Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
മലയാളത്തില്‍ ഇനിയും വരുന്നു ഒരു വാര്‍ത്താ ചാനല്‍ കൂടി... മംഗളത്തിന്റെ വക
തിരുവനന്തപുരം: ഇപ്പോള്‍ തന്നെ മലയാളത്തില്‍ വാര്‍ത്താ ചാനലുകളുടെ പ്രളയമാണ്. അതില്‍ ചിലത് വന്‍ നഷ്ടത്തിലാണ്. ഇന്ത്യാവിഷന്‍ പോലുള്ള ചാനലുകള്‍ പൂട്ടിപ്പോവുകയും ചെയ്തു.
ഈ സാഹചര്യത്തിലാണ് മലയാളത്തില്‍ ഒരു പുതിയ വാര്‍ത്താ ചാനല്‍ കൂടി തുടങ്ങുന്നത്. മംഗളം പത്രമാണ് ചാനലുമായി രംഗത്തുള്ളത്. നിയമസഭ തിരഞ്ഞെടുപ്പ് വേളയിലായിരിക്കും ചാനല്‍ പ്രവര്‍ത്തനം തുടങ്ങുക.
പത്രത്തിന്റെ പിന്തുണയോടെ ചാനല്‍ തുടങ്ങുന്ന ആദ്യത്തെ സ്ഥാപനമല്ല മംഗളം. നേരത്തെ മനോരമയും മാതൃഭൂമിയും വാര്‍ത്താ ചാനലുകള്‍ തുടങ്ങിയിരുന്നു. സിപിഎമ്മിന്റെ കീഴില്‍ ദേശാഭിമാനി പത്രവും കൈരളി, പീപ്പിള്‍ ചാനലുകളും ഉണ്ട്. ജമാഅത്തെ ഇസ്ലാമിയുടെ പിന്തുണയോടെയാണ് മാധ്യമം പത്രവും മീഡിയ വണ്‍ ചാനലും പ്രവര്‍ത്തിയ്ക്കുന്നത്.
കേരളത്തില്‍ ഏറ്റവും ഒടുവില്‍ പ്രവര്‍ത്തനം തുടങ്ങിയ വാര്‍ത്താ ചാനല്‍ ആയിരുന്നു ടിവി ന്യൂ. ഇടയ്ക്ക് വച്ച് പ്രവര്‍ത്തനം മുടങ്ങിയ ചാനല്‍ ഇപ്പോള്‍ പുനരരാംഭിച്ചിട്ടുണ്ടെങ്കിലും കടുത്ത പ്രതിസന്ധിയിലാണെന്ന് റിപ്പോര്‍ട്ടുകളുണ്ട്.
ഏഷ്യാനെറ്റ് ന്യൂസ്, മനോരമ ന്യൂസ്, മാതൃഭൂമി ന്യൂസ്, റിപ്പോര്‍ട്ടര്‍ ചാനല്‍, പീപ്പിള്‍ ടിവി, ടിവി ന്യൂ എന്നിവയാണ് ഇപ്പോള്‍ നിലവിലുള്ള പ്രധാന വാര്‍ത്താ ചാനലുകള്‍. അമൃത ടിവിയലും ജീവന്‍ ടിവിയിലും വാര്‍ത്തകളും വാര്‍ത്താ പരിപാടികളും ഉണ്ട്. സൂര്യ ടിവിയിലെ വാര്‍ത്താ വിഭാഗം ഇപ്പോള്‍ ശുഷ്‌കിച്ചിരിയ്ക്കുകയാണ്.
ഈ സാഹചര്യത്തിലാണ് മംഗളത്തിന്റെ വാര്‍ത്താ ചാനല്‍ കടന്നുവരുന്നത്. മാര്‍ച്ച് ഒന്നിന് ചാനലിന്റെ ലോഗോ പ്രകാശം ചെയ്യും എന്നാണ് സിഇഒയും എഡിറ്റര്‍ ഇന്‍ ചീഫും ആയ ആര്‍ അജിത്ത് കുമാര്‍ വ്യക്തമാക്കിയിട്ടുള്ളത്.
