കമലിനെ മുസ്ലീം ലീഗിന് ഭയമോ?നിലമ്പൂര് ചലച്ചിത്രമേളയില് കമല് പങ്കെടുക്കരുതെന്ന് കളക്ടറുടെ നോട്ടീസ്
കമല് പങ്കെടുക്കുന്നത് തിരഞ്ഞെടുപ്പ് പെരുമാറ്റച്ചട്ടത്തിന്റെ ലംഘനമാണെന്ന് കാണിച്ച് മുസ്ലീം ലീഗ് നേരത്തെ പരാതി നല്കിയിരുന്നു.
മലപ്പുറം: നിലമ്പൂര് ചലച്ചിത്രമേളയില് സംവിധായകനും ചലച്ചിത്ര അക്കാദമി ചെയര്മാനുമായ കമലിനെ പങ്കെടുപ്പിക്കരുതെന്ന് ജില്ലാ കളക്ടറുടെ നോട്ടീസ്. ചലച്ചിത്രമേളയില് അദ്ദേഹത്തെ പങ്കെടുപ്പിക്കരുതെന്ന് ആവശ്യപ്പെട്ട് മേളയുടെ സംഘാടകര്ക്കാണ് ജില്ലാ കളക്ടര് നോട്ടീസ് അയച്ചിരിക്കുന്നത്.
മലപ്പുറം ഉപതിരഞ്ഞെടുപ്പ് പ്രഖ്യാപിച്ചതിനെ തുടര്ന്ന് നിലമ്പൂര് ചലച്ചിത്രമേളയില് സംവിധായകന് കമല് പങ്കെടുക്കുന്നത് തിരഞ്ഞെടുപ്പ് പെരുമാറ്റച്ചട്ടത്തിന്റെ ലംഘനമാണെന്ന് കാണിച്ച് മുസ്ലീം ലീഗ് നേരത്തെ പരാതി നല്കിയിരുന്നു. മുസ്ലീം ലീഗ് ജില്ലാ ജനറല് സെക്രട്ടറി കെഎന്എ ഖാദര് നല്കിയെ പരാതിയെ തുടര്ന്നാണ് കമലിന് വിലക്കേര്പ്പെടുത്തി കളക്ടര് നോട്ടീസ് അയച്ചിരിക്കുന്നത്.

പരാതി നല്കിയത് കെഎന്എ ഖാദര്...
മലപ്പുറം ഉപതിരഞ്ഞെടുപ്പ് നടക്കാനിരിക്കേ നിലമ്പൂര് ചലച്ചിത്രമേളയില് കമല് പങ്കെടുക്കുന്നത് തിരഞ്ഞെടുപ്പ് പെരുമാറ്റച്ചട്ടത്തിന്റെ ലംഘനമാണെന്നാണ് മുസ്ലീം ലീഗ് പരാതിയില് പറയുന്നത്. ലീഗ് ജില്ലാ ജനറല് സെക്രട്ടറി കെഎന്എ ഖാദറാണ് കളക്ടര്ക്ക് പരാതി നല്കിയത്. ചലച്ചിത്ര മേളയില് ഉദ്ഘാടന ചടങ്ങ് അനിവാര്യമല്ലെന്നും, മേളയുടെ മറ്റുപരിപാടികള് നടത്തുകയും, കമല് പങ്കെടുക്കുന്ന ഉദ്ഘാടന ചടങ്ങ് മാറ്റിവെയ്ക്കണമെന്നുമാണ് ലീഗ് ആവശ്യപ്പെട്ടത്.

മത്സരിക്കുന്നതിനെ കുറിച്ച് ആലോചിച്ചിട്ടില്ല...
ചലച്ചിത്രമേളയുടെ നടത്തിപ്പുകാരനെന്ന നിലയില് തനിക്ക് നിലമ്പൂര് വന്നേ പറ്റുവെന്നാണ് കമല് കഴിഞ്ഞ ദിവസം പ്രതികരിച്ചത്. ചലച്ചിത്ര മേളയില് പങ്കെടുക്കുമെന്നും, തിരഞ്ഞെടുപ്പില് മത്സരിക്കുന്നതിനെ സംബന്ധിച്ച് ആലോചിച്ചിട്ടില്ലെന്നും കമല് പറഞ്ഞിരുന്നു. ഇനി പാര്ട്ടി നിര്ബന്ധിച്ചാലും മത്സരിക്കാന് പറ്റിയ സാഹചര്യമല്ല തനിക്ക് നിലവിലുള്ളതെന്നും അദ്ദേഹം മാധ്യമങ്ങളോട് വ്യക്തമാക്കിയിരുന്നു.

ലീഗിന് ഭയമോ...
മലപ്പുറം ഉപതിരഞ്ഞെടുപ്പില് ഇടതുപക്ഷ സ്ഥാനാര്ത്ഥിയായി സംവിധായകന് കമല് മത്സരിക്കുമെന്ന വാര്ത്തകളുണ്ടായിരുന്നു. ഇടതുപക്ഷ സ്ഥാനാര്ത്ഥിയായി കമല് മത്സരിച്ചേക്കുമെന്ന് ചില ഇടതുനേതാക്കളും സൂചന നല്കിയിരുന്നു. ഈ പശ്ചാത്തലത്തിലാണ് നിലമ്പൂരിലെ ചലച്ചിത്രമേളയില് കമലിനെ പങ്കെടുപ്പിക്കാതിരിക്കാന് ലീഗ് ശ്രമിക്കുന്നത്.

ചലച്ചിത്രമേള മാര്ച്ച് 17 മുതല്...
ലീഗിന്റെ പരാതിയെ തുടര്ന്നാണ് കമലിനെ ചലച്ചിത്ര മേളയില് പങ്കെടുപ്പിക്കരുതെന്ന് കാണിച്ച് കളക്ടര് നോട്ടീസ് അയച്ചിരിക്കുന്നത്. മേളയുടെ സംഘാടകര്ക്കാണ് നോട്ടീസ് നല്കിരിക്കുന്നത്. മാര്ച്ച് 17 വെള്ളിയാഴ്ച മുതല് മാര്ച്ച് 21 വരെയാണ് നിലമ്പൂരിലെ ചലച്ചിത്രമേള.
-
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
'ഇന്ന് എനിക്ക് ഫ്ലാറ്റ് ഉണ്ട്, ആഡംബര വാഹനങ്ങളുണ്ട്, ഇതൊക്കെയും എന്റെ കഴിവ് കൊണ്ട് നേടിയെടുത്തത്'; അഖിൽ മാരാർ -
പിണറായിയുടേത് 'സംഘി ക്യാബിനറ്റ്'! പിഷാരടിയെ തൊട്ടാൽ വിവരം അറിയും; ആഞ്ഞടിച്ച് ഷാഫി പറമ്പിൽ -
യുഎസ്-ഇറാൻ നേരിട്ടുള്ള ചർച്ചകൾക്ക് വേദിയാവാൻ ഇസ്ലാമാബാദ്; മധ്യസ്ഥ ശ്രമങ്ങളുമായി ഈജിപ്തും തുർക്കിയും -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
'വരത്തന്' അല്ല, നിങ്ങളില് ഒരുവന് വിജയ്; പേരമ്പൂരില് കോടികള് ചെലവിട്ട് വീട്, സര്വെ ഫലം തിരിച്ചടി -
മോഹൻലാലുമായുള്ള മുഖ്യമന്ത്രിയുടെ അഭിമുഖത്തിന് ചിലവായത് ലക്ഷങ്ങൾ! ഉപയോഗിച്ചത് സർക്കാർ ഫണ്ട് -
യുപിയിൽ പാക് ചാരശൃംഖല തകർത്തു; 22 പേർ പിടിയിൽ, പുറത്തുവരുന്നത് ഞെട്ടിക്കുന്ന വിവരങ്ങൾ -
എല്ലാം കണക്കാ...- കാൽനൂറ്റാണ്ടിനിടെ എൽഡിഎഫ് പതുങ്ങിയതും യുഡിഎഫ് കുതിച്ചതും 2001ൽ












Click it and Unblock the Notifications