യുഡിഎഫ് നീക്കം പാളി!! സമവായത്തിന് ഒരുക്കമല്ലെന്ന് പിജെ ജോസഫ്, വീണ്ടും പ്രതിസന്ധി
കോട്ടയം: പാര്ട്ടി ചെയര്മാന് സ്ഥാലത്തെ ചൊല്ലി കേരള കോണ്ഗ്രസ് (എം) ല് ഉടലെടുത്ത തര്ക്കം പരിഹരിക്കാനുള്ള കോണ്ഗ്രസിന്റെ സമവായ സാധ്യത തള്ളി പിജെ ജോസഫ്. ജോസ് കെ മാണിയെ ഒരിക്കലും ചെയര്മാനായി അംഗീകരിക്കില്ലെന്ന് പിജി ജോസഫ് വ്യക്തമാക്കി. ജോസ് കെ മാണി ചെയര്മാനായി തുടര്ന്നുകൊണ്ടുള്ള ഒരു അനുരജ്ഞനത്തിനും തയ്യാറല്ലെന്നും പിജെ ജോസഫ് പറഞ്ഞു.
4 ലക്ഷം അംഗങ്ങളെ ചേര്ക്കണമെന്ന് അമിത് ഷാ, കേരളത്തില് കുറുക്കുവഴി തേടി നേതാക്കള്
ചെയര്മാന് സ്ഥാനത്തില് വിട്ടുവീഴ്ചയ്ക്ക് തയ്യാറെങ്കില് ചര്ച്ചയ്ക്ക് പ്രസക്തിയുണ്ട്. ജോസ് കെ മാണിക്ക് മനം മാറ്റം ഉണ്ടായാല് സമവായ ചര്ച്ചകളെ കുറിച്ച് ആലോചിക്കാമെന്നും ജോസഫ് പറഞ്ഞു. പാലാ തിരഞ്ഞെടുപ്പ് ആസന്നമായിരിക്കേയാണ് ജോസ് കെ മാണി-പിജെ ജോസഫ് വിഭാഗങ്ങള് തമ്മിലുള്ള തര്ക്കത്തില് യുഡിഎഫ് നേതൃത്വം ഇടപെട്ടത്. പ്രശ്നം ഈ നിലയ്ക്ക് തുടര്ന്നാല് അത് മുന്നണി സംവിധാനത്തെ തന്നെ അത് ദോഷകരമായി ബാധിക്കുമെന്ന് യുഡിഎഫ് നേതാക്കള് വ്യക്തമാക്കിയിരുന്നു.
ബിജെപി ബന്ധത്തില് പിസിക്ക് വീണ്ടും തിരിച്ചടി; യുഡിഎഫിനൊപ്പമെന്ന് പഞ്ചായത്ത് പ്രസിഡന്റും അംഗവും
പരസ്പരം പ്രകോപനമുണ്ടാക്കുന്ന നടപടികളില് നിന്ന് മാറി നില്ക്കണമെന്ന് പിജെ ജോസഫിനോടും ജോസ് കെ മാണിയോടും യുഡിഎഫ് നേതൃത്വം ആവശ്യപ്പെട്ടത്. എന്നാല് എല്ലാ സമവായ സാധ്യകളും തള്ളിയിരിക്കുകയാണ് പിജെ ജോസഫ്. അതേസമയം നിലവിലെ സ്ഥിതിയില് പാലാ ഉപതിരഞ്ഞെടുപ്പ് യുഡിഎഫിന് തലവേദനയാകുമെന്നാണ് വിലയിരുത്തപ്പെടുന്നത്. പിളര്പ്പുണ്ടായാലും യുഡിഎഫ് വിടില്ലെന്ന് നേതാക്കള് ആവര്ത്തിക്കുന്നുണ്ടെങ്കിലും പാലാ സീറ്റിനെ ചൊല്ലിയുള്ള തര്ക്കം മുന്നണിയില് കൂടുതല് പൊട്ടിത്തെറികള്ക്ക് കാരണമാകുമെന്നാണ് കണക്കാക്കപ്പെടുന്നത്.
വീണ്ടും നടുങ്ങി നായിഡു, നാല് എംപിമാര്ക്ക് പിന്നാലെ മുന് എംഎല്എ ബിജെപിയില്