Click it and Unblock the Notifications
Just In
Don't Miss
-
ആ പ്രണയം തകർന്നത് നന്നായി, പ്രസന്നയെ പോലൊരു ഭർത്താവിനെ കിട്ടി; ആ വർഷം കഠിനമായിരുന്നെന്നും സ്നേഹ -
IPL 2024: 36 ബോളില് വേണ്ടത് 96! നാലു വിക്കറ്റ് മാത്രം, 'തോറ്റ' കളി റോയല്സ് ജയിച്ചതെങ്ങനെ? നോക്കാം -
മൂകാംബികയിൽ തൊഴുത് തടാക ക്ഷേത്രവുംപറശ്ശിനിക്കടവും കണ്ടുവരാം.. തീർത്ഥാടന പാക്കേജ് -
രാജ്യത്തെ വാഹന കയറ്റുമതിയിൽ ഇടിവ്, കണക്കുകൾ പുറത്ത് വിട്ട് സിയാം -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
ശ്രീറാമിന്‍റെ രക്തത്തില്‍ മദ്യത്തിന്‍റെ സാന്നിധ്യമില്ല: പരിശോധനാഫലം പോലീസിന് കൈമാറി
തിരുവനന്തപുരം: മാധ്യമപ്രവര്‍ത്തകന്‍ കെഎം ബഷീറിനെ കാറിടിച്ചു കൊന്ന എഐഎസ് ഓഫീസര്‍ ശ്രീറാം വെങ്കിട്ടരാമന്റെ രക്തപരിശേധാനാ ഫലം പുറത്ത്. ശ്രീറാമിന്‍റെ രക്തത്തില്‍ മദ്യത്തിന്‍റെ സാന്നിധ്യം ഇല്ലെന്നാണ് കെമിക്കല്‍ എക്സാമിനേഷന്‍ ലാബില്‍ നടത്തിയ പരിശോധനാ ഫലം വ്യക്തമാക്കുന്നത്. റിപ്പോര്‍ട്ട് ലാബ് അധികൃതര്‍ പോലീസിന് കൈമാറി. അപകടം നടന്ന് 10 മണിക്കൂറോളം കഴിഞ്ഞിട്ടായിരുന്നു ശ്രീറാമിന്‍റെ രക്തസാംപിള്‍ ശേഖരിച്ചത്. ഇതുമൂലമാണ് മദ്യത്തിന്‍റെ അളവ് കണ്ടെത്താന്‍ കഴിയാതിരുന്നതെന്ന് ആക്ഷേപമുണ്ട്.
കുറ്റകരമായ നരഹത്യാ കുറ്റം ഉള്‍പ്പെടെ ചുമത്തിയായിരുന്നു ശ്രീറാമിനെതിരെ പോലീസ് കേസ് രജിസ്റ്റര്‍ ചെയ്തിട്ടുള്ളത്. രക്തത്തില്‍ മദ്യത്തിന്‍റെ സാന്നിധ്യമില്ലെന്ന റിപ്പോര്‍ട്ട് പുറത്തുവന്നതോടെ ഐപിസി 304 പ്രകാരമുള്ള ഈ കുറ്റം നിലനില്‍ക്കുമോ എന്ന കാര്യത്തില്‍ സംശയം ഉയര്‍ന്നിട്ടുണ്ട്.
അപകടം നടന്നയുടനെ ശ്രീറാമിന്‍റെ രക്തസാംപിളുകള്‍ എടുക്കുന്നതിലടക്കം പോലീസ് വീഴ്ച്ച വരുത്തിയെന്ന വിമര്‍ശനം ശക്തമായിരുന്നു. ജനറല്‍ ആശുപത്രിയിലെത്തിച്ച ശ്രീറാമിന്‍റെ ദേഹപരിശോധന നടത്താന്‍ മാത്രമായിരുന്നു പോലീസ് ആവശ്യപ്പെട്ടതെന്ന് ഡോക്ടര്‍മാര്‍ വ്യക്തമാക്കിയിരുന്നു. ശ്രീറാമിന്‍റെ കൂടെയുണ്ടായിരുന്നു വഫയുടെ മാത്രം രക്തസാംപിളായിരുന്നു ആദ്യഘട്ടത്തില്‍ പരിശോധിച്ചത്.
പിന്നീട്, വണ്ടിയോടിച്ചത് ശ്രീറാം ആണെന്ന് വ്യക്തമായതിന് ശേഷമായിരുന്നു അദ്ദേഹത്തിന്‍റെ രക്തസാംപിള്‍ പരിശോധനക്കായി ശേഖരിച്ചത്. അപ്പോഴേക്കും അപകടം നടന്ന് മണിക്കൂറുകള്‍ പിന്നിട്ടിരുന്നു. ഇതിനിടയില്‍ രക്തത്തിലെ മദ്യത്തിന്‍റെ സാന്നിധ്യം കുറയ്ക്കുന്ന മരുന്നുകളും ശ്രീറാം കഴിച്ചുവെന്ന റിപ്പോര്‍ട്ടുകളും പുറത്തുവന്നിരുന്നു.
അതിനിടെ, കേസില്‍ ശ്രീറാം വെങ്കിട്ടരാമന്റെ ജാമ്യാപേക്ഷ പരിഗണിക്കുന്നത് വഞ്ചിയൂര്‍ കോടതി മാറ്റിവെച്ചു. കസ്റ്റഡി അപേക്ഷ പരിഗണിച്ചതിനു ശേഷമേ ജാമ്യാപേക്ഷ പരിഗണിക്കാനാകുവെന്ന് കോടതി അറിയിച്ചു. നാളെയാണ് കസ്റ്റഡി അപേക്ഷ പരിഗണിക്കുന്നത്.
