സംസ്ഥാനത്ത് പുതിയ ഡിസിസി അധ്യക്ഷന്മാരെ പ്രഖ്യാപിച്ചു; എല്ലാവരും പുതുമുഖങ്ങള്
തിരുവന്തപുരം: പൂര്ണമായും പുതുമുഖങ്ങള്ക്ക് മാത്രം പ്രാധാന്യം നല്കി സംസ്ഥാനത്തെ ഡിസിസി അധ്യക്ഷന്മാരെ കോണ്ഗ്രസ് ഹൈക്കമാന്ഡ് പ്രഖ്യാപിച്ചു. നിലവിലുള്ള പ്രസിഡന്റുമാരെ ആരെയും വീണ്ടും പരിഗണിച്ചില്ല. കോണ്ഗ്രസ് നേതാക്കളായ ഉമ്മന്ചാണ്ടി, രമേശ് ചെന്നിത്തല, വി.എം സുധീരന് എന്നിവരുമായി ഹൈക്കമാന്ഡ് നേരത്തെ ചര്ച്ച നടത്തിയിരുന്നു. ബിന്ദുകൃഷ്ണയാണ് പട്ടികയില് ഉള്പ്പെട്ട ഏക വനിത.
നെയ്യാറ്റിന്കര സനല് (തിരുവനന്തപുരം), ബിന്ദു കൃഷ്ണ (കൊല്ലം), എം ലിജു (ആലപ്പുഴ), ബാബു ജോര്ജ് (പത്തനംതിട്ട), ഇബ്രാഹിംകുട്ടി കല്ലാര് (ഇടുക്കി), ജോഷി ഫിലിപ്പ് (കോട്ടയം), ടി.ജെ വിനോദ് (എറണാകുളം), ടി.എന് പ്രതാപന് (തൃശ്ശൂര്), വി.കെ ശ്രീകണ്ഠന് (പാലക്കാട്), വി വി പ്രകാശ് (മലപ്പുറം), ടി സിദ്ദിഖ് (കോഴിക്കോട്), ഐ.സി ബാലകൃഷ്ണന് (വയനാട്), സതീശന് പാച്ചേനി (കണ്ണൂര്), ഹക്കീം കുന്നില് (കാസര്കോട്).
ഗ്രൂപ്പിന് പ്രാധാന്യം നല്കാതെയാണ് പട്ടിക പ്രഖ്യാപിച്ചിരിക്കുന്നതെങ്കിലും ഐ ഗ്രൂപ്പിനാണ് പ്രാതിനിധ്യം കിട്ടിയിരിക്കുന്നത്. നാല് ഡിസിസി പ്രസിഡന്റുമാര് മാത്രമാണ് എ ഗ്രൂപ്പിനുള്ളത്. രാഹുല് ഗാന്ധിയുടെ പ്രത്യേക താത്പര്യപ്രകാരം യുവാക്കള്ക്ക് പ്രാധാന്യം നല്കുകയായിരുന്നു. പട്ടികയ്ക്കെതിരെ ഇതുവരെ കോണ്ഗ്രസ് നേതാക്കളൊന്നും പ്രതികരിച്ചിട്ടില്ല.