ബാലു ഓർമയായ ദിവസം അമ്മത്തൊട്ടിലിൽ പുതിയ അതിഥിയെത്തി, ബാലഭാസ്കർ
Recommended Video
തിരുവനന്തപുരം: നികത്താനാകാത്തൊരിടം സംഗീത ലോകത്ത് ഒഴിച്ചിട്ടാണ് വയലിൻ മാന്ത്രികൻ ബാലഭാസ്കർ വിടവാങ്ങിയത്. മകൾ തേജസ്വിനിക്ക് പിന്നാലെ ബാലഭാസ്കറും യാത്രയാകുകയായിരുന്നു. പ്രിയതമന്റെയും മകളുടെയും വേർപാടറിയാതെ ലക്ഷ്മി ഇപ്പോഴും ചികിത്സയിലാണ്.
ബാലഭാസ്കർ ഓർമയായ ദിവസം മറ്റൊരു കുഞ്ഞു ബാലഭാസ്കർ പിറന്നു. അതേ ദിവസം തിരുവനന്തപുരത്തെ അമ്മത്തൊട്ടിലിൽ എത്തിയ കുഞ്ഞതിഥിക്ക് പേരു നൽകാൻ രണ്ടാമതൊന്നാലോചിക്കേണ്ടി വന്നില്ല അധികൃതർക്ക്.
അതിഥി
അമ്മത്തൊട്ടിലിലെ മണികൾ കിലുങ്ങിയപ്പോൾ ഓടിയെത്തിയ അധികൃതർ കണ്ടത് മൂന്ന് ദിവസം മാത്രം പ്രായമുള്ള ഒരു പിഞ്ചോമനെയായാണ്. ബാലഭാസ്കർ ഓർമയായ രാത്രിയാണ് പുതിയ അതിഥി എത്തുന്നത്. കുഞ്ഞിന് എന്ത് പേരു നൽകണമെന്ന് രണ്ടാമതൊന്ന് ആലോചിക്കേണ്ടി വന്നില്ല ശിശുക്ഷേമസമിതി ഭാരവാഹികൾക്ക്.
ബാലഭാസ്കർ
ശിശുക്ഷേമ സമിതി ജനറൽ സെക്രട്ടറിയായ എസ് പി ദീപക്കാണ് പിഞ്ചോമനയെ കയ്യിലെടുത്ത് ആദ്യമായി ബാലഭാസ്കർ എന്ന് വിളിച്ചത്. ബാലഭാസ്കറിന്റെ എല്ലാം എല്ലാമായിരുന്ന യൂണിവേഴ്സിറ്റി കോളേജിലെ മുൻ ചെയർമാർ കൂടിയായ ദീപക് ഈ പേരു നൽകിയത് ഒട്ടും ആകസ്മീകമായല്ല.
അമ്മത്തൊട്ടിൽ
അമ്മത്തൊട്ടിൽ വഴി ലഭിക്കുന്ന 251ാമത്തെ കുട്ടിയാണ് ബാലഭാസ്കർ. 126ാമത്തെ ആൺകുഞ്ഞും. മലപ്പുറം, തിരുവനന്തപുരം എന്നീ ദത്തെടുക്കൽ കേന്ദ്രങ്ങലായി നിലവിൽ 108 കുരുന്നുകൾ പരിചരണത്തിലുണ്ട്. കുഞ്ഞുങ്ങളെ വളർത്താൻ കഴിയാത്ത സാഹചര്യത്തിൽ കുപ്പത്തൊട്ടികളിലും മറ്റും ഉപേക്ഷിക്കുന്നത് തടയാൻ വേണ്ടിയാണ് അമ്മത്തൊട്ടിൽ സ്ഥാപിച്ചത്. മാതാപിതാക്കളുടെ യാതൊരു വിവരവും നൽകാതെ തന്നെ അമ്മത്തൊട്ടിലിൽ ലഭിക്കുന്ന കുഞ്ഞുങ്ങളെ ശിശുക്ഷേമ സമിതി ഏറ്റെടുക്കും.
ഇനി ഓർമ
സെപ്റ്റംബർ 25ാം തീയതിയാണ് ബാലഭാസകറും കുടുംബവും സഞ്ചരിച്ചിരുന്ന ഇന്നോവാ കാർ അപകടത്തിൽപെടുന്നത്. നിയന്ത്രണം വിട്ട കാർ മരത്തിലിടിച്ചായിരുന്നു അപകടം. ഡ്രൈവർ ഉറങ്ങിപ്പോയതാണ് അപകടകാരണം. അപകട സ്ഥലത്ത് വെച്ച് തന്നെ ബാലഭാസ്കറുടെ മകൾ തേജസ്വിനി മരിച്ചിരുന്നു. പതിനാറ് വർഷം കാത്തിരുന്ന് കിട്ടിയ കൺമണിക്ക് പിന്നാലെ ബാലഭാസ്കറും വിടവാങ്ങുകയായിരുന്നു.
ഒന്നുമറിയാതെ ലക്ഷ്മി
ബാലഭാസ്കറും തേജസ്വനിയും മരിച്ചതറിയാതെ ലക്ഷ്മി ഇപ്പോഴും ചികിത്സയിലാണ്. ലക്ഷ്മിയുടെ ആരോഗ്യനിലയിൽ പുരോഗതിയുണ്ടെന്നാണ് ആശുപത്രിവൃത്തങ്ങൾ അറിയിക്കുന്നത്. ലക്ഷ്മി ഇപ്പോഴും തീവ്രപരിചരണ വിഭാഗത്തിൽ ചികിത്സയിലാണ്. ബാലഭാസ്കറും തേജസ്വിനിയും ചികിത്സയിലാണെന്നാണ് ലക്ഷ്മിയെ അറിയിച്ചിരിക്കുന്നത്.
കേരളത്തിലെ ന്യൂനമര്ദ്ദം ചുഴലിക്കാറ്റായി മാറിയേക്കും: മുന്നറിയിപ്പുമായി കാലാവസ്ഥാ നിരീക്ഷണ കേന്ദ്രം
പളനിസാമിയെ പുറത്താക്കാന് പനീര്ശെല്വം.... ദിനകരനുമായി രഹസ്യ കൂടിക്കാഴ്ച്ച നടത്തിയതായി സൂചന!!