വേണു ബാലകൃഷ്ണന് മാതൃഭൂമിയില് നിന്ന് രാജിവച്ചു; ഇനി റിപ്പോര്ട്ടറിന്റെ എല്ലാമെല്ലാം?
കൊച്ചി: പ്രമുഖ മാധ്യമ പ്രവര്ത്തകന് വേണു ബാലകൃഷ്ണന് മാതൃഭൂമി ന്യൂസില് നിന്ന് രാജിവച്ചതായി വാര്ത്ത. റിപ്പോര്ട്ടര് ടിവിയില് ഉയര്ന്ന തസ്തികയിലേക്കാണ് വേണു ബാലകൃഷ്ണന്റെ മടക്കം എന്നാണ് റിപ്പോര്ട്ടുകള്.
എന്നാല് വേണു ബാലകൃഷ്ണന് ഈ വാര്ത്ത നിഷേധിച്ചു. താന് ഓഫീസില് തന്നെയാണ് ഉള്ളതെന്നാണ് അദ്ദേഹം വ്യക്തമാക്കിയത്.
കേരളത്തിലെ ഏറ്റവും ശ്രദ്ധേയരായ ദൃശ്യമാധ്യമ പ്രവര്ത്തകരില് ഒരാളാണ് വേണു ബാലകൃഷ്ണന്. ഏഷ്യാനെറ്റ് ന്യൂസിലൂടെയായിരുന്നു അദ്ദേഹത്തിന്റെ തുടക്കം. പിന്നീട് ഏഷ്യാനെറ്റില് നിന്ന് മനോരമ ന്യൂസിലേക്ക് പോയി.
ഇന്ത്യാവിഷന് വിട്ട് നികേഷ് കുമാര് റിപ്പോര്ട്ടര് ടിവി തുടങ്ങിയപ്പോള് അവിടത്തെ മുന്നിര മാധ്യമപ്രവര്ത്തകരില് ഒരാളായി മാറി വേണു ബാലകൃഷ്ണന്. മാനേജിങ് എഡിറ്റര് തസ്തികയില് ആയിരുന്നു റിപ്പോര്ട്റില് ജോലി ചെയ്തിരുന്നത്.
ഈ സമയത്താണ് മാതൃഭൂമി പത്രം പുതിയ വാര്ത്താ ചാനല് തുടങ്ങുന്നത്. വേണു ബാലകൃഷ്ണന്റെ ജ്യേഷ്ഠ സഹോദരനായ ഉണ്ണി ബാലകൃഷ്ണനാണ് മാതൃഭൂമി ന്യൂസിന്റെ തലവന്. പിന്നീട് വേണുവിനെ കണ്ടത് മാതൃഭൂമി ന്യൂസില് ആയിരുന്നു.
വേണു ബാലകൃഷ്ണന് റിപ്പോര്ട്ടര് ചാനലിലേക്ക് തിരിച്ചുവരുന്നു എന്ന് നേരത്തേയും വാര്ത്തകളുണ്ടായിരുന്നു. കഴിഞ്ഞ ആഴ്ച കൊച്ചിയിലെ റിപ്പോര്ട്ടര് ടിവി ഓഫീസില് വേണു ബാലകൃഷ്ണന് എത്തിയിരുന്നു. നികേഷ് കുമാര്, പികെ പ്രകാശ് എന്നിവരുമായി ഏറെ നേരം ചര്ച്ച നടത്തുകയും ചെയ്തിരുന്നു.