#Death

ചികിത്സാ പിഴവെന്ന് ആരോപണം, തലശേരിയില്‍ പിഞ്ചുകുഞ്ഞിന്റെ മൃതദേഹം വീണ്ടും പോസ്റ്റുമോര്‍ട്ടം നടത്തി
#Death

ചെമ്മീൻ കറി കഴിച്ചതിന് പിന്നാലെ ശ്വാസംമുട്ടൽ; വരാപ്പുഴയിൽ 46കാരൻ മരിച്ചു
#Health

ചെറുനാരങ്ങ ജ്യൂസടിക്കാന്‍ മാത്രമുള്ളതല്ല, ഇഷ്ടം പോലെ ഗുണങ്ങളുണ്ട്; ഇങ്ങനെ കഴിച്ചാല്‍ അറിയാം മാറ്റം
#Health

പനീര്‍ ഒന്നിനും കൊള്ളില്ലെന്ന് കരുതരുത്? ഭയങ്കര ടേസ്റ്റാണ്; കഴിച്ച് നോക്കൂ മാറ്റം അത്ഭുതപ്പെടുത്തും
#Health

കാബേജ് എപ്പോഴാണ് കഴിക്കാറുള്ളത്? ഇനി മുതൽ ഇതുപോലെ ഈ സമയത്ത് കഴിച്ചോളൂ,ഗുണങ്ങൾ ഏറെ
#Health

ചെറുനാരങ്ങയ്ക്ക് ഗുണങ്ങളേയുള്ളൂ, തേന്‍ ചേര്‍ത്താല്‍ പിടിച്ചാല്‍ കിട്ടില്ല; ഈ മാറ്റങ്ങളുണ്ടാവും

ലിനിയുടെ കുടുംബത്തിന് സർക്കാരിന്റെ സഹായം; മക്കൾക്ക് 20 ലക്ഷം രൂപ, ഭർത്താവിന് സർക്കാർ ജോലി...

നിപ്പാ വൈറസ് ബാധയേറ്റ് മരിച്ച മറ്റുള്ളവരുടെ കുടുംബങ്ങൾക്ക് അഞ്ച് ലക്ഷം രൂപ ധനസഹായം നൽകാനും മന്ത്രിസഭാ യോഗം തീരുമാനിച്ചു.

By Afeef
Updated: Wednesday, May 23, 2018, 11:12 [IST]

തിരുവനന്തപുരം: നിപ്പാ വൈറസ് ബാധിതരെ പരിചരിക്കുന്നതിനിടെ വൈറസ് ബാധയേറ്റ് മരിച്ച ലിനിയുടെ കുടുംബത്തിന് സംസ്ഥാന സർക്കാരിന്റെ ധനസഹായം. വൈറസ് ബാധിതരെ ശുശ്രൂഷിക്കുന്നതിനിടെ രോഗം പിടിപ്പെട്ട് മരിച്ച പേരാമ്പ്ര താലൂക്ക് ആശുപത്രിയിലെ നഴ്സായിരുന്ന ലിനിയുടെ രണ്ട് മക്കൾക്കും പത്ത് ലക്ഷം രൂപ വീതം ധനസഹായം നൽകാനും, ലിനിയുടെ ഭർത്താവ് സജീഷിന് സർക്കാർ ജോലി നൽകാനും മന്ത്രിസഭാ യോഗം തീരുമാനിച്ചു. നിപ്പാ വൈറസ് ബാധയേറ്റ് മരിച്ച മറ്റുള്ളവരുടെ കുടുംബങ്ങൾക്ക് അഞ്ച് ലക്ഷം രൂപയും ധനസഹായം നൽകും.

ലിനിയുടെ മക്കൾക്ക് നൽകുന്ന തുകയിൽ അഞ്ച് ലക്ഷം രൂപ സ്ഥിരനിക്ഷേപമായിട്ടാകും നൽകുക. ബാക്കി അഞ്ച് ലക്ഷം രൂപ വീതം അവരുടെ ചിലവുകൾക്കായി നൽകും. സ്ഥിരനിക്ഷേപമായി നൽകുന്ന പണം കുട്ടികൾക്ക് പ്രായപൂർത്തിയാകുമ്പോൾ ഉപയോഗിക്കാനാവും.

നിപ്പാ വൈറസ് ബാധയുടെ വ്യാപനം തടയാൻ എല്ലാ നടപടികളും സ്വീകരിച്ചിട്ടുണ്ടെന്ന് ആരോഗ്യമന്ത്രി കെകെ ശൈലജ പറഞ്ഞു. നിപ്പാ വൈറസ് ബാധിതരുടെ മുഴുവൻ ചികിത്സാ ചെലവും സർക്കാർ വഹിക്കുമെന്നും മന്ത്രി വ്യക്തമാക്കി. നിലവിലെ സാഹചര്യവും പ്രതിരോധ പ്രവർത്തനങ്ങളും വിലയിരുത്താനും ചർച്ച ചെയ്യാനും കോഴിക്കോട് സർവകക്ഷി യോഗം വിളിക്കും. മെയ് 25 വെള്ളിയാഴ്ചയാണ് സർവകക്ഷി യോഗം ചേരുക. ജനങ്ങളുടെ ഭീതിയകറ്റാനും പരിഭ്രാന്തി ഒഴിവാക്കാനുമാണ് നിലവിലെ ശ്രമങ്ങളെന്നും , മതിയായ ജീവനക്കാരെ കോഴിക്കോടും, മലപ്പുറത്തും നിയോഗിച്ചിട്ടുണ്ടെന്നും മന്ത്രി വ്യക്തമാക്കി.