Nilambur Result: നിലമ്പൂരില് ഷൗക്കത്തിന് വിജയം, പാര്ട്ടി കോട്ടകളിലും പതറി സിപിഎം
രാഷ്ട്രീയ കേരളം ഏറെ ആകാംക്ഷയോടെ ഉറ്റുനോക്കിയ നിലമ്പൂര് ഉപതിരഞ്ഞെടുപ്പില് യുഡിഎഫിന് ജയം. 11005 വോട്ടിനാണ് ഷൗക്കത്ത് വിജയിച്ചത്. ആര്യാടന് ഷൗക്കത്ത് വോട്ട് നേടിയപ്പോള് എല്ഡിഎഫ് സ്ഥാനാര്ത്ഥി എം സ്വരാജിന് വോട്ട് നേടാനെ സാധിച്ചുള്ളൂ. ബിജെപി സ്ഥാനാര്ത്ഥി മോഹന് ജോര്ജ് നാലാം സ്ഥാനത്തേക്ക് പിന്തള്ളപ്പെട്ടപ്പോള് 19000 ത്തോളം വോട്ട് നേടി പിവി അന്വര് കരുത്തുകാട്ടി.
വോട്ടെണ്ണലിന്റെ ആദ്യ റൗണ്ട് മുതല് യുഡിഎഫ് സ്ഥാനാര്ത്ഥി ആര്യാടന് ഷൗക്കത്ത് വ്യക്തമായ ലീഡ് നിലനിര്ത്തി. എല്ഡിഎഫ് കോട്ടയായ പോത്തുകല്ലില് ഷൗക്കത്ത് ലീഡ് നേടിയപ്പോള് കരുളായിയിലും അമരമ്പലത്തും എല്ഡിഎഫിന്റെ ലീഡ് കുറയ്ക്കാനും ഷൗക്കത്തിനായി. എല്ഡിഎഫിന്റേയും യുഡിഎഫിന്റേയും പലവോട്ടുകളും പെട്ടിയിലാക്കിയാണ് അന്വര് കരുത്തുകാട്ടിയത്.
10,000 വോട്ടിന്റെ ഭൂരിപക്ഷത്തില് ആര്യാടന് ഷൗക്കത്തിന് വിജയിക്കാനാകുമെന്നായിരുന്നു യുഡിഎഫ് പ്രതീക്ഷ പുലര്ത്തുന്നത്. തിരഞ്ഞെടുപ്പിനെ ഒറ്റക്കെട്ടായി നേരിടാന് സാധിച്ചതാണ് വിജയത്തിന് കാരണമെന്ന് യുഡിഎഫ് നേതാക്കള് പ്രതികരിച്ചു.
ഇത് യുഡിഎഫിന്റെ വിജയമായി കാണാനാകില്ല: പികെ കൃഷ്ണദാസ്
നിലമ്പൂര് ഉപതെരഞ്ഞെടുപ്പ് വിജയം യുഡിഎഫിന്റെ വിജയമായി കാണാനാകില്ലെന്നും ജമാഅത്തെ ഇസ്ലാമിയുടെ വിജയമാണെന്നും ബിജെപി ദേശീയ നിര്വാഹക സമിതി അംഗം പികെ കൃഷ്ണദാസ്. യുഡിഎഫ് വിജയത്തിനപ്പുറം എല്.ഡി.എഫിന്റെ വലിയ പരാജയമാണ് ഈ തെരഞ്ഞെടുപ്പ് ഫലം.
ശശി തരൂരിന് സമൂഹ മാധ്യമങ്ങളില് രൂക്ഷ വിമര്ശനം
നിലമ്പൂര് ഉപതെരഞ്ഞെടുപ്പില് വിജയിച്ച യുഡിഎഫ് സ്ഥാനാര്ഥി ആര്യാടന് ഷൗക്കത്തിന് ഫേസ്ബുക്കില് അഭിനന്ദനങ്ങള് നേര്ന്ന കോണ്ഗ്രസ് എംപി ശശി തരൂരിന് സമൂഹ മാധ്യമങ്ങളില് രൂക്ഷ വിമര്ശനം. ശശി തരൂര് നിലമ്പൂരില് തെരഞ്ഞെടുപ്പ് പ്രചാരണത്തില് പങ്കെടുത്തിരുന്നില്ല. ക്ഷണിക്കാത്തത് കൊണ്ടാണ് പ്രചാരണത്തിന് എത്താതിരുന്നതെതെന്നായിരുന്നു ശശി തരൂരിന്റെ പ്രതികരണം.
വോട്ട് വര്ധിച്ചത് ബിജെപിക്ക് മാത്രം: രാജീവ് ചന്ദ്രശേഖര്
കേരള ജനതയ്ക്ക് മേല് അടിച്ചേല്പ്പിച്ച അനാവശ്യ ഉപതിരഞ്ഞെടുപ്പായിരുന്നു നിലമ്പൂരിലേതെന്ന് ബിജെപി സംസ്ഥാന പ്രസിഡന്റ് രാജീവ് ചന്ദ്രശേഖര്. നിലമ്പൂരിലെ പുതിയ എംഎല്എ ആര്യാടന് ഷൗക്കത്തിന് അഭിനന്ദനങള്. ബിജെപി മണ്ഡലത്തിലെ അടിസ്ഥാന വോട്ട് നില നിര്ത്തി എന്നതാണ് തിരഞ്ഞെടുപ്പ് ഫലം ചൂണ്ടിക്കാട്ടുന്നത്. ഈ തിരഞ്ഞെടുപ്പില് വോട്ട് വര്ധിച്ചത് ബിജെപിക്ക് മാത്രമാണെന്നും അദ്ദേഹം പറഞ്ഞു.
നിലപാട് കൊണ്ട് മുന്പേ നടന്ന കലാകാരന്: രമേശ് പിഷാരടി
ആര്യാടന് ഷൗക്കത്ത് വിജയത്തില് പ്രതികരിച്ച് രമേശ് പിഷാരടിയുടെ ഫേസ്ബുക്ക് പോസ്റ്റ്: ചലച്ചിത്ര മേഖലയില് നിന്നും നിലപാട് കൊണ്ടും നിലവാരം കൊണ്ടും മുന്പേ നടന്ന കലാകാരന്, പൊതു പ്രവര്ത്തകന്; പ്രിയപ്പെട്ട ശ്രീ. ആര്യാടന് ഷൗക്കത്ത് ഇക്കയ്ക്ക് അഭിനന്ദനങ്ങള്.
പാര്ട്ടി പരിശോധിക്കും: എംഎ ബേബി
നിലമ്പൂരിലെ തിരിച്ചടി പാര്ട്ടി പരിശോധിക്കുമെന്ന് സിപിഎം ജനറല് സെക്രട്ടറി എംഎ ബേബി. ജയിക്കാവുന്ന സാഹചര്യമുണ്ടായിട്ടും ഇടത് സ്ഥാനാര്ത്ഥി എന്തുകൊണ്ടു തോറ്റു എന്നത് സംസ്ഥാന - ജില്ലാ ഘടകങ്ങള് പരിശോധിച്ച് വിലയിരുത്തും. മൂന്നാം ഭരണത്തിന് ഈ ഉപതെരെഞ്ഞെടുപ്പ് ഫലം തിരിച്ചടിയാകില്ല.
സര്ക്കാറിനെതിരെയുള്ള വിധിയെഴുത്ത്: രാഹുല് മാങ്കൂട്ടത്തില്
സര്ക്കാറിനെതിരെയുള്ള വിധിയെഴുത്താണ് നിലമ്പൂരില് കണ്ടതെന്ന് യൂത്ത് കോണ്ഗ്രസ് സംസ്ഥാന പ്രസിഡന്റ് രാഹുല് മാങ്കൂട്ടത്തില്. ചില സാംസ്കാരിക നായകര് എന്ന് വിളിക്കപ്പെടുന്നവരും ചില മാധ്യമപ്രവര്ത്തകരും നടത്തിയ ഷോ ഒന്നും ജനങ്ങള് സ്വീകരിച്ചിട്ടില്ല എന്ന് ജനങ്ങളുടെ ഷോയിലൂടെ മനസിലാവുകയാണ്.
നിലമ്പൂർ തിരഞ്ഞെടുപ്പിൽ ആര്യാടൻ ഷൗക്കത്തിന്റെ വിജയത്തിന് പിന്നാലെ ഇടതുപക്ഷത്തേയും എഴുത്തുകാരെയും പരിഹസിച്ച് ജോയ് മാത്യു. കാട്ടാന വന്നു ജനം ക്ഷമിച്ചു. കാട്ടുപന്നി വന്നു, ജനം ക്ഷമിച്ചു. കടുവ വന്നു, ജനം ക്ഷമിച്ചു. കാട്ടുപോത്ത് വന്നു, ജനം ക്ഷമിച്ചു. എഴുത്തുകാര് വന്നു, ജനം പ്രതികരിച്ചു എന്നാണ് ജോയ് മാത്യു കുറിച്ചത്.
അന്വര് ജനപിന്തുണയുള്ള നേതാവെന്ന് സുധാകരന്
പിവി അന്വറെപ്പോലെ ഒരു രാഷ്ട്രീയക്കാരനെ വേണ്ട എന്ന് കോണ്ഗ്രസ് പറയില്ലെന്ന് കെപിസിസി മുന് അധ്യക്ഷന് കെ.സുധാകരന്. ജനപിന്തുണയുള്ള നേതാവാണ് അന്വര്, അന്വറിന് വലിയ പ്രാധാന്യം തിരഞ്ഞെടുപ്പിലുണ്ടായിരുന്നുവെന്നും അദ്ദേഹം കൂട്ടിച്ചേര്ത്തു.
എൽഡിഎഫ് മികച്ച പോരാട്ടം നടത്തി; വി ശിവൻകുട്ടി
എല്ഡിഎഫ് നടത്തിയത് മികച്ച പോരാട്ടമെന്ന് മന്ത്രി വി ശിവന്കുട്ടി. കോണ്ഗ്രസിനും ലീഗിനും ദീര്ഘകാല സ്വാധീനമുള്ള ഒരു സീറ്റിലെ ഫലം മാത്രമാണ് നിലമ്പൂരിലേതെന്നും അദ്ദേഹം പറഞ്ഞു. എം സ്വരാജും ഇടതുപക്ഷ ജനാധിപത്യമുന്നണി പ്രവര്ത്തകരും മികച്ച പോരാട്ടം തന്നെ നടത്തി. ഒരു പരാജയവും അന്തിമമല്ലെന്നും അദ്ദേഹം പറയുന്നു.
എൽഡിഎഫിന് രാഷ്ട്രീയ മത്സരത്തിലൂടെ ജയിക്കാവുന്ന മണ്ഡലമല്ല നിലമ്പൂർ; എംവി ഗോവിന്ദൻ
നിലമ്പൂരിലെ യുഡിഎഫ് ജയം അംഗീകരിക്കുന്നുവെന്ന് സിപിഎം സംസ്ഥാന സെക്രട്ടറി എംവി ഗോവിന്ദൻ. പരാജയം പരിശോധിച്ച് ആവശ്യമായ നിലപാടുകൾ അംഗീകരിച്ച് മുന്നോട്ട് പോകും. തിരുത്തൽ ആവശ്യമങ്കിൽ അത് വരുത്തും. ഇടതുമുന്നണി രാഷ്ട്രീയ മത്സരത്തിലൂടെ ജയിക്കാനാകുന്ന മണ്ഡലമല്ല നിലമ്പൂരെന്നും അദ്ദേഹം പറഞ്ഞു.
സിപിഎം ഉയർത്തിയ വർഗീയ ധ്രുവീകരണ രാഷ്ട്രീയത്തിന് ശക്തമായ തിരിച്ചടി; ജമാഅത്തെ ഇസ്ലാമി
ജമാഅത്തെ ഇസ്ലാമിക്കെതിരെ വിദ്വേഷ ചാപ്പ കുത്തി ഭരണവിരുദ്ധ വികാരത്തെ മറികടക്കാൻ സിപിഎമ്മിനാവില്ലെന്ന് ജമാഅത്തെ ഇസ്ലാമി കേരള അമീർ പി മുജീബുറഹ്മാൻ. സിപിഎം ഉയർത്തിയ വർഗീയ ധ്രുവീകരണ രാഷ്ട്രീയത്തിന് ശക്തമായ തിരിച്ചടിയാണ് നിലമ്പൂരിൽ സംഭവിച്ചതെന്നും അദ്ദേഹം പറഞ്ഞു. ജമാഅത്തെ ഇസ്ലാമി നിലമ്പൂരിൽ മത്സരിച്ചിട്ടില്ല, നേരിട്ട് കക്ഷി ചേർന്നിട്ടുമില്ലെന്നും അദ്ദേഹം പറയുന്നു.
ഒറ്റക്കെട്ടായി പ്രവര്ത്തിച്ചതിന്റെ ഫലം
യുഡിഎഫ് ഒറ്റക്കെട്ടായി പ്രവര്ത്തിച്ചതിന്റെ ഫലമാണ് നിലമ്പൂരിലെ വിജയം എന്ന് പ്രതിപക്ഷ നേതാവ് വിഡി സതീശന്. ജനങ്ങളുടെ വിശ്വാസം കാത്തുസൂക്ഷിക്കും എന്ന് സതീശന്. വോട്ടര്മാരോട് നന്ദി പറയുന്നു എന്നും സതീശന്. 2026 ലെ തിരഞ്ഞെടുപ്പിലേക്കുള്ള ഇന്ധനമാണ് നിലമ്പൂരിലെ വിജയമെന്നും സതീശന്
2026ൽ യുഡിഎഫ് കൊടുങ്കാറ്റ് പോലെ തിരിച്ച് വരും; വിഡി സതീശൻ
നിലമ്പൂരിൽ ആര്യാടൻ ഷൗക്കത്തിന്റെ വിജയത്തിന് പിന്നാലെ പ്രതികരണവുമായി പ്രതിപക്ഷ നേതാവ് വിഡി സതീശൻ. ചങ്ക് കൊടുത്തും മുന്നണിയെ സ്നേഹിക്കുന്ന പ്രവർത്തകരും നേതാക്കളുമുള്ളപ്പോൾ യുഡിഎഫ് ജനഹൃദയം കവരുമെന്നും ഒറ്റ പാർട്ടിയെ പോലെ പ്രവർത്തിക്കുന്ന ഐക്യ ജനാധിപത്യ മുന്നണി 2026ൽ കൊടുങ്കാറ്റ് പോലെ തിരിച്ച് വരുമെന്നും അദ്ദേഹം പറഞ്ഞു.
READ MORE
More From
-
എല്ലാം കണക്കാ...- കാൽനൂറ്റാണ്ടിനിടെ എൽഡിഎഫ് പതുങ്ങിയതും യുഡിഎഫ് കുതിച്ചതും 2001ൽ -
രാജീവ് ഗാന്ധിയുടെ സോറി- ‘ഡീൽ’ ആരോപണം ചൂടുപിടിക്കുമ്പോൾ മൂന്നര പതിറ്റാണ്ടിനിപ്പുറവും ലൈവായി ‘കോലീബി സഖ്യം’ -
വി.എം. സുധീരനെ അപരൻ ‘തോൽപ്പിച്ചപ്പോൾ...’ -
ത്രികോണപ്പോര് മുറുകി തലസ്ഥാന ജില്ല, മൂന്ന് ഹോട്ട്സ്പോട്ടുകൾ -
ഇത്തവണത്തെ താരം ‘ചുവർബോട്ട്’; എഐ അടക്കം പ്രചാരണം ഹൈടെക് -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
പത്തനംതിട്ടയിൽ അഞ്ചിടത്തും പഞ്ചതന്ത്രം പയറ്റി മുന്നണികൾ -
‘ഒന്ന് മാറിത്തന്നൂടെ...’- ഇനി അപരന്മാർക്ക് ഡിമാന്റുള്ള രണ്ടുനാൾ -
‘ചാഞ്ചാട്ട’ മണ്ഡലങ്ങൾ പത്ത്- എൽഡിഎഫിന് ഏഴ്, യുഡിഎഫിന് മൂന്ന്, അഞ്ചിടത്ത് രണ്ടാമതെത്തിയത് എൻഡിഎ -
മാങ്ങ വിൽക്കാനും കൃഷി ചെയ്യാനും അറിയാമെന്ന് അഖിൽ മാരാർ; നിലപാട് ഇല്ലല്ലോയെന്ന് പരിഹാസം -
ആരും കേരളത്തിൽ സർക്കാരുണ്ടാക്കാം, നേരിയ മുൻതൂക്കം ഈ മുന്നണിക്ക്, വോട്ട് വൈബ് സര്വ്വേ ഫലം പറയുന്നത് -
യുവ മനസ്സുകളിലെന്താണ്? 2021ലെ വോട്ട് വിഹിതം വർധിപ്പിക്കാൻ ‘ജെൻ സി’യെ കയ്യിലെടുക്കാൻ മുന്നണികൾ
Click it and Unblock the Notifications
Sign in with Google