വീട്ടുജോലിക്കാരിയെ ഓട്ടോയില് കടത്താന് നോക്കിയ കൊച്ചമ്മയുടെ ഉദ്ദേശ്യമെന്ത്? സംഭവത്തില് ദുരൂഹത
വീട്ടുടമസ്ഥയ്ക്കൊപ്പം ഓട്ടോയില് യാത്ര ചെയ്ത ജോലിക്കാരി റോഡിലേക്ക് ചാടി, സിനിമ കാണിക്കാനെന്ന വ്യാജേന കൊണ്ടു പോയത് എങ്ങോട്ട്, നാട്ടുകാര് ഇടപെട്ടതോടെ പൊലീസുമെത്തി, ദുരൂഹത നീങ്ങാതെ ആലുവയിലെ സംഭവം.
ആലുവ: സിനിമ കാണിക്കാനെന്നും പറഞ്ഞ് ഉടമസ്ഥ വീട്ടുജോലിക്കാരിയെ ബലമായി വണ്ടിയില് കയറ്റിക്കൊണ്ടുപോയി. ഓട്ടോയില് നിന്നും ചാടിയ ജോലിക്കാരി പരുക്കേറ്റ് ചികിത്സയിലാണ്.വീട്ടുജോലിക്കാരിയെ ഓട്ടോയില് കടത്താന് നോക്കിയ കൊച്ചമ്മയുടെ ഉദ്ദേശ്യമെന്ത്, നാട്ടുകാര് ഇടപെട്ടതോടെ സംഗതി പുലിവാലായി.
കിഴക്കെ കടുങ്ങല്ലൂര് അമ്പലം കവലയിലാണ് ദുരൂഹത നിറഞ്ഞ സംഭവം നടന്നത്. കോഴിക്കോട് സ്വദേശിയായ വീട്ടുജോലിക്കാരിയെയാണ് സിനിമ കാണിക്കാനെന്ന വ്യാജേന വീട്ടുടമസ്ഥ പുറത്തേക്ക് കൊണ്ടുപോയത്.
നാട്ടുകാര്ക്ക് സംശയം
ഓട്ടോയില് നിന്നും യുവതി ചാടിയ സംഭവത്തില് ദുരൂഹതയുണ്ടെന്ന് സംശയം തോന്നിയ നാട്ടുകാര് ഇവരെ ചോദ്യം ചെയ്തെങ്കിലും വ്യക്തമായ മറുപടി ലഭിച്ചില്ല. നാട്ടുകാരും വീട്ടുടമസ്ഥയും തമ്മില് വാക്കേറ്റമായിനെത്തുടര്ന്ന് പോലീസിനെ വിളിച്ചു.
പോലീസ് എത്തിയില്ല
വീട്ടുടമസ്ഥയെയും കൂടെയുള്ളവരെയും തടഞ്ഞുവെച്ച് നാട്ടുകാര് സ്റ്റേഷനില് വിവരം അറിയിച്ചുവെങ്കിലും പോലീസ് സ്ഥലത്തെത്തിയില്ല.
സ്പെഷല് ബ്രാഞ്ചില് നിന്നും ആളെത്തി
പോലീസ് സ്റ്റേഷനില് നിന്നും ആളെത്താത്തതിനെത്തുടര്ന്ന് വിവരം സ്പെഷല് ബ്രാഞ്ചില് അറിയിച്ചു. സ്പെഷല് ബ്രാഞ്ചില് നിന്നും എത്തിയ ഉദ്യോഗസ്ഥര് വീട്ടുജോലിക്കാരിയോട് കാര്യങ്ങള് ചോദിച്ചറിഞ്ഞു. വീട്ടുടമസ്ഥയുടെ നിര്ദേശ പ്രകാരം ഒരു യുവാവ് ഇരു ചക്ര വാഹനത്തില് പിന്തുടര്ന്നിരുന്നുവെന്ന് യുവതി പറഞ്ഞു.
ദുരൂഹത?
സിനിമ കാണിക്കാനെന്ന വ്യാജേന യുവതിയെ എങ്ങോട്ടു കൊണ്ടുപോകാനായിരുന്നു വീട്ടുടമസ്ഥയുടെ പദ്ധതിയെന്ന കാര്യത്തിലെ ദുരൂഹത ഇപ്പോഴും തുടരുകയാണ്.