എറണാകുളം - ബെംഗളൂരു വന്ദേഭാരത് എത്തിയേക്കും; 5 സ്റ്റോപ്പുകൾ? വിശദവിവരം ഇങ്ങനെ
ചെന്നൈ: പെരമ്പൂർ ഇന്റഗ്രൽ കോച്ച് ഫാക്ടറി ( ഐ സി എഫ്) യിൽ നിന്ന് ദക്ഷിണ റെയിൽവേയ്ക്ക് അനുവദിച്ച പുതിയ വന്ദേ ഭാരത് തീവണ്ടി എറണാകുളത്ത് നിന്ന് ബെംഗളൂരുവിലേക്ക് സർവീസ് നടത്താൻ സാധ്യത ഉള്ളതായി റിപ്പോർട്ട്. കഴിഞ്ഞ ദിവസം ഐ സി എഫ് ആർ വന്ദേ ഭാരത് തീവണ്ടികൾ ആറ് സോണുകൾക്കായി അനുവദിച്ചിരുന്നു. ദക്ഷിണ റെയിൽവേയിലെ ഏറ്റവും തിരക്കേറിയ റൂട്ടുകളിലൊന്നായ എറണാകുളത്ത് നിന്ന് ബെംഗളൂരുവിലേക്ക് സർവീസ് നടത്തുന്നതിന്റെ സാധ്യതകൾ ആരാഞ്ഞുവരികയാണ്.
രാവിലെ അഞ്ചിന് എറണാകുളം ജങ്ഷനിൽ നിന്ന് പുറപ്പെടുന്ന തീവണ്ടി ഉച്ചയ്ക്ക് 1.235 ന് കെ എസ് ആർ ബെംഗളൂരു റെയിൽ വേ സ്റ്റേഷനിലെത്തും. തിരിച്ച് ഉച്ചയ്ക്ക് 2.05 ന് പുറപ്പെടുന്ന തീവണ്ടി രാത്രി 10. 45 ന് എറണാകുളം ജങ്ഷനിലെത്തും. തൃശൂർ, പാലക്കാട്. കോയമ്പത്തൂർ, ഈ റോഡ് , സേലം എന്നിവിടങ്ങളിൽ സ്റ്റോപ്പുകളുണ്ടാവും എന്ന് റെയിൽ വേ വൃത്തങ്ങൾ അറിയിച്ചു.
അതേ സമയം. രാജ്യത്തെ എല്ലാ കോച്ച് ഫാക്റ്ററികളിലും എൽ എച്ച് ബി കോച്ചുകളുടെ നിർമാണം ഊർജ്ജിതമാണെങ്കിലും കേരളത്തിലെ പ്രധാന തീവണ്ടികളിലുള്ളത് ഐ സി എഫിന്റെ പഴയ കോച്ചുകളാണ്. തിരുവനന്തപുരം ഡിവിഷനിലെ 1900 കോച്ചുകളിൽ ഏകദേശം 1000 കോച്ചുകളും ഐ സി എഫിന്റെ പഴയ കോച്ചുകളാണ് എന്നാണ് മാതൃഭൂമി റിപ്പോർട്ട് ചെയ്യുന്നത്. പാലക്കാട് ഡിവിഷവുകളിലെ 600 കോച്ചുകളിലെ 300 കോച്ചുകളും പഴയവയാണെന്നുമാണ് റിപ്പോർട്ട്.
പെരമ്പൂർ ഇന്റഗ്രൽ കോച്ച് ഫാക്ടറി., കപൂർത്തല കോച്ച് ഫാക്ടറി എന്നിവയിൽ നിർമാണം പൂർത്തിയായ എൽ എച്ച് ബി കോച്ചുകൾ ആവശ്യത്തിനുണ്ട്. റെയിൽവേ ബോർഡിൻരെ നിർദ്ദേശം അനുസരിച്ചാണ് റെയിൽ വേ ഡിവിഷനുകൾക്് എൽ എച്ച് ബി കോച്ചുകളുള്ള തീവണ്ടി അനുവദിക്കുന്നത്.
Click it and Unblock the Notifications
Sign in with Google