ചേർത്തു.
അതേസമയം, കാഞ്ഞങ്ങാട് റെയിൽവേ സ്റ്റേഷനിൽ കോടികളുടെ വികസന പ്രവൃത്തികൾക്ക് തുടക്കം കുറിച്ചു. ഏകദേശം 14 കോടിയുടെ വികസന പ്രവൃത്തികളാണ് കാസർകോട് ജില്ലയിലെ പ്രധാന റെയിൽവേ സ്റ്റേഷനിൽ നടക്കുന്നത്. സ്റ്റേഷന്റെ മുൻവശത്ത് മനോഹരമായ പോർച്ച്, ടിക്കറ്റ് കൗണ്ടറിന്റെ പുനർനിർമാണം എന്നിവയും തുടങ്ങി കഴിഞ്ഞു.
-
സ്വർണ വില ഗ്രാമിന് 6000 വരെ ആകണമെന്ന് വ്യാപാരികൾ; വില കുറയാൻ ആഗ്രഹിക്കുന്നത് ഇക്കാര്യം കൊണ്ടെന്ന് -
അധികാരസ്ഥാനങ്ങളില് എത്തിച്ചേരും, സുഹൃത്തുക്കളുമായി അകലും, അവിചാരിതമായ ആപത്തുകള്, വാരഫലം -
സ്വർണ വില താഴേക്ക് തന്നെ; പവൻ വില കേരളത്തിൽ 17,000 രൂപയെങ്കിലും ഇടിയും..പുതിയ പ്രവചനങ്ങൾ ഇങ്ങനെ -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
സ്വർണം വിറ്റ് കൂട്ടുന്ന കേന്ദ്രബാങ്കുകൾ..ഇനിയും സ്വർണ വില താഴേക്ക് പോകുമോ? വില ഇനി ഉയരണമെങ്കിൽ.. -
സ്വർണക്കുതിപ്പ് തത്കാലത്തേക്ക് അവസാനിച്ചു; ഇനി ഇടിഞ്ഞ് താഴോട്ട്, ഗ്രാം വില 11000 ആയി കുറയും? -
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
വൈപ്പിൻകാരുടെ ചിരകാല സ്വപ്നം; തീരദേശ പാത വൈകുന്നു, അഴിക്കോട്-മുനമ്പം പാലം വന്നാൽ ഗതാഗത കുരുക്കേറും -
സ്വര്ണവില 27000 രൂപ കുറഞ്ഞു; പിന്നീട് സംഭവിച്ചത് അപ്രതീക്ഷിതം, രാത്രി പോലും വില കുതിച്ച വാരം -
സ്വർണ വില 75000ത്തിലേക്ക് എത്തുമെന്നാണോ പ്രതീക്ഷ? ശുദ്ധ മണ്ടത്തരം..ഇപ്പോൾ വാങ്ങിയാൽ ലക്ഷപ്രഭു -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്' -
ഇടവം രാശി: പദ്ധതികൾ തയ്യാറാക്കാൻ ഇന്ന് നല്ല ദിവസം, മുടങ്ങിക്കിടന്ന പല കാര്യങ്ങളും വീണ്ടും ആരംഭിക്കും
Click it and Unblock the Notifications
Sign in with Google