Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
'ഓഖി ' ജാഗ്രതയോടെ പോലീസ് ആശങ്ക വേണ്ടെന്ന് അധികൃതരുടെ മുന്നറിയിപ്പ്
വടകര : തീരദേശത്ത് കഴിഞ്ഞ മൂന്ന് ദിവസമായി രൂപപ്പെട്ട ഓഖി കാറ്റിനെ തുടര്‍ന്ന് കടല്‍ക്ഷോഭം ഉണ്ടാവാനുള്ള സാധ്യത കണക്കിലെടുത്ത് പൊലീസിന്റെ സാന്നിധ്യത്തില്‍ അവലോകന യോഗം നടന്നു. തീരദേശ ജാഗ്രത സമിതിയംഗങ്ങള്‍, ജനപ്രതിനിധികള്‍, തീരദേശവാസികള്‍ പങ്കെടുത്തു. ഏത് സാഹചര്യവും നേരിടാന്‍ പൊലീസ് ജാഗ്രതയോടെ പ്രദേശത്ത് നിലയുറപ്പിക്കുമെന്ന് പൊലീസിന്റെ എല്ലാ വാഹന സൗകര്യങ്ങളും ഏര്‍പ്പെടുത്തിയതായും ഡിവൈഎസ്പി ടിപി പ്രേമരാജന്‍ അറിയിച്ചു.
വടകരയിലെ ടൂറിസം കേന്ദ്രമായ സാന്‍ഡ്ബാങ്ക്‌സിലേക്കുള്ള പ്രവേശനം താല്‍ക്കാലികമായി നിര്‍ത്തിവച്ചു. കഴിഞ്ഞ ദിവസം രാത്രിയോടെ ശക്തമായ കാറ്റോടുകൂടി തിരമാല ഉയര്‍ന്ന് വന്നത് തീരദേശവാസികളെ പരിഭ്രാന്തിയിലാഴ്ത്തി. എന്നാല്‍ സുനാമി പോലുള്ള വന്‍ ദുരന്തമാണ് വരാന്‍ പോകുന്നതെന്ന ഭീതി ജനങ്ങള്‍ക്കുള്ളതിനാല്‍ അത്തരമൊകു ഭീതിയകറ്റുന്നതിനായാണ് പൊലീസ് യോഗം ചേര്‍ന്നത്.
സാന്‍ഡ്ബാങ്ക്‌സ് മുതല്‍ കുരിയാടി, ചോറോട്, മുട്ടുങ്ങല്‍, അറക്കല്‍, മാടാക്കര, അഴിയൂര്‍ തീരദേശം, ചോമ്പാല എന്നിവിടങ്ങളില്‍ മുഴുവന്‍ സമയം പൊലീസ് പെട്രോളിംഗ് നടത്തുന്നുണ്ട്. പൊലീസിനെ സഹായിക്കാനായി നാട്ടുകാരും, വിവിധ സംഘടനകളും വാഹനങ്ങളുമായി അടിയന്തിര ഘട്ടം നേരിടാന്‍ രംഗത്തുണ്ട്.
