അപ്പുണ്ണിയില്‍ നിന്നും ലഭിച്ചത് സുപ്രധാന വിവരങ്ങള്‍..കാവ്യയെ മാത്രമല്ല ബന്ധുക്കളെയും ചോദ്യം ചെയ്യും

അപ്പുണ്ണിയുടെ മൊഴിയെടുത്തതിന് പിന്നാലെ നിര്‍ണ്ണായക നീക്കങ്ങളുമായി അന്വേഷണ സംഘം.

കൊച്ചി : നടി ആക്രമിക്കപ്പെട്ട കേസുമായി ബന്ധപ്പെട്ട് അറസ്റ്റിലായ ദിലീപിന്റെ ഡ്രൈവറും മനസാക്ഷി സൂക്ഷിപ്പുകാരനുമായ അപ്പുണ്ണി എന്ന സുനില്‍രാജ് തിങ്കളാഴ്ചയാണ് അന്വേഷണ സംഘത്തിനു മുന്നില്‍ ഹാജരായത്. ദിലീപ് അറസ്റ്റിലായതിന് ശേഷം നാളുകളേറെയായിട്ടും കീഴടങ്ങാതിരുന്നതിന് പിന്നില്‍ താരത്തിന് ജാമ്യം ലഭിക്കുമെന്ന പ്രതീക്ഷയായിരുന്നുവെന്ന് അപ്പുണ്ണി വ്യക്തമാക്കിയിരുന്നു. അപ്പുണ്ണിയിലേക്ക് എത്താനായിരുന്നു അന്വേഷണം സംഘം ശ്രമിച്ചു കൊണ്ടിരുന്നത്. നടി ആക്രമിക്കപ്പെട്ട കേസിലെ നിര്‍ണ്ണയാക നീക്കമായിരുന്നു ഇത്.

നാടകീയമായാണ് അപ്പുണ്ണി എത്തിയത്. സഹോദരനായ ഷിബുവാണ് അന്വേഷണ സംഘത്തിനു മുന്നിലേക്ക് ആദ്യം എത്തിയത്. പിന്നാലെ അപ്പുണ്ണിയുമെത്തി. ആറു മണിക്കൂറോളം നീണ്ടു നിന്ന ചോദ്യം ചെയ്യലിനു ശേഷം അപ്പുണ്ണിയെ പോലീസ് വിട്ടയച്ചു. ആവശ്യമെങ്കില്‍ വീണ്ടും അപ്പുണ്ണിയില്‍ നിന്നും മൊഴിയെടുക്കും.

അപ്പുണ്ണിയില്‍ നിന്നും ലഭിച്ചത് നിര്‍ണ്ണയാക വിവരങ്ങള്‍

യുവനടി ആക്രമിക്കപ്പെട്ട കേസുമായി ബന്ധപ്പെട്ട് നിര്‍ണ്ണായക വിവരങ്ങളാണ് കഴിഞ്ഞ ദിവസം ഹാജരായ അപ്പുണ്ണിയില്‍ നിന്നും അന്വേഷണ സംഘത്തിന് ലഭിച്ചത്. മൊഴിയുടെ അടിസ്ഥാനത്തില്‍ നിര്‍ണ്ണായക നീക്കങ്ങളിലേക്കാണ് സംഘം നീങ്ങുന്നത്.

ബന്ധുക്കളെയും സുഹൃത്തുക്കളെയും ചോദ്യം ചെയ്യും

ദിലീപിന്റെ അടുത്ത ബന്ധുക്കളെയും സുഹൃത്തുക്കളെയും ചോദ്യം ചെയ്യാനുള്ള നീക്കത്തിലാണ് പോലീസ്. ഭാര്യയും അഭിനേത്രിയുമായ കാവ്യാ മാധവനെ വീണ്ടും ചോദ്യം ചെയ്യുമെന്ന് നേരത്തെ തന്നെ അറിയിച്ചിരുന്നു.

പള്‍സര്‍ സുനിയെ അറിയാം

തൃശ്ശൂരില്‍ നിന്നും കൊച്ചിയിലേക്കുള്ള യാത്രയ്ക്കിടെ നടിയെ ഉപദ്രവിച്ച കേസില്‍ ആദ്യം അറസ്റ്റിലായ പള്‍സര്‍ സുനിയെ അറിയാമെന്ന് അപ്പുണ്ണി മൊഴി നല്‍കി. പള്‍സര്‍ സുനിയെ നേരത്തെ തന്നെ അറിയാമെന്നും അപ്പുണ്ണി വ്യക്തമാക്കിയിട്ടുണ്ട്.

ദിലീപും സുനിയും തമ്മിലുള്ള ബന്ധം

നടനും എംഎല്‍എയുമായ മുകേഷിന്റെ ഡ്രൈവറായി പള്‍സര്‍ സുനി മുന്‍പ് പ്രവര്‍ത്തിച്ചിരുന്നു. ആ സമയം മുതല്‍ തനിക്ക് സുനിയെ അറിയാം. ദിലീപും സുനിയും തമ്മിലുള്ള ബന്ധത്തെക്കുറിച്ച് അറിയില്ലെന്നും അപ്പുണ്ണി മൊഴി നല്‍കി.

സംഭവമായി ബന്ധമില്ല

യുവനടി ആക്രമിക്കപ്പെട്ട കേസുമായി ബന്ധപ്പെട്ട് ദിലീപിനും തനിക്കും നേരിട്ട് ബന്ധമൊന്നുമില്ലെന്ന തരത്തിലുള്ള മൊഴിയാണ് അപ്പുണ്ണി നല്‍കിയത്. ആറു മണിക്കൂറോളം നീണ്ടു നിന്ന ചോദ്യം ചെയ്യലിനു ശേഷമാണ് അപ്പുണ്ണിയെ വിട്ടയച്ചത്.

മൊബൈല്‍ ഫോണ്‍ കസ്റ്റഡിയിലെടുത്തു

ദിലീപിന്റെ മാനേജര്‍ അപ്പുണ്ണിയുടെ മൊബൈല്‍ ഫോണ്‍ പോലീസ് കസ്റ്റഡിയിലെടുത്തിട്ടുണ്ട്. രണ്ടു ദിവസത്തിനു ശേഷം വീണ്ടും അന്വേഷണം സംഘത്തിനു മുന്നില്‍ ഹാജരാവാനും നിര്‍ദേശിച്ചിട്ടുണ്ട്.

ഫോണ്‍ പരിശോധിക്കുന്നു

പള്‍സര്‍ സുനിയെ വിളിക്കുന്നതിനായ ദിലീപ് അപ്പുണ്ണിയുടെ ഫോണ്‍ ഉപയോഗിച്ചിരുന്നുവെന്ന നിഗമനത്തിലാണ് പോലീസ്. ഇക്കാര്യം പരിശോധിക്കാനാണ് ഫോണ്‍ കസ്റ്റഡിയിലെടുത്തത്. രിമാന്‍ഡില്‍ കഴിയുന്ന പള്‍സര്‍ സുനി അപ്പുണ്ണിയുടെ ഫോണിലേക്കായിരുന്നു വിളിച്ചത്.

English summary

Police will question Kavya Madhavan and other relatives of Dileep.