അടുത്ത മൂന്നാഴ്ച നിര്ണായകം; എല്ലാ ഞായറാഴ്ചകളും ഡ്രൈഡേ ആയിരിക്കണമെന്ന് മുഖ്യമന്ത്രി
തിരുവനന്തപുരം: നിര്ണായകമായ മൂന്നാഴ്ചകളാണ് നമുക്ക് മുന്പിലുള്ളത് എന്ന് എല്ലാവരും ഓര്മിക്കണമെന്ന് മുഖ്യമന്ത്രി പിണറായി വിജയന് പറഞ്ഞു. കാലവര്ഷം കടന്നുവരാന് പോവുകയാണ്. ഡെങ്കിപ്പനി മൂന്നോ നാലോ വര്ഷങ്ങള് കൂടുമ്പോള് ശക്തമാകുന്ന സ്വഭാവമുള്ള പകര്ച്ചവ്യാധിയാണ്. ഇതിനു മുന്പ് കേരളത്തില് ഡെങ്കിപ്പനി വ്യാപകമായ തോതില് ബാധിച്ചത് 2017ല് ആണ്. അതിനാല് ഈ വര്ഷം ആ രോഗം വീണ്ടും ശക്തമാകാനുള്ള സാധ്യത വളരെ കൂടുതലാണെന്ന് മുഖ്യമന്ത്രി വാര്ത്തസമ്മേളനത്തില് വ്യക്തമാക്കി.
എല്ലാ ഞായറാഴ്ചകളും ഡ്രൈഡേ ആയിരിക്കണം. വീടിനകത്തും പുറത്തും വെള്ളം കെട്ടിക്കിടക്കുന്നത് വൃത്തിയാക്കണം. കൊതുകു നിവാരണ പ്രവര്ത്തനങ്ങള് തദ്ദേശഭരണ സ്ഥാപനങ്ങളും റസിഡന്ഷ്യല് അസോസിയേഷനുകളും ഓരോ കുടുംബവും അവരുടെ ഉത്തരവാദിത്വമായി ഏറ്റെടുത്ത് വിട്ടുവീഴ്ചയില്ലാതെ നിറവേറ്റണമെന്ന് അടച്ചിട്ട മുറികളിലാണ് ഏറ്റവും എളുപ്പത്തില് കോവിഡ് വ്യാപിക്കുക എന്നാണ് പല പഠനങ്ങളും വ്യക്തമാക്കുന്നത്. അതുകൊണ്ട് എല്ലാ തൊഴില് സ്ഥാപനങ്ങളും വലിയ ശ്രദ്ധ ഇക്കാര്യത്തില് പുലര്ത്തണം. എസി സ്ഥാപിക്കുന്നതിനു വേണ്ടി തയ്യാറാക്കപ്പെട്ട മുറികളില് പലപ്പോഴും ആവശ്യത്തിന് വായു സഞ്ചാരമുണ്ടാകില്ല. അതുകൊണ്ട് എസി പ്രവര്ത്തിപ്പിക്കാതെ ഇരുന്നതുകൊണ്ട് മാത്രം കാര്യമുണ്ടാകില്ല.
അതോടൊപ്പം ഫാനുകളും വായു പുറന്തള്ളാന് സഹായിക്കുന്ന എക്സ്ഹോസ്റ്റ് ഫാനുകളും ഉപയോഗിക്കേണ്ടതുണ്ട്. ലോക്ക്ഡൗണ് കാലത്തൊക്കെ പ്രവര്ത്തിക്കേണ്ടിവരുന്ന, വര്ക്ക് ഫ്രം ഹോം സംവിധാനങ്ങള് പ്രായോഗികമല്ലാത്ത മാധ്യമസ്ഥാപനങ്ങള് പോലുള്ളവ ഇക്കാര്യം പ്രത്യേകം ശ്രദ്ധിക്കണമെന്ന് അഭ്യര്ത്ഥിക്കുന്നു.
ആ രക്തസാക്ഷിത്വത്തിന് 30 വയസ്; രാജ്യം രാജീവ് ഗാന്ധി ഓര്മയില്- ചിത്രങ്ങള് കാണാം
അതേസമയം, കണ്ടെയിന്മെന്റ് സോണുകളില് നിര്മാണപ്രവര്ത്തനങ്ങള് നടത്തുന്നതിന് ഇപ്പോള് തടസ്സമില്ല. നിര്മാണസാമഗ്രികള് വില്ക്കുന്ന കടകള്ക്കും പ്രവര്ത്തനാനുമതി നല്കിയിട്ടുണ്ട്. അതിഥിത്തൊഴിലാളികള്ക്ക് ജോലിയും വരുമാനവും ഉറപ്പാക്കാന് ഇത് സഹായിക്കും.
കോവിഡ് ബാധിച്ച് വീടുകളില് കഴിയുന്നവര് പറത്തുപോകാതെ നോക്കുന്നതിന് നിരീക്ഷണം ശക്തിപ്പെടുത്തിയിട്ടുണ്ട്. ഇങ്ങനെ കഴിയുന്നവര് വീടുകളില് തന്നെ ഉണ്ടോയെന്ന് ഉറപ്പാക്കുന്നതിനായി പൊലീസ് കണ്ട്രോള് റൂമില് നിന്ന് ഫോണ് ചെയ്ത് വിവരം അന്വേഷിക്കുന്ന സംവിധാനം നടപ്പാക്കാന് പൊലീസിന് നിര്ദ്ദേശം നല്കിയെന്നും മുഖ്യമന്ത്രി അറിയിച്ചു.
ഹോട്ട് ലൂക്കില് മൃദുല ഭാസ്കര്, ഏറ്റവും പുതിയ ചിത്രങ്ങള് കാണാം
Click it and Unblock the Notifications
Sign in with Google