പുതിയ കൊവിഡ് വകഭേദം; വ്യാപനശേഷി കൂടുതല്, കേരളത്തില് പ്രതിരോധം ശക്തമാക്കി
തിരുവനന്തപുരം; ഇന്ത്യയില് പുതിയ ഒമിക്രോണ് വകഭേദം റിപ്പോര്ട്ട് ചെയ്തു. പൂനെയിലാണ് പുതിയ വകഭേദം കണ്ടെത്തിയത്. ഇതേ തുടര്ന്ന് രാജ്യത്ത് പരിശോധന കര്ശനമാക്കാന് ആരോഗ്യ മന്ത്രാലയം നിര്ദ്ദേശിച്ചിട്ടുണ്ട്. അമേരിക്കയിലും യൂറോപ്പിലും വ്യാപകമായ വകഭേദമാണ് ഇന്ത്യയിലും റിപ്പോര്ട്ട് ചെയ്തത്. പുതിയ വകഭേദം റിപ്പോര്ട്ട് ചെയ്ത സാഹചര്യത്തില് ആശങ്ക ഉയര്ന്നിട്ടുണ്ട്.
പുതിയ വകഭേദം റിപ്പോര്ട്ട് ചെയ്ത സാഹചര്യത്തില് കേരളത്തിലും പ്രതിരോധ പ്രവര്ത്തനങ്ങള് ശക്തമാക്കിയിട്ടുണ്ട്. ലോകത്തിന്റെ വിവിധ ഭാഗങ്ങളില് കോവിഡ് പുതിയ ജനിതക വകഭേദം (XBB, XBB1) റിപ്പോര്ട്ടു ചെയ്ത സാഹചര്യത്തില് പ്രതിരോധ പ്രവര്ത്തനങ്ങള് ശക്തമാക്കിയെന്നാണ് ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചത്. എല്ലാ ജില്ലകള്ക്കും നിര്ദേശം നല്കിയിട്ടുണ്ട്. ഇതുവരെയുള്ള കോവിഡ് വകഭേദങ്ങളില് നിന്നും വളരെ വ്യാപന ശേഷിയുള്ളതാണ് പുതിയ വകഭേദം. അതിനാല്തന്നെ പ്രതിരോധം കൂടുതല് ശക്തിപ്പെടുത്തുന്നതാണ്.
രോഗം ബാധിച്ചവരില് 1.8 ശതമാനം പേര്ക്ക് ആശുപത്രി ചികിത്സ ആവശ്യമായി വരാം. നിലവില് ആശങ്കപ്പെടേണ്ട യാതൊരു സാഹചര്യവുമില്ല. എങ്കിലും എല്ലാവരും ശ്രദ്ധിക്കേണ്ടതാണ്. സ്വയം പ്രതിരോധത്തിനായി എല്ലാവരും മാസ്ക് കൃത്യമായി ധരിക്കണം. പ്രായമായവരും അനുബന്ധ രോഗമുള്ളവരും മാസ്ക് നിര്ബന്ധമായും ധരിക്കണം. എയര്പോര്ട്ടിലും അടച്ചിട്ട സ്ഥലങ്ങളിലും മാസ്ക് ധരിക്കേണ്ടതാണെന്ന് മന്ത്രി അഭ്യര്ത്ഥിച്ചു.
ആരോഗ്യ വകുപ്പിന്റെ മുന്കരുതലുകളും ക്രമീകരണങ്ങളും വിലയിരുത്താന് മന്ത്രിയുടെ നേതൃത്വത്തില് ഉന്നതതല യോഗം വിളിച്ചു കൂട്ടി. സംസ്ഥാനത്ത് കോവിഡ് കേസുകള് പൊതുവേ കുറഞ്ഞു വരികയാണെന്ന് യോഗം വിലയിരുത്തി. കോവിഡ് കേസുകള് നിലവില് ആയിരത്തില് താഴെയാണ്. കോവിഡ് ജനിതക വകഭേദം ഉണ്ടായിട്ടുണ്ടോയെന്ന് പരിശോധിക്കാന് സ്ഥിരമായി സാമ്പിളുകള് അയച്ചു വരുന്നു. പുതിയ സാഹചര്യത്തില് കൂടുതല് സാമ്പിളുകള് ജനിതക വകഭേദത്തിനായി അയയ്ക്കും. ആശുപത്രി അഡ്മിഷന്, കിടക്കകള്, ഐസിയു ഉപയോഗം കൃത്യമായി എന്നിവ നിരീക്ഷിക്കാന് മന്ത്രി നിര്ദേശം നല്കി.
ഇന്ഫ്ളുവന്സ കേസുകളും കോവിഡും റിപ്പോര്ട്ടു ചെയ്യുന്ന സാഹചര്യത്തില് ഇന്ഫ്ളുവന്സയ്ക്ക് സമാനമായ രോഗലക്ഷണങ്ങളുമായി വരുന്നവര്ക്കുള്ള മാര്ഗനിര്ദേശങ്ങള് പുറത്തിറക്കുന്നതാണ്.
പ്രായമായവര്ക്കും അനുബന്ധ രോഗമുള്ളവര്ക്കും പുതിയ കോവിഡ് വകഭേദം ബാധിച്ചാല് ഗുരുതരമാകാന് സാധ്യതയുണ്ട്. അതിനാല് തന്നെ അവര് കൂടുതല് ശ്രദ്ധിക്കണം. പ്രായമായവരും ആരോഗ്യ പ്രവര്ത്തകരും അനുബന്ധ രോഗമുള്ളവരും നിര്ബന്ധമായും കരുതല് ഡോസ് എടുക്കേണ്ടതാണെന്ന് ആരോഗ്യമന്ത്രി അറിയിച്ചു.
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ
Click it and Unblock the Notifications
Sign in with Google