കേസും വിവാദവും ദിലീപിനെ ബാധിക്കില്ല!! വീണ്ടും അമരത്തേക്ക്!! ദിലീപിന്റെ നേതൃത്വത്തിൽ സംഘടന!!

ഫിയോക് എന്നാണ് സംഘടനയുടെ പേര്. നടൻ മധുവാണ് സംഘടന ഉദ്ഘാടനം ചെയ്തത്. സംഘടനയുടെ ലോഗോ മമ്മൂട്ടിയും മോഹൻലാലും ചേർന്ന് പ്രകാശനം ചെയ്തു.

കൊച്ചി: നടി ആക്രമിക്കപ്പെട്ട സംഭവത്തിൽ കേസും ചോദ്യം ചെയ്യലും ഉൾപ്പെടെ വിവാദങ്ങൾ കൊഴുക്കുമ്പോൾ അതൊന്നിലും തളരാതെ വീണ്ടും അമരക്കാരനാവുകയാണ് ദിലീപ്. ദിലീപിന്റെ നേതൃ‍ത്വത്തിൽ രൂപീകരിച്ച വിതരണക്കാരുടെയും തിയേറ്റർ ഉടമകളുടെയും നിർമ്മാതാക്കളുടെയും പ്രതിനിധികൾ ഉൾപ്പെടുന്ന പുതിയ സംഘടനയുടെ ഉദ്ഘാടനം കൊച്ചിയിൽ നടന്നു. ഉദ്ഘാടന ചടങ്ങിൽ അമരക്കാരനായി നിന്നത് ദിലീപ് തന്നെയാണ്. ആന്റണി പെരുമ്പാവൂരാണ് സംഘടനയുടെ സെക്രട്ടറി.

ഫിയോക് എന്നാണ് സംഘടനയുടെ പേര്. നടൻ മധുവാണ് സംഘടന ഉദ്ഘാടനം ചെയ്തത്. സംഘടനയുടെ ലോഗോ മമ്മൂട്ടിയും മോഹൻലാലും ചേർന്ന് പ്രകാശനം ചെയ്തു. അമ്മ ജനറൽബോഡി യോഗത്തിനും അതിനു ശേഷം നടന്ന വാർത്ത സമ്മേളനത്തിനും ശേഷമായിരുന്നു സംഘടനയുടെ ഉദ്ഘാടന ചടങ്ങ് നടന്നത്.

ഇന്നസെന്റ്, മമ്മൂട്ടി, മോഹൻലാൽ, ഗണേഷ് കുമാർ, മുകേഷ്, ഉണ്ണികൃഷ്ണൻ, സിയാദ് കോക്കർ, ജോഷി, സത്യൻ അന്തിക്കാട്, സുരേഷ് കുമാർ, തുടങ്ങി സിനിമയുമായി ബന്ധപ്പെട്ട എല്ലാ മേഖലകളിൽ ഉൾപ്പെട്ടവരും ചേർന്നാണ് നിലവിളക്ക് കൊളുത്തിയത്. എല്ലാവരെയും വേദിയിലേക്ക് സ്വാഗതം ചെയ്തത് ദിലീപ് തന്നെയായിരുന്നു.

മലയാള സിനിമയിൽ പ്രശ്നങ്ങൾ ഇല്ലാതെ പോകാനും പ്രശ്നമുണ്ടായാൽ ഒരു വേദിയിലിരുന്ന് ചർച്ച ചെയ്ത് പരിഹരിക്കാനുള്ള സംഘടനകളുടെ കൂട്ടായ്മയാണ് ഇതെന്ന് ദിലീപ് പറഞ്ഞു.

English summary

new film association in malayalam under the leadership of dileep.