Click it and Unblock the Notifications
Just In
Don't Miss
-
മകൻ അച്ഛനെ കാണാറുണ്ട്; ആദ്യ വിവാഹ ബന്ധം പിരിഞ്ഞപ്പോൾ; തനിക്ക് മാത്രമല്ല ഇത് സംഭവിച്ചതെന്നും മേതിൽ ദേവിക -
അവധിക്കാലം കുട്ടികള്ക്ക് ഉഷാറാക്കാന് സ്വീറ്റ് സോഫ്റ്റ് കേക്ക് -
IPL 2024: ഗില്ലിനെക്കൊണ്ടാവില്ല! ഹാര്ദിക് പാണ്ഡ്യ മടങ്ങി വരൂ..., ആവശ്യപ്പെട്ട് ജിടി ആരാധകര് -
ടൊയോട്ട ഇനി ചന്ദ്രനിലേക്കോ, നാസയുമായി കൈകോർത്ത് ബ്രാൻഡ് -
എല്ലാ മാസവും ഉറപ്പായ വരുമാനം, റിട്ടയർമെന്റ് ജീവിതം അടിപൊളിയാക്കൂ, ഇതാണ് പദ്ധതി -
2 രൂപ വ്യത്യാസത്തിൽ ഇങ്ങനെ മാജിക്ക് കാണിക്കാൻ ബിഎസ്എൻഎല്ലിനേ പറ്റൂ! കാണുന്നവർ അമ്പരക്കും -
ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
റഫീല, സോണിയ, അജ്മല, ഫിറോസ് ഖാൻ... കേരളത്തിൽ നിന്നും ഐസിസിൽ ചേർന്നവരുടെ ചിത്രങ്ങൾ പുറത്ത്...
സംസ്ഥാനത്ത് കാസർകോട് നിന്നുമാണ് ഏറ്റവും കൂടുതൽ പേർ ഐസിസിൽ ചേർന്നിട്ടുള്ളത്.
തിരുവനന്തപുരം: കേരളത്തിൽ നിന്നും ഇസ്ലാമിക് സ്റ്റേറ്റിൽ ചേർന്ന 21 പേരുടെ ചിത്രങ്ങളും ദേശീയ അന്വേഷണ ഏജൻസി(എൻഐഎ) പുറത്തുവിട്ടു. തിരുവനന്തപുരം സ്വദേശിനി നിമിഷ ഫാത്തിമ, ഭർത്താവ് ബെക്സൺ വിൻസന്റ്, ഇയാളുടെ സഹോദരൻ ബെസ്റ്റിൻ വിൻസന്റ്, ഭാര്യ മെറിൻ ജേക്കബ് എന്നിവർ ഉൾപ്പെടെ 21 പേരുടെ ചിത്രങ്ങളാണ് എൻഐഎ പുറത്തുവിട്ടിരിക്കുന്നത്.
സംസ്ഥാനത്ത് കാസർകോട് നിന്നുമാണ് ഏറ്റവും കൂടുതൽ പേർ ഐസിസിൽ ചേർന്നിട്ടുള്ളത്. ഡോക്ടർ ഇജാസ്, ഭാര്യ റാഹില, ഇവരുടെ രണ്ടു വയസുള്ള കുട്ടി, ഇജാസിന്റെ സഹോദരൻ ഷിഹാസ്, ഭാര്യ അജ്മല, ഇവരുടെ ബന്ധു അഷ്ഫാഖ്, ഭാര്യ ഷംസിയ തുടങ്ങിയവരുടെ ചിത്രങ്ങളും എൻഐഎ പുറത്തുവിട്ടിട്ടുണ്ട്. ദി ന്യൂസ് മിനുട്ട് പോർട്ടലാണ് ഇതുസംബന്ധിച്ച വാർത്തയും ചിത്രങ്ങളും പ്രസിദ്ധീകരിച്ചിരിക്കുന്നത്.
ഐഎസിലേക്ക്...
കേരളത്തിൽ കാസർകോട് നിന്നുമാണ് ഏറ്റവും കൂടുതൽ പേർ ഐസിസിൽ ചേർന്നിട്ടുള്ളത്. കാസർകോട് സ്വദേശികളായ ഡോക്ടർ ഇജാസ്, ഭാര്യ റാഹില, ഇവരുടെ രണ്ടു വയസുള്ള കുട്ടി, ഇജാസിന്റെ സഹോദരൻ ഷിഹാസ്, ഭാര്യ അജ്മല, ഇവരുടെ ബന്ധു അഷ്ഫാഖ്, ഭാര്യ ഷംസിയ, അബ്ദുൾ റാഷിദ് അബ്ദുള്ള, ഭാര്യ ആയിഷ, ഹഫീസ്, മർവാൻ എന്നിവരാണ് ഐസിസിൽ ചേർന്നതായി എൻഐഎ സ്ഥിരീകരിച്ചിരിക്കുന്നത്.
നിമിഷ ഫാത്തിമയും...
ഇവർക്ക് പുറമേ, പാലക്കാട് സ്വദേശികളും സഹോദരന്മാരുമായ ബെക്സൻ എന്ന ഈസ, ബെസ്റ്റിൻ എന്ന യഹിയ എന്നിവരും ഐസിസിൽ ചേർന്നിട്ടുണ്ട്. ക്രിസ്ത്യൻ മതവിശ്വാസികളായിരുന്ന ഇരുവരും പിന്നീട് ഇസ്ലാം മതം സ്വീകരിച്ചവരാണ്. ഇരുവരുടെയും ഭാര്യമാരായ നിമിഷ ഫാത്തിമയും, മെറിൻ ജേക്കബും പിന്നീട് ഇസ്ലാം മതം സ്വീകരിച്ചിരുന്നു. ഇവരും ഭർത്താക്കന്മാരോടൊപ്പം ഐസിസിൽ ചേർന്നിട്ടുണ്ടെന്നാണ് എൻഐഎ സ്ഥിരീകരിച്ചിരിക്കുന്നത്.
എൻഐഎ...
കേരളത്തിൽ നിന്നും ഐസിസിൽ ചേർന്ന 21 പേരിൽ 16 പേർക്കെതിരെ എൻഐഎ റെഡ് കോർണർ നോട്ടീസും പുറപ്പെടുവിച്ചു. ഐസിസിൽ ചേർന്ന കാസർകോട് സ്വദേശികളായ ഷജീർ മംഗലശേരി, സിദ്ദിഖുൽ അസ്ലം, ഹഫീസുദ്ദീൻ, റഫീല, അജ്മല എന്നിവർ മരിച്ചതായാണ് എൻഐഎയ്ക്ക് ലഭിച്ചിരിക്കുന്ന റിപ്പോർട്ട്.
യുവാക്കൾ...
സംസ്ഥാനത്ത് നിന്ന് നിരവധി മുസ്ലീം യുവാക്കളും യുവതികളും ഐസിസിൽ ചേർന്നെന്ന റിപ്പോർട്ടുകൾ കഴിഞ്ഞ വർഷമാണ് പുറത്തുവന്നത്. തുടർന്ന് സംഭവത്തെക്കുറിച്ച് എൻഐഎ വിശദമായി അന്വേഷണം നടത്തുകയും ചെയ്തിരുന്നു. ഗൾഫ് രാജ്യങ്ങൾ വഴിയാണ് മിക്കവരും സിറിയയിലേക്ക് കടന്നതെന്നാണ് എൻഐഎ റിപ്പോർട്ട്. ഇവരിൽ ചിലർ കൊല്ലപ്പെട്ടതായി അടുത്തിടെ സന്ദേശങ്ങൾ ലഭിച്ചിരുന്നു.
