സ്വര്ണക്കടത്ത് കേസ് എന്ഐഎ അന്വേഷിക്കും; കേന്ദ്ര ആഭ്യന്തരമന്ത്രാലയം അനുമതി നല്കി
ദില്ലി: തിരുവനന്തപുരം സ്വര്ണകടത്ത് കേസ് എന്ഐയ്ക്ക് വിട്ടു. കേന്ദ്ര ആഭ്യന്തര മന്ത്രാലയമാണ് ഇതുമായി ബന്ധപ്പെട്ട അനുമതി നല്കിയത്. രാജ്യസുരക്ഷയെ ബാധിക്കുന്ന കേസ് ആയതിനാലാണ് അന്വേഷണം എന്ഐഎയ്ക്ക് വിട്ടത്. ദേശീയ സുരക്ഷയെ ബാധിക്കുന്ന വിഷയമാണെന്ന വിലയിരുത്തലിനെ തുടര്ന്നാണ് കേസ് ഇപ്പോള് എന്ഐഎയ്ക്ക് വിട്ടത്.
എന്ഐഎയുടെ കൊച്ചി യൂണിറ്റായിരിക്കും കേസ് അന്വേഷിക്കുകയെന്നാണ് സൂചന. സ്വര്ണക്കടത്ത് കസ്റ്റംസ് പിടിച്ച കേസില് ഫലപ്രദമായ അന്വേഷണം നടത്താന് അടിയന്തര ഇടപെടല് വേണമെന്ന് പ്രധാനമന്ത്രി നരേന്ദ്രമോദിക്ക് അയച്ച കത്തില് മുഖ്യമന്ത്രി പിണറായി വിജയന് ആവശ്യപ്പെട്ടിരുന്നു. നയതന്ത്ര ബാഗേജില് ഒളിപ്പിച്ച് വലിയ അളവില് സ്വര്ണം കള്ളക്കടത്ത് നടത്താനുണ്ടായ ശ്രമം അത്യധികം ഗൗരവമുള്ളതാണെന്ന് മുഖ്യമന്ത്രി കത്തില് സൂചിപ്പിച്ചിരുന്നു.
ഗുരുതര പ്രത്യാഘാതമുണ്ടാക്കുന്നതും രാജ്യത്തിന്റെ സമ്പദ് വ്യവസ്ഥയെത്തന്നെ ബാധിക്കുന്നതുമാണ് ഈ സംഭവം. വിവിധ മാനങ്ങളിലുള്ള അന്വേഷണം ആവശ്യപ്പെടുന്നതാണ് ഈ കേസ് . ബന്ധപ്പെട്ട എല്ലാ കേന്ദ്ര ഏജന്സികളെയും ഏകോപിപ്പിച്ച് ഫലപ്രദമായ അന്വേഷണമാണ് നടക്കേണ്ടത്. കള്ളക്കടത്തിന്റെ ഉറവിടം മുതല് എത്തിച്ചേരുന്നിടം വരെ ഏതെന്ന് വെളിപ്പെടുന്നതും എല്ലാ വിഷയങ്ങളും പരിശോധിക്കുന്നതുമാകണം അന്വേഷണം. ഇത്തരമൊന്ന് ആവര്ത്തിക്കാത്ത വിധം ഈ കുറ്റകൃത്യത്തിന്റെ എല്ലാ കണ്ണികളെയും പുറത്തുകൊണ്ടുവരണമെന്നും മുഖ്യമന്ത്രി ആവശ്യപ്പെട്ടിരുന്നു.
Recommended Video
അതേസമയം, സ്വര്ണ്ണക്കടത്ത് കേസില് അറസ്റ്റിലായ സരിത്തിനെ കസ്റ്റഡിയില് വിട്ടയച്ചു. കള്ളക്കടത്ത് കേസില് പിടിയിലായ മുന് യുഎഇ കോണ്സുലേറ്റ് പിആര്ഒ സരിത്തിന്റെ ആദ്യത്തെ ഫോണ് കോളും വസ്ത്ര വ്യാപാരിക്കാണ് ലഭിച്ചതെന്നും സ്ഥിരീകരിക്കാത്ത റിപ്പോര്ട്ടുകള് പുറത്തുവന്നിരുന്നു. സ്വര്ണ്ണക്കടത്തില് തനിക്ക് പ്രത്യക്ഷമായോ പരോക്ഷമായോ ബന്ധമില്ലെന്ന് സ്വപ്ന സുരേഷ് ഹൈക്കോടതിയില് സമര്പ്പിച്ച മുന്കൂര് ജാമ്യാപേക്ഷയില് വ്യക്തമാക്കിയിട്ടുണ്ട്. ഡിപ്ലോമാറ്റിക് ബാഗേജ് വരാന് വൈകിയെന്നും അക്കാര്യം തിരക്കാനും കോണ്സല് ജനറല് അറിയിച്ചത് പ്രകാരമാണ് കസ്റ്റംസ് അധികൃതരെ വിളിച്ച് ഇക്കാര്യം അറിയിച്ചതെന്നാണ് സ്വപ്ന നല്കുന്ന വിവരം. കേസ് അന്വേഷണത്തിന്റെ ഭാഗമായി കൂടുതല് വിവരങ്ങള് ശേഖരിക്കുന്നതിന്റെ ഭാഗമായാണ് നടപടി.
Click it and Unblock the Notifications
Sign in with Google