കേരളത്തില് ഇന്നും കൊറോണ വൈറസ് രോഗികളില്ല; 56 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കി
തിരുവനന്തപുരം: കേരളത്തിന് ഇന്നും ആശ്വാസ ദിനം. സംസ്ഥാനത്ത് ഇന്ന് ആര്ക്കും കൊറോണ വൈറസ് രോഗം സ്ഥിരീകരിച്ചിട്ടില്ല. ഇന്നലേയും സംസ്ഥാനത്ത് ആര്ക്കും രോഗം സ്ഥിരീകരിച്ചിരുന്നില്ല. മെയ് മാസത്തില് 1,3,4,6,7 തിയ്യതികളിലാണ് സംസ്ഥാനത്ത് കൊറോണ സ്ഥിരീകരിക്കാത്തത്.
ഇന്ന് അഞ്ച് പേരുടെ പരിശോധന ഫലമാണ് നെഗറ്റീവായിരിക്കുന്നത്. കണ്ണൂര് ജില്ലയില് നിന്നുള്ള 3 പേരുടേയും കാസര്ഗോഡ് ജില്ലയിലെ 2 പേരുടേയും പരിശോധനാ ഫലമാണ് നെഗറ്റീവായത്. 474 പേരാണ് ഇതുവരെ കോവിഡില് നിന്നും മുക്തി നേടിയത്. 25 പേരാണ് നിലവില് സംസ്ഥാനത്തെ വിവിധ ആശുപത്രികളില് ചികിത്സയിലുള്ളത്.
സംസ്ഥാനത്തെ വിവിധ ജില്ലകളിലായി 16,693 പേര് നിരീക്ഷണത്തിലാണ്. ഇവരില് 16,383 പേര് വീടുകളിലും 310 പേര് ആശുപത്രികളിലും നിരീക്ഷണത്തിലാണ്. 131 പേരെയാണ് ഇന്ന് ആശുപത്രിയില് പ്രവേശിപ്പിച്ചത്. ഇതുവരെ 35,171 വ്യക്തികളുടെസാമ്പിള് പരിശോധനയ്ക്ക് അയച്ചിട്ടുണ്ട്. ഇതില് ലഭ്യമായ 34,519 സാമ്പിളുകളുടെ പരിശോധനാഫലം നെഗറ്റിവ് ആണ്.
സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 3035 സാമ്പിളുകള് ശേഖരിച്ചതില് 2337 സാമ്പിളുകള് നെഗറ്റീവ് ആണ്.
Recommended Video
സംസ്ഥാനത്ത് ഇന്നും പുതിയ ഹോട്ട് സ്പോട്ടുകളെന്നും തന്നെ ഇല്ല. അതേസമയം 56 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കിയിട്ടുമുണ്ട്. സംസ്ഥാനത്ത് നിലവില് ആകെ 33 ഹോട്ട് സ്പോട്ടുകളാണ് ഉള്ളത്.